影片
港鐵香港站 B2 出口, 步行約7分鐘
繼續閱讀
電話號碼
21677251
開飯介紹
位於香港中環天星碼頭上的活動場地Watermark，飽覽270度世界聞名之維港景色，無論日夜景色都非常優美。近3,300呎的場地裝潢高貴優雅，可容納約150人之晚宴或300人之雞尾酒會，適合舉行各式婚宴、公司活動或私人派對。
繼續閱讀
特色
浪漫情調
慶祝紀念日
包場派對
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
-𝐖𝐚𝐭𝐞𝐫𝐦𝐚𝐫𝐤 🌊近排先知原來有餐廳可以近距離坐擁270度壯麗維港景致 就係位於中環天星7號碼頭上層既 watermark餐廳室內設計靈感源自身處既香港地標天星小輪碼頭燈飾以船錨設計 配合波浪燈光 營造出好舒服既用餐環境想講好中意呢個三面環海既落地玻璃設計 引進充沛日光日落時分睇著陽光灑落海面 感覺浪漫又舒適🌇相信入夜可以睇埋燈飾同海面燈光反射 應該更加迷人✨Set Lunch served with a glass of house wine (2-course $298/pp; 3-course $358/pp)𝗖𝗼𝘂𝗿𝘀𝗲 𝟭✨Burrata (+$38)布拉塔芝士 - 芝士奶香濃郁 入口滑溜軟綿配上微微酸甜既烤葡萄+ 鹹香巴馬火腿同開心果碎碎 睇落小小一份 但味道相當豐富同融合✨Hamachi Crudo (+$50)淺漬油甘魚 - 甘魚薄切鮮味十足 口感非常嫩滑配搭牛油果既香滑+醃菜+ 蕎麥既脆脆口感+檸檬 除左提升魚肉既鮮甜 仲令整個味道既清新又不失鮮味𝗖𝗼𝘂𝗿𝘀𝗲 𝟮✨Dry Aged Cab Beef Sirloin - 10oz (+$100)勁大塊既乾式熟成特選肉眼扒 - 招牌菜之一經過乾式熟成後濃郁肉香 唔需要太多調味已經感受到牛扒自身天然鮮味 肉質粉嫰多汁 配搭烤西蘭花+油封蕃茄+香脆薯條 簡單好味✨Lobster Linguine (+$200)龍蝦扁意粉 - 大大飯龍蝦肉質彈牙鮮甜 加上餐廳慷慨地將魚子鋪滿滿係龍蝦上面而且意粉吸收咗龍蝦既鮮味 每啖都係滿滿海洋既味道另配有脆嫩蘆筍+ 高菜+ 車厘茄 增添口感𝗖𝗼𝘂𝗿𝘀𝗲 𝟯✨Dessert of the day - Tiramisu質地較為濕潤 唔會太甜 每啖都有細膩香味
繼續閱讀
1162 瀏覽
話說呢間餐廳開咗一段時間，前排個個朋友都打卡，因為享有無敵大開景，而且聽講啲嘢食都唔錯。終於呢晚約咗五個人去食，由前菜到主菜到甜品，全部都好大份，而且賣相精美。最重要係好多呢啲酒靚餐廳路線有時都係未必好食，但呢度都打破咗我嘅觀感。前菜嘅荷蘭復古蕃茄同龍蝦湯，龍蝦湯唯一個問題就係唔係好夠熱，但味道合理正路，甜菜頭及布拉塔芝士都係唔錯，愛芝士一定會愛上，仲有香煎北海道帶子同後面嘅淺漬油甘魚最深得我心，佢油甘魚淺漬得好特別。主菜夠多人就食到好多野，三黃雞肉卷，西班牙伊比利亞黑毛豬同燴牛面頰肉都各有出色之處，三個都可以話要試。我最愛係佢地個深海白鱈魚，至於M7 和牛板腱扒，用得咁靚嘅料都知道味道唔會有大問題，反而如果你唔夠多人就要諗吓食邊個主菜較為好少少。至於當晚女士很多，所以甜品都可以掃餐牌，芝士蛋糕，白酒燴梨、咖啡意大利芝士慕絲同芒果椰子蛋白脆餅。當然要講呢度啲Cocktail都幾靚，試左幾杯都無乜伏，呢間絕對值得同朋友casual食飯又或者table for two，重點係有海景有嘢食而價錢都唔太貴。
繼續閱讀
餐廳位於中環7號碼頭既呢間西餐廳, 呢度有大大既落地大玻璃可以欣賞到維港景色, 加上室內昏暗既燈光更加有Feel🤩 食物選擇都幾多元化, 每個國家既菜式都有啲, 另外呢度既酒類飲品都幾多選擇, Cocktail既款式都幾特別🥳香煎北海道带子🍳($168)厚身煎到剛好既帶子配上煙燻薯仔泡沫, 帕瑪臣芝士, 蒔蘿整成既醬唔錯既配搭😎和牛他他🐮($188)蛋黃, 青木瓜, 芥末, 金山寺味噌同和牛他他撈埋一齊食味道帶點酸, 旁邊配牛食既餅乾唔夠脆身, 整體一般😕墨汁意大利飯🦑($188)煮到剛剛好既意大墨汁意大利飯配上半乾魷魚,毛豆口感幾豐富, 正常發揮😁乾式熟成特選肉眼扒🥩（12安士）($428)Medium Rare 既肉眼扒烤得幾香, 肉質夠稔身, 配上烤花椰菜, 油封番茄, 鬆脆既炸薯條, 呢道菜幾有驚喜🥰白酒燴梨🍐（$78）煮到稔身既既香李配上太妃糖布丁同香草冰淇淋, 唔會太甜, 帶有微微既玉桂香☺️芒果椰子蛋白脆餅🥭($88)脆卜卜既蛋白脆餅唔會太甜 ,不過未夠鬆化, 配上新鮮芒果肉, 椰子慕斯, 柚子, 百香果醬配搭幾特別, 椰子味好香, 百香果醬酸酸地中和左蛋白脆餅既甜😌WATERMARK🍸 ($128)Flor de Cafia 4yo, Malibu, 覆盆子汁, 番石榴汁, 青檸汁, 造型好靚, 面頭有一層Creamy 既泡沫, 味道加埋好特別帶微微既酸, 唔錯既一杯😊VOILE🥃 ($108)Flor de Caña 12yo, 檸檬草薑糖漿, 檸檬, 薄荷, 西西里檸檬水, 覆盆子, 呢杯酒精濃度比較高, 不過都算易入口, 檸檬草既味就冇乜🥲HARBOUR BREEZE🍹 ($118)Bulidog: Violet Liqueur, 檸檬, 黑莓, 鳳梨汁, 糖相對比較甜既一杯, 不過有黑莓既酸去中和返少少都幾易入口😚呢度既Vibe 其實幾好, 可能因為景觀吸引左好多人黎呢度慶生, 如果bookmark左要唱生日歌既話經理會出黎唱生日歌俾你聽🥳
繼續閱讀
一般人對殯儀館都很忌諱、避之則吉，九龍殯儀館趁着重陽節舉行開放日，希望公眾認識殯葬文化，從死悟生，學懂尊重生命和面對死亡。而以下的餐廳近日完成裝修，載譽歸來，同樣值得大家關注！位於富香港標誌性、飽覽270度壯麗維港景致的中環天星7號碼頭上層之「WATERMARK ( @watermark.hk )」，由「Cafe Deco Group ( @cafedecogrouphk )」團隊營運，採用環球時令海洋瑰寶、優款的肉食食材入饌，以豐盛美食配搭美酒，為香港饕客打造一系列的嶄新海畔歐陸美食體驗。環境：✨「WATERMARK」位於中環7號碼頭，能透過落地大玻璃飽覽三面環海的維港景色，位置絕對得天獨厚，強烈建議大家預早預訂窗邊位置，欣賞黃昏及晚間景觀。✨室內裝潢以香港地標天星小輪碼頭為設計靈感，和諧融入船錨燈飾與波浪燈光元素，透過射燈折射出更多層次感，營造了非常適合酌酒、品嚐料理的輕鬆動人氣氛。✨店家歡迎包場，佔地3,300平方呎，室內空間皆寬敞舒適，可同時容納150人的宴會，或300人的雞尾酒會，適合舉辦各類型聯誼活動，包括婚宴、商務聚餐、私人派對、浪漫慶祝活動等等。服務：✨當日正值晚市，人流漸漸變多，職員態度友善溫柔，很有禮貌，用餐時間非常充足。食物：🍴 前菜✨龍蝦湯：將色澤鮮明、濃郁鹹香的龍蝦湯倒入一堆已拆殼的龍蝦肉同吃，於冬日寒夜裏細味，那種窩心暖意不言而喻。✨香煎北海道帶子：帶子肉質豐厚，富彈性，味道清甜，加入蔬菜泡沫實現和諧平衡感。🍽️ 主菜✨三黃雞肉卷：遠看猶如札肉卷，油潤幼嫩帶鹹香，火候控制得恰到好處，伴以雜菌、粟米蓉，替整道菜增加飽滿感和解膩。✨M7 和牛板腱扒：精挑澳洲頂級質素，色澤尤其粉嫩，是完美的medium，擁有平均的油花，肉質細緻溫潤帶微嚼勁，牛肉風味及味道達至一個理想的平衡，配搭自家製牛肉汁、舞茸、比利時菊苣、葉洋蔥及法式千層薯仔。🍮 甜品✨白酒燴梨：加入紅酒、果汁、玉桂條、糖及啤梨一同熬煮，咬一口溫熱的啤梨，清甜軟腍，但沒有酒的苦澀感，配濃甜綿密的拖肥布甸和雲呢拿雪糕同吃，非常易入口。✨TIRAMISU：賣相猶如冬日小鎮，具儀式感！香醇的可可粉伴隨綿密的奶油，滲透出咖啡香的Lady Finger，以及帶着微微的酒香後勁，是屬大人口味的Tiramisu。🍹 Sunrise ($88)Pumpkin Purée, Passion Fruit Purée, Vanilla Syrup, Lemon Juice, Blood Orange🍹 Dame Rouge ($88)Raspberry, Lemon Juice, Butterfly Pea Tea, Kombucha Ginger
繼續閱讀
之前一真都對watermark好有興趣但之前想食嘅時候就撞上佢地裝修今次終於等到佢地裝修完一邊望住維多利亞海景一邊enjoy晚餐 成個人心情都放鬆晒龍蝦湯濃郁充滿龍蝦香氣 味道鮮味甘甜香煎北海道帶子北海道帶子每粒都係珍寶size每粒都好鮮甜而且嫩滑外層煎成金黃色更香配上煙燻薯仔泡沫。Parmesan cheese 令味道更有層次西班牙伊比利亞黑毛豬烤得啱啱好嘅黑毛豬肉質粉嫩香軟入口充滿淡淡榛果香氣同時亦有豐腴豚脂香深海白鱈魚白鱈魚魚皮煎得甘香魚肉肉質香滑結實唔會鬆散鱈魚甘香鮮味 配菜仲有蜆肉令鮮味昇華 推薦白酒燴梨白酒燴梨香甜得黎又帶點酒香配搭底下嘅拖肥布甸同雲尼拿雪糕3者配搭上黎好夾又唔會太膩芒果椰子蛋白脆餅好鬆化又脆卜卜嘅蛋白脆餅唔會過甜配搭酸酸甜甜嘅芒果蓉同熱情果醬好清新再加埋輕盈嘅椰子慕絲口更有層次感AURORA 帶住優雅紫藍色嘅mocktail味道香甜充滿青提香氣WATERMARK 好夢幻又充滿海洋氣息嘅一款cocktail 底下作承托嘅杯呈海藍色上層以三角漏斗型杯放入呈粉紅色充滿莓果及番石榴香嘅cocktail
繼續閱讀
您可能會有興趣的...