885
22
4
開飯介紹
中環少有的泰式小食串燒店,店內只有企位,沒有座位,乃窮忙上班族在鬧巿中的另類選擇。
繼續閱讀
營業時間
今日營業
11:00 - 05:30
星期一至日
11:00 - 05:30
以上資料只供參考, 請與餐廳確認詳情
相關文章
地點:中環蘭桂坊和安里菜式:泰式串燒餐牌:多款串燒肉類,海鮮同蔬菜,餐牌亦有海南雞,幾款泰式飯,沙律,湯,街頭小食,甜品,仲有飲品,簡單易明。無收加一。平日午市都有午餐餐牌。主菜4選1,跟餐飲。首先去收銀處落單俾錢,然後自己揾位坐低再放低數字牌,等服務員逐一送上食物,可以自取飲管、紙巾、砂糖等。去骨海南雞半隻 $135去骨海南雞半隻都好大隻,真係全部去哂骨,連雞翼都細心去埋骨,除左雞翼尖位。雞脾位好滑溜,肉質嫩滑!雞胸肉都唔差。有好多肉同皮食,份量多。附上兩色醬,分別有甜豉油同酸辣醬,點醬食就好夠味啦。雞肉下底墊左好多爽脆偏生梛菜同一條紅蘿蔔仔,蔬菜量足。面頭一條新鮮芫荽。泰式串燒雞肉配炒飯及雜菜 $66泰式串燒雞肉三串,燒得燶燶地,無皮,食落啖啖肉,好多肉食。另上沙爹醬,花生味濃,甜甜地好惹味。雜菜即係串燒下面墊底既椰菜,仲有一條甘筍。泰式炒飯醬油味濃,味道都頗辣,加左好多材料如菜粒、菜絲同辣椒等同炒,好惹味,送白烚梛菜啱哂。青木瓜手撕雞沙律 $69手撕雞又瘦又稔,完全唔鞋,份量好多,面頭一片薄荷葉。下底青木瓜絲好新鮮爽脆,好有咬口,伴有少少青瓜絲同紅蘿蔔絲。甜酸蒜蓉汁另上,成兜倒埋落去,食落味道酸酸甜甜。怕肥人仕必叫。另外叫左串串燒。串燒用紙袋裝住。豬頸肉 $25豬頸肉一客4件,係燶邊架,口感超脆,好香口!味道叫左辣,配有芫茜酸辣醬,都頗辣!凍檸水(跟餐)凍檸水用個保溫杯裝住,入面有三塊檸檬,冇叫減甜,甜度都適中,解辣一流!今餐食物令人滿意。座位基本上都係高凳,播放酒吧音樂,非常之有happy hour feeling,冷氣好夠勁,大熱天時都唔會太熱。午餐收工happy hour宵夜都得。
繼續閱讀
今日放工想食泰式野,就行試和安里搵搵~呢間好似幾多選擇咁😝二話不說入去試試!🛎 $72 去骨海南雞飯雞肉非常嫩滑多汁,完全去骨🤘🏻🤘🏻🤘🏻食落啖啖肉勁方便!其次要講講啲飯粒非常香潤😍佢唔係普通白飯~有微微既雞肉香氣😛口感輕盈,完美地搭配了雞肉既濃郁口味。搭配薑蓉醬同醬油都係呢個飯既靈魂😈帶來左一種微辣同清新既風味,與雞肉既鮮甜相輔相成!!!🛎 $75 串燒配泰式炒飯串燒有雞牛豬三款配上沙嗲醬非常惹味😽泰式炒飯嘅獨特之處就係佢哋嘅調味料。通常會用到魚露、醬油同咖哩粉,令炒飯帶有一種微妙嘅鹹香同辛辣味道👻 辣辣地🌶️勁香!🛎 $40 冬蔭功湯係用一個大杯裝住~勁方便!湯底辣度適中~好香🤩🤩🤩佢哋用咗辣椒、香茅同蒜煮成嘅湯底,味道非常豐富~入面仲有各種配料,例如雞肉、蝦、蘑菇等等😋各種材料都煮得剛好,肉質鮮嫩,海鮮類食材都好鮮美。🛎 $22 雞中翼🛎 $25 豬頸肉黎到點可以唔叫返兩串串燒呀🥳全部即燒,熱辣辣好抵食🤤🛎 $25 龍眼冰夏天咁熱好需要解渴!每一粒龍眼都好甜😍帶有淡淡嘅花香味,真係好開胃!食落仲有一種脆脆嘅口感,好爽口😈甜度剛剛好!
繼續閱讀
【中西區】【Grill ขุนทอง】後生嗰陣落老蘭,都會順便喺附近食吓嘢。基本上附近好多餐廳、小食店都已經食過晒,唯獨有一間一直都冇機會食,就係路口位嘅呢間泰式串燒「Grill ขุนทอง」喇。點解唔食係因為次次佢都排長龍嘅,喺嗰頭係超有人氣勁受歡迎嘅串燒店嚟,係食唔到。同梁娘傾開呢樣嘢,就不如趁早啲未入夜一齊過去試吓。佢哋仲有泰式飯類,我見都幾吸引,不過就係想試佢哋嘅串燒。我哋試咗「牛仔骨」、「有機露筍」、「雞皮」、「泰國魚餅」、「豬肉」、「雞肉」、「雞中翼」、「白豬肉腸」同「魷魚鬚」。啲串燒都幾高質,難怪咁出名啦。梁娘仲試咗佢哋嘅「生啤」,係「勝獅啤酒」,我見佢都幾享受。我就試佢哋嘅「龍眼冰」,好多龍眼肉可以食,杯嘢亦都好飲。佢哋嘅食物同飲品質素都唔錯,難怪知名度咁高,成為咗蘭桂坊其中一間指標性餐廳,犀利。。。(地址:中環和安里1號地舖)@grill_combo_lkf#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #Grillขุนทอง #Grill #ขุนทอง #串燒 #蘭桂坊 #老蘭美食 #牛仔骨 #有機露筍 #雞皮 #泰國魚餅 #豬肉 #雞肉 #雞中翼 #白豬肉腸 #魷魚鬚 #生啤 #龍眼冰 #1am1357 #1ambackup
繼續閱讀
#MC帶你去中環.嚟到酒吧林立既老蘭(蘭桂坊),又點可以唔試下斜路依間老蘭名物–泰式串燒店 Grill ขุนทอง 。喺深宵時段,唔少人玩樂微醺過後,都會忍不住來幾串。➖➖➖➖➖➖➖➖➖➖➖➖➖➖➖➖✨ Grill ขุนทอง (和安里).餐廳主打泰式串燒,而且即叫即燒,除咗串燒外,仲有主食、小食等,款式多樣化。雖然餐廳以外賣為主,但亦設有堂食座位,可以坐得舒舒服服。➖➖➖➖➖➖➖➖➖➖➖➖➖➖➖➖🥢 泰式酸辣豬頸肉沙律 $75.豬頸肉有6至8片,份量超足料!豬頸肉咬落香嫩多汁,配埋芹菜、紅蘿蔔絲、洋蔥絲,口感豐富;味道酸酸辣辣,越食越惹味。➖➖➖➖➖➖➖➖➖➖➖➖➖➖➖➖🥢 冬蔭功湯 $40.冬蔭功湯非常惹味,味道香濃,酸辣做得剛好,陣陣椰香味,飲落酸辣帶甜。雖然用咖啡杯盛載裝,但配料都好足料,內有草菇同大蝦,大蝦已經剝殼,食落超方便!➖➖➖➖➖➖➖➖➖➖➖➖➖➖➖➖🥢 泰式串燒配炒飯及雜菜 $75.有齊雞肉、牛肉、豬肉,肉質鮮嫩,帶少少炭燒香味!或者可以蘸埋沙嗲醬,甜甜地,極具風味!炒飯粒粒分明,飯粒乾爽硬身,炒飯內有唔少豆角,口感豐富。➖➖➖➖➖➖➖➖➖➖➖➖➖➖➖➖🥢 魷魚鬚 $25.燒魷魚鬚口感彈牙爽口,充滿焦香,配埋芫荽酸辣醬,辣辣地好惹味!➖➖➖➖➖➖➖➖➖➖➖➖➖➖➖➖🥢 泰國魚餅 $25.魚餅面表層淋上泰式辣醬,味道香香辣辣,食落有啖啖的魚香同埋泰國料理招牌嘅檸檬葉香氣。➖➖➖➖➖➖➖➖➖➖➖➖➖➖➖➖🥢 有機露筍 $25.露荀幼身爽脆,鮮甜清爽,食咗咁多串燒可以中和返油膩感!➖➖➖➖➖➖➖➖➖➖➖➖➖➖➖➖🥢 Stella $26.➖➖➖➖➖➖➖➖➖➖➖➖➖➖➖➖
繼續閱讀
係酒吧林立既老蘭斜路居然有間泰式炭燒串燒~鋪仔唔大 但佢門口都有枱可以圍埋食串燒飲啤酒🍻行過已經聞到炭燒味香噴噴💨✿ 冬蔭公湯 $40 ✿依個冬蔭公係我飲過既入面印象比較深刻除左因為佢好特別咁用杯裝好方便之外 好重椰汁味 顏色比較奶黃 飲落好滑唔辣😻✿ 泰式串燒雞肉配炒飯及雜菜 $68 ✿串燒雞肉燒到燶燶地 肉質鮮嫩juicy💦沙爹醬有花生碎 甜甜地好夾🥜炒飯好多料 粒粒分明 少少辣好惹味~✿ 牛仔骨 $48 ✿手心咁大片既牛仔骨🥩燒到表片少少脆 肉質嫩滑 多汁入味✿ 泰國魚餅 $25 ✿份量好多 以酸辣醬調味 好香口👍🏻✿ 魷魚鬚 $25 ✿魷魚彈牙焦香 青辣椒醬調味好開胃😆✿ 有機露荀 $22 ✿用青咖哩醬調味既露荀~燒完依然幼嫩清新✿ 有機粟米 $22 ✿爽脆清甜 好解膩✿ 龍眼冰 $25 ✿好足料呀 成杯都係龍眼😍清清甜甜好滋潤👍🏻上午有set lunch 夜晚開到凌晨5點半下次黎老蘭飲野前後都可以去醫下肚喇😆
繼續閱讀
您可能會有興趣的...