影片
電話號碼
69993953
營業時間
今日營業
12:00 - 21:00
星期一
全日休息
星期二至日
12:00 - 21:00
以上資料只供參考, 請與餐廳確認詳情
食家推介
今日經過呢個法國小屋，就比佢餐廳出面嘅氛圍吸引左，有啲閃閃嘅波波燈掛喺出面，好靚！所以就決定今晚happy friday嘅晚餐就食呢間！好好彩我入去嗰陣仲有位，我坐左陣，餐廳就開始滿座了。餐廳入面嘅佈置好溫馨，好有feel一坐低，店員好有禮貌咁介紹餐牌，而佢哋餐牌上面嘅食物、甜品及飲品種類都好多。以下就係我ordered嘅食物:法式龍蝦湯 $48好濃郁嘅龍蝦湯，幾好味。西班牙風乾火腿沙律 $46 有藍莓粒同蕃茄粒，好清新。啲菜好新鮮，加埋西班牙風乾火腿，真係好好味！秘製醉雞翼 $38 呢個醉雞汁好入味，大大隻，好好食Tiramisu 咖啡 $48呢個係我飲過咁多杯tiramisu咖啡黎講，最好飲嘅一杯，佢唔會好甜，上面層cream好creamy，好似食緊tiramisu咁。同埋個啡底都唔錯！明太子蟹肉意粉 $88望落好細兜，但份量其實好多。好多明太子醬同蟹肉，超級滿足焦糖香蕉窩夫 $62 +曲奇雪糕 $10 呢個窩夫真係必食，外脆內軟，唔會太甜，加埋雪糕一齊食，真係超滿足半份即焗蘋果批 $48呢個蘋果批好特別，唔似平時出邊食開嘅口感，佢係用千層酥疊埋一齊，上面放上好多片蘋果，口感鬆脆，好特別好好食！食完唔會太漏，好light，又唔會太甜總結，呢間餐廳超抵食，物超所值，尤其係甜品，真係要嚟食，真係好好味好特別。今晚真係超級滿足。
繼續閱讀
趁平日放假，約frd食返個靚lunch先～今日帶大家嚟到元朗嘅一間cafe小店✨仲有室外位，可以帶埋狗狗嚟chill下！🌟明太子蟹肉意粉 $98意粉煮得啱啱好，配搭香濃明太子忌廉及啖啖蟹肉，大份又抵食。🌟招牌千層芝士薯片 $68好耐之前見到就已經想試，每層都係薯仔薄片+芝士忌廉+蒜蓉，食落層次豐富，出面好少見～🌟招牌窩夫 +$28窩夫真係必食必食必食！烤得香脆，牛油味香。同時配上焦糖糖漿與招牌鹹牛油，邪惡但值得✨🥹📍法國小屋 (元朗)元朗合益路9-15號紀業樓地下I號舖
繼續閱讀
好耐冇返嚟元朗食飯呢日約咗個好耐冇見嘅朋友睇睇下OpenRice見到呢間法國小屋印象中佢開咗好耐好耐好耐以前佢喺富達廣場果邊 係chef’s stage附近搬咗嚟呢度之後一直冇食過.門口同以前一樣style 😍老闆娘一家打理呢間家庭式小餐廳～簡簡單單，店內座位不多法國廚師專心炮製美食比客人嘅感覺.門口有大大個清晰嘅餐牌同朋友有各自想食嘅嘢所以冇叫到二人餐我叫咗煙三文魚炒滑蛋咸窩夫單點嘅話意粉有呢一啲.另外叫咗小食瑞士雞翼同埋芝士千層薯片🧡瑞士雞翼雞翼大大隻 但非常入味比起連鎖米線店嘅雞翼瑞士雞翼先係我嘅最愛😍.🧡芝士千層薯片唔好睇佢咁簡單其實芝士下面係片片層層好薄片嘅薯片口感豐富 加埋芝士 已經好好食.🧡煙三文魚炒滑蛋咸窩夫平時唔係好鍾意食鹹pancake因為個餅底都係帶甜味但係呢個窩夫完全唔甜. 咸香鬆軟非常match煙三文魚同炒蛋一改我對鹹窩夫嘅印象👏🏻👏🏻👏🏻.🧡明太子蟹肉意粉呢個係朋友食嘅唔記得影望落細碟但其實份量好多試左啲 意粉質地係煮到啱啱好 明太子忌廉包住左每條意粉 🍝好食下次如果餓小小嘅話我都會食一個意粉🤔.🧡蘋果批 半份最後呢個甜品幾有驚喜佢唔同平時蘋果批有個餅底係似酥皮上面鋪上蘋果片咁樣所以食落去感覺輕盈好多香甜蘋果加上玉桂同脆脆杏仁片兩個人食半份啱啱好下次都會想再嚟食呢個蘋果批😍.整體嚟講食物質素屬於中上 價錢非常親民法國廚師主理～但食物唔會將貨就價老闆娘服務好細心體貼 小店真係格外有人情味係同閨蜜約會或者靜靜地拍拖食飯嘅好地方
繼續閱讀
法國小屋今次介紹喺元朗呢間「法國小屋」嘅西餐廳，佢哋位置於徐澤林小學旁嘅小巷，雖然地方難搵到，但一搵到小學就好易望到，呢間西餐廳入面空間比較細小，所以我決定坐喺門口，戶外座位好似有兩張枱，枱面細細，不過落雨天坐喺門口都幾舒服！1.香辣茄醬尖通粉+熱檸檬茶$88（8.5/10）呢碟香辣茄醬尖通粉比我預期中算幾辣，加埋番茄醬，呢個組合令到通粉酸酸辣辣，長通粉都幾彈牙，索哂番茄醬，入面仲有黃椒、青椒、番茄仔等，份量都算多！熱檸檬茶：落雨天叫杯熱檸檬茶暖下身，呢杯熱檸檬茶都幾酸，入面有三片檸檬！2.西梅汁西班牙黑豚肉飯$118+（升級套餐+$55）田園沙律+奶蓋鮮草莓四季春（9/10）呢碟西梅汁西班牙黑豚肉飯個黑豚肉有兩大塊，雖然係薄切，但肉質好厚實，厚實得嚟唔會好韌，食落仲有淡淡西梅汁味，其他配料仲有西蘭花、粟米仔、冬菇片同蕃茄仔等，整體幾好味！之後再升級套餐加$55有田園沙律同奶蓋鮮草莓四季春，沙律菜唔算多水，沙律菜仲有其他配料炸麵包粒同蕃茄仔等，奶蓋鮮草莓四季春飲落幾清甜，入面好多草莓粒，奶蓋味唔重，整體唔算甜！2人總共價錢$261個人口味總評分：8.75/10@le.cafe.des.delices @maphk2021地址：元朗合益路9-15號紀業樓地下I號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#法國小屋 #元朗 #元朗好去處 #元朗美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
『法國小屋』📍元朗合益路紀業樓地下，附近有個停車場，由停車場行過去非常近， 一分鐘就到。餐廳面積細小，以簡單佈置，白色牆身，加上相片，簡單得嚟，又頗有心思，餐廳室內光亮舒服，室外也有兩set枱櫈明太子蟹肉意粉 意粉上面鋪滿了鰹魚片、加上細細蝦乾，配搭簡單，意粉入口煙煙韌韌有彈性，整體味道帶有淡淡的海鮮鹹香牛油雜菌煙三文魚配蕎麥窩夫 賣相一流，面層煙三文魚，中間夾入牛油、雜菌、蛋等，以香脆窩夫作底層，一啖入口，全部食材融為一體， 口感層次豐富，加入新鮮沙律，清爽好味
繼續閱讀
您可能會有興趣的...