影片
營業時間
星期一至日
18:00 - 02:00
以上資料只供參考, 請與餐廳確認詳情
又到週末！梗係約返三五知幾，晚飯直落，今天都有D熱，所以朋友們都選擇咗成日要等位，但有冷氣嘅有特色風味飯店！其實位置都唔難搵，就在西菁街內街，裝修簡約光猛整潔！我未入到去，已經見到門口好多特色小菜WaSaBi魷魚圈，入口Wasabi相當供鼻，魷魚圈很有口感👍🏻花枝釀皮旦，表皮薄炸得香脆，一口一啖剛剛好😋蒜香牛油豬串骨，炸得火喉剛好，再加炸蒜送啤酒一流🤣啫啫雞煲小炒皇，配料多、炒得又夠鑊氣👍🏻荷葉中蝦龍仔飯，中蝦新鮮再鋪上蒜蓉，荷葉飯給哂中蝦精華
繼續閱讀
周末晚上7點黎到偉記小廚，餐牌款式都幾多選擇，望落吸引。與家人一行四人，就叫左5個餸。椒鹽豆腐$68，穩陣之選。豆腐size 適中，粉漿唔厚，炸得通透。木盤蔥油雞$108，味道不錯。唔會過咸或淡，雞肉質唔會好粉，都算新鮮。水煮田雞$68. 呢味就比較失望。 田雞炸過再放入呢盤辣油，咬落去就覺得好油膩。脆炸大腸 $68. 夠脆ge, 但可惜好似全碟就係得外皮，感覺不到炸大腸ge 滋味鮮果脆皮咕嚕肉$68與一般咕嚕肉無異，味道是正常，只是我食唔到脆皮的含意。成餐無驚喜，埋單食左4百幾蚊。如果唔係不用等位，相信會考慮其他選擇。
繼續閱讀
今日星期六周圍都爆，行左去西菁街搵野食，見到有間唔駛排隊就入去試下。餐牌坐低叫左三餸一湯1. 咸旦白菜湯正常 無問題2. 炸蝦餅無乜蝦肉 好薄 個皮就普普通通 個汁ok3. 招牌頭抽雞來到招牌菜先出事，一拎過來果下見到啲雞嘅顏色好似白焯咁心知不妙。夾黎望下先，啲汁好希……雞肉好鞋，用頭抽都可以無味4. 蟹肉扒時蔬蟹肉少都預左，所以正常。呢間野一定唔會再來
繼續閱讀
經常路過都見旺場,,今日一行三人一於入去試試..大約八點許好好彩仲有一張細枱, 有電視睇感覺不錯..先黎招牌菜..其實係尖沙咀一間大排檔既招牌菜, 估唔到而家元朗都有得食.感覺冇咁脆..但都還可以...要襯熱食..凍左會硬少少$68算抵食女...加上份量都好多,,白菜在底部...三個人最後都不能清碟牛肉味很重又淋, 可惜鹹了少少~~~~一桶每人有三,四碗,,大蜆約七隻左右,,,很大很新鮮...非常鮮味~~~不過胡椒味略為不足..昨日再去食原來可以加辣..加左辣更加好味..值得推介~~炒飯飯粒算分明又夠乾夠鑊氣, 黃金味足..整碟飯份量又多...抵食!!!整體來說服務好過大排檔...價錢跟大排檔差唔多, 但勝在有冷氣...真係一個唔錯既選擇!!!
繼續閱讀
元朗偉記小廚位於西菁街向內街行入少少，如果不是地頭虫也許要花少少眼力才留意到。這裡沒有華麗的裝修，只有圓枱，膠凳，非常麻甩。老豆喜歡，一於試試。砵仔魚腸餐牌第一頁有這一道，老豆雙眼一早已focus在這道茶上。事實上真的很少見，我也是第一次吃。外面是炸漿，內面是嫩滑魚腸和蛋漿，加少許楜椒粉去除腥味，口感特別。鐵板牛坑腩熱到出煙，牛形鐵板現在好少見了。牛抗腩切粒，無筋不韌，牛味不錯。我覺得太多紅椒綠椒洋蔥，雖然我不是不吃，但太多就有一點點喧賓奪主的感覺。魚香茄子煲亦是熱到出煙，最喜歡吃熱辣辣的茄子煲。份量四個人都夠食，不太咸，估計不多味精。唯獨沒魚香，即沒冇咸魚味。其實很久沒吃到真正的魚香茄子煲了……西檸雞云云菜式中以西檸雞最為失望，沒檸檬的酸，雞的肉質鬆散，不夠嫩滑。不過很大碟，抵食有餘。清炒時蔬大大碟，炒工可見鑊氣足！菜新鮮，不油膩之餘還保留到草青味。配上白飯幾碗，吃盡鑊氣和元朗風味，在家一定煮不到！總括來說，我最欣賞這裡廚房的工架和不重口味，吃罷並沒覺得口渴，有別於一般中菜下重味精的陋習。還有不少菜式都幾想一試，見到好幾枱食客都有點荷葉中蝦籠仔飯，但礙於當天太飽，唯有等下次再度光顧，絕對值得再來的小菜館！
繼續閱讀