影片
開飯介紹
提供4款拉麵，分別是白天王、赤天王、黑天王和定期轉款式的限定天王。湯底不會過咸，而且價錢比其他拉麵便宜。
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
相關文章
好耐冇食拉麵，經過呢條街見到你間外型好有日本風格嘅拉麵店就去睇下一打開道門就覺得自己好似去咗日本咁，所有裝修同埋裝飾令到我停留左係到唔願意走呢度啲汽水係支裝呢隻赤拉麵都唔算好辣，我覺得可以再辣多d，個碗一送上嚟就覺得好好味唔使食都已經好滿足啲顏色好靚呀呢配麵帶有黑蒜既味，我本身個人就一般黑蒜所以都唔係我揀呢個😂如果岩黑蒜味既朋友仔一定要試另外一款五花及椰菜燒完真係好香其實我好鍾意無面男⋯竟然係一間餐廳見到佢好有驚喜
繼續閱讀
原來所謂周年紀念 3-4pm 半價優惠係要3:00坐底先算。（唔係計落單時間，計「開臺」時間。我 2:58:48秒坐底睇menu 3點落單果下一睇張單問staff 先知比正價，計「開臺」時間（又唔係酒樓，臺又冇抹何來開臺？）就算之前冇半價我前前後後光顧過4次，雖然唔算loyal customer 但好老實比你咁攪一攪我真係好失望。食物冇問題但d人咁樣做野真係食得好不安。
繼續閱讀
元朗响呢幾年真係開咗好多間拉麵店，難得入嚟元朗朋友屋企，咁梗係順便食埋lunch 啦，响Openice搵料，拉麵天王食評都好好，所以抱住好高期望同心態嚟品嚐。胡椒天王 $92 👎🏻👎🏻👎🏻👎🏻==========限定胡椒天王，口味同香油都揀咗濃，而麵軟硬度揀咗普通。先講湯底，唔夠熱、胡椒味唔夠重、零豬骨味、香油又唔香，超失望！毎樣都總係差d⋯⋯麵軟硬度適中，吸盡湯精華；芝士份量多，可惜湯唔夠熱，導致芝士熔得唔徹底，有固體物出現；叉燒太薄身喇，口感欠奉；味蛋唔入味，似普通烚蛋！櫻海老天王 $92 👎🏻👎🏻👎🏻👎🏻============限定櫻海老天王，口味、香油、麵軟硬度同上。湯底出現同樣問題-唔夠熱、唔夠濃等等。而櫻海老又係令人失望，味道唔香唔濃郁，一句到尾又係唔掂！䐁角煮 $25 👍🏻👍🏻👍🏻👍🏻========呢個䐁角煮要激讚，係唯一滿意嘅美食，炙燒得非常香🤤，肉腍膏香，有入口即化感。二人共消費：$209後記：衛生非常差，檯面黐笠笠，黏嘅程度係正常力度拎唔起一杯水！
繼續閱讀
前排到元朗西菁街附近搵野食，搵搵下發現好多好西都系集中系西菁街，雖然元朗區位置偏遠，但肯花啲時間去既話實系會發現到好多好野食。拉麵天王其實系紅磡都有分店，不過咁岩黎開呢邊行所以就去左試，突然記起紅磡都好似好多好野食，最衰戈邊就冇咩行咁，如果吾系都會想去下。餐廳大概有10個座位，可能因為系平日，同埋系下午，所以都冇乜人，系比較舒服既感覺。叫得拉麵天王，原來拉麵既款式都系以「X天王」命名，有白天王、黑天王、赤天王、限定天王。白天王顧名思義系豬骨湯，赤天王就系辣既，黑天王就系黑蒜油，呢個都系意料之內既事，而我當然比較好奇「限定天王」系乜東東。睇過啲人po相就過有胡椒天王同埋櫻花海老天王，我本身就麻麻地胡椒，所以就決定叫櫻海老。櫻海老天王 $92櫻海老顧名思義之系櫻花蝦，櫻花蝦既份量都幾多，而且口感香脆。豚骨湯幾鮮味又吾會太稠，以拉麵黎講我系中意稀啲既湯多過稠身既湯，而因為櫻花蝦嘅數量好多，所以可以撈埋湯一齊食，咁就冇咁乾身。另外兩塊叉燒軟硬度亦恰到好處，又唔會太肥。近鏡影咁細隻蝦好治癒😂男朋友叫左個黑天王，黑天王即系黑蒜油拉麵，每次食拉麵都覺得黑色既湯底好得意我個人吾系好中意系拉麵店飲黑蒜油湯底，因為感覺偏鹹，但呢間既黑蒜油湯底吾會過鹹，但蒜味就不太濃，睇個人本身中吾中意蒜，中意就可能會覺得吾夠。溏心蛋真系有流啲溏心出黎既現象，證明系真溏心呀，食落去仲甜甜地又易融化，系高質既溏心蛋，好食
繼續閱讀
食拉麵一定要飲個湯，但好多時飲完個湯之後，會口渴到癲，飲返成壺水都解唔到渴。今次好開心，食完個拉麵之後，完全唔會覺得口乾，淨係因為甘已經可以再食多幾次。我一向好辣，食拉麵麵會揀赤，好在男人唔好辣，佢一定揀白，甘就試到原味湯底有幾真材實料。其實我覺得好食嘅拉麵好簡單，湯要濃郁但有味精，個溏水蛋火喉要控制得好，同埋個叉燒肥瘦適中，又唔好紙甘簿，要有d咬口。其實呢間完全係合格嘅，但係有時食野，除左食味道都會食環境。地方細唔係問題，雖然出得街食野好多人都隻眼開隻眼閉，但係張檯「痴立立」我就真係覺得麻麻。如果可以改善到呢樣就好lu
繼續閱讀