影片
營業時間
今日營業
08:00 - 18:00
星期一至六
08:00 - 18:00
星期日
09:00 - 18:00
公眾假期
09:00 - 18:00
以上資料只供參考, 請與餐廳確認詳情
相關文章
聞名已久嘅Cafe Revol聽講係全香港最好食嘅Carbonara，終於可以嚟試吓！兩個人叫左一個韓式醬燒手撕牛頰肉慢煮蛋benedict，一個Carbonara同一杯Americano。Egg Benedict個底係一件toast，牛頰肉酸酸甜甜都幾入味，中間再夾住左啲椰菜食落口感幾特別。黎到重點嘅Carbonara，賣相已經見到啲意粉幾乾身，而且啲豬肉咸香味撲鼻，撈埋隻半熟蛋落去意粉嘅濕度啱啱好！真係冇誇大，可以話係香港數一數二嘅Carbonara，我鍾意佢每一粒豬肉都有厚度，每一啖咬落去都會散發出豬肉嘅鹹香，唔會好似一般用煙肉咁薄同無口感。咖啡方面，雖然見到佢哋好似攞晒獎，但係朋友就表示比較淡咗啲，唔算特別出色。總括而言，Carbonara係值得再試，下次就再試吓其他意粉睇吓係咪一樣咁出色。
繼續閱讀
佛誕假期同朋友約好左去佐敦食Lunch依間餐廳由朋友推介🐲話肯定排長龍叫我地都係早啲去～去到已經見到有10個人排隊由於用餐時間90分鐘最後排左20分鐘就可以入座我就食左個羽衣甘藍大啡菇意粉🥬塊羽衣甘藍非常惹味 似孜然味🔥🔥🔥燕麥奶味就無食得出 不過Creamy既質感好厚意粉偏硬身比堆醬包圍著食得都幾飽肚🤰想試紅絲絨蛋糕都唔夠quota@@🍰小資女無飲到野飲 亦只係點左一個意粉（另一份breakfast係朋友既，選左烤牛肉）朋友表示：配搭ok，難得一份食得曬既all day
繼續閱讀
原本打算去隔籬一間食意大利粉的舖頭。怎知到達後發覺已經過咗食晏時間，舖頭落了場。看見隔離有間咖啡店，心諗又係嗰啲年青人幾十蚊一杯普普通通嘅咖啡。但係實在太肚餓，所以都入去一試。地方都係一貫呢啲新派作風燈光昏暗，座位狹窄。看看餐牌，食物種類唔多，就點了比較大眾間間舖頭都有的carbonara。飲品比較多種類，點了一杯flat white加一杯比較特別嘅晨曦（有蜜糖）。點嘢食係要自己去收銀度點的。這個沒有問題。問題就在收銀嗰個人個態度。呢間舖頭又唔收卡淨係收PayMe，但係佢網絡又接收得唔好喎。我係用1O1O台。當我拿出手機需要一點時間load PayMe的時候收銀嗰個男子個樣黑口黑面😡。當食物送上，有驚喜，杯晨曦係用香檳杯上。攪勻杯內蜜糖後👍🏼味道唔錯。這是係一般咖啡舖未嘗試過的。唔錯。至於嗰碟意粉，真係….. 非常好食😋。味道有別於一般舖頭，唔知點形容，就係好味。原本因為收銀個態度諗住一定唔會有下次。就係因為呢碟意粉係有機會我會回頭再幫襯。
繼續閱讀
囡囡唔舒服入咗QE住幾日，就諗住喺佐敦食個lunch返屋企瞓覺，之後再返醫院。喺唔知食咩情況下再一次幫襯我曾經食過嘅Cafe，念念不忘嘅卡邦尼😘可能都太早嘅關係，Cafe無咩人，可以自己搵位，餐具，斟水都係自己拎，都係睇完食咩，之後自己出去落order。佢哋嘅午餐都係包一杯美式咖啡，如果轉其他飲品就加返佢哋嘅差價！叫咗午餐Carbonara再加杯熱嘅Latte 後上。個意粉嚟到都係比隻蛋黃吸引，佢嘅蛋黃特別黃，唔知係咪用左蘭王嘅蛋呢？不過今次嘅煙肉就肥膏多咗啲，咬唔到！但味道都係keep到水準，好食😋跟住就係杯熱Latte, 我都只係影咗兩三張相，唔知係咪冷氣比較大？飲落第一啖都已經唔係好熱，同埋飲落去啲咖啡豆偏苦，或者都係個人口味嘅，我就覺得一般喇！不過如果係好鍾意食卡邦尼嘅話就真係要嚟試一試，同埋呢度係唔需要加一服務費。見到食評好多話收銀姐姐服務態度比較差，我今次落單係OK嘅，只係我話要杯Latte後後上，佢聽到我話杯latte有咩size？佢話得一個size，我就真係有啲黑人問號？？
繼續閱讀
諗住問吓carbonara加辣版有幾辣，立即俾人西面，然後答佢自己接受到嘅辣囉。因為佢冇着制服，疑似係老闆娘。如果係老闆娘都咁嘅服務態度，就係真係祝佢快啲執笠。我同朋友討論完佢咁差服務態度，估唔到隔籬枱一坐低，又怨聲四起，又係比老闆娘西面。以為服務態度咁差，係因為生意好所以囂張，可能啲食物好好食。點知carbonara嚟到，又乾，跟住嗌個Cappuccino，泡量極少，估唔到一間Cafe嘅咖啡質素都咁差。真係正所謂貼錢買難受。
繼續閱讀