影片
開飯介紹
提供粵菜、川菜的中菜館，食物種類眾多。除了主打的老壇酸菜魚等川菜，亦提供港式茶餐廳及小炒菜式，且價格相宜。
繼續閱讀
以上資料只供參考, 請與餐廳確認詳情
-
網上訂座服務暫停
'本身打算買料翻屋企打邊爐，見咁耐冇食過呢間又唔洗等位就索性唔搞咁多野嚕～*酸菜魚(標準) - 今次食覺得湯底唔夠味，唔夠酸又唔夠咸。魚就依然夠嫩滑，材料份量都OK，有芽菜、金菇、雲耳、萵筍同薯粉。薯粉煙靭好有口感。*濃湯鮮菌浸菜苖 - D菜好脆(生)，湯底都唔錯，夠鮮味。說好的菜苗變左白菜仔？？？＊椒鹽九肚魚 - 本身想食白飯魚，話冇曬所以轉左九肚魚~好食!!feel到係即叫即炸，放上到枱好香，外皮香脆內軟，必嗌！📍友義氣‧酸菜魚九龍灣牛頭角道3號得寶商場1樓R2號舖
繼續閱讀
星期日同屋企人出街之後好攰，大家都想返到屋企樓下食飯，費事自己煮啦咁就去咗樓下食酸菜魚，呢間酸菜魚都食過幾次，夠入味，魚係堅嫩滑，睇得出個大廚控制得個火候好好，我最鍾意食入邊嘅薯粉，好煙韌平時我都鍾意食咕嚕肉，但係原來啱啱整起嘅咕嚕肉係超正，個醬汁酸度同甜度都啱啱好，夠開胃，仲要啱啱炸起，食到醬汁包住嘅炸皮係脆脆地另外，今次叫咗個避風塘茄子（唔記得咗影相）都唔錯，茄子唔算有太厚炸粉，所以出邊層皮都又脆又薄因為屋企人有人食齋，叫咗個紅燒豆腐煲，我覺得個醬汁調味唔錯，但係就唔算太突出個金銀湯浸白菜仔我就覺得麻麻，因為我覺得個白菜仔煮得唔夠「淋」，可以再煮得耐啲
繼續閱讀
一向鍾意食魚嘅我當然唔會錯過酸菜魚啦，今日到九龍灣探朋友，當然捉埋佢哋一齊來品嚐下呢間舖，因為之前都有聽過同事話佢啲嘢好食。我地三個人所以只係叫左個酸菜魚同兩個餸，好彩唔係叫得太多，原來佢哋碟頭都唔細！先來重頭戲酸菜魚，未上枱已經聞到香味，大家即刻急不及待起筷了，魚肉好滑好鮮味，吸收左酸菜同湯汁，入口更豐富，湯味道啱啱好，不會太酸或太麻，餸飯都一流。再來個菠蘿咕嚕肉，嘩，造型好靚，估唔到呢間平平凡凡嘅餐廳，大廚都咁有心思，值得一讚！ 呢個菜菠蘿係新鮮嘅，所以好清甜，咕嚕肉係玻璃皮包住，外面脆口，肉仲好淋好juicy, 好食！最後仲有個黃金涼瓜，涼瓜外皮炸到好鬆脆仲有好香咸蛋黃味，涼瓜本身不太苦，甘甘地，但入口係爽脆，口感好得意，外面咸香鬆脆，裡面清爽帶甘，值得一試呀！
繼續閱讀
突然想食水煮魚，記得九龍灣德寶商場有一間，一於收工搵埋朋友一齊去。唇舌飄香水煮魚（小辣） $198叫咗小辣，真的非常唔辣，雖然顏色好紅卜卜，但係味道偏淡。魚片份量頗多，有紅薯粉墊底，加上萵筍、金菇、雲耳、芽菜等。避風塘鮮魷 $98粉漿比較薄，但係份量比較少，望落去好似好大件好多，但大部份都是粉。友義氣小炒皇 $98份量不是太多，細細碟，魷魚只有兩三條，但炒得非常香口，韭菜很嫩。兩個人埋單$416 ，其實食物份量不是太多，食得不是太飽。其實食物質素係唔錯，但是份量不是太足，可能食套餐會比較抵啲。
繼續閱讀
九龍灣呢間小炒潮州菜館，午市都有抵食嘅飯餐，小炒有鑊氣，下午兩點之後仲有八折優惠，嚟到一於試一試先！🍴 菠蘿咕嚕肉飯 $58 (8/10)上枱賣相好靚，咕嚕肉大粒份量都多，有三色椒菠蘿洋蔥！咕嚕肉炸得香脆炸粉啱啱好包住個肉，肉質彈牙一啲都唔乾，加埋酸酸甜甜嘅醬汁非常之開胃，好啱送飯！呢個價錢食到呢個質素嘅飯有誠意得來又真係好食！☕️奶茶 (7.5/10)茶味都幾濃，入口都幾滑。推薦指數: 8/10
繼續閱讀