影片
港鐵元朗站 B 出口, 步行約6分鐘
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
係元朗搵食, 好難話會有人肚餓咁返出去的,只有捧住個肚咁樣出返去, 咁多美食真係想瘦都難 !最近外出工作比較多, 故此常不在港，但還是掛念這裡的味道, 一入元朗都會搵機會食呢間越南菜。雖然同朋友都剛食飽左飯，但無理由空入寶山, 總忍不住要“咬少少野”，同朋友傾下閒計, 一樂也, 叫左個"軟殼蟹米紙卷" + 越南炸春卷+ 飲返杯標準越南咖啡。飽到上頭頂，好味道，經典越南味。今日因為太飽了, 其實仲有好多其他菜想叫, 例如火車頭河, 菠蘿特飲, 法包等等, 都係必吃項目來的
繼續閱讀
元朗出名多隱世美食～今日又尋到寶！皇牌香脆越式法包係令我一食就好味到瞇埋眼既程度！呢個就係我既最好味標準啦~一樣食物可以令你情不自禁瞇埋眼去感受，係一種好幸福既感覺～一開門就好有越式既感覺，音樂好Relaxing，行到熱辣辣感受到涼涼地既冷氣，就知道呢度好好坐呢～事不宜遲！我要介紹呢個超～美～味～既法包啦！蔥炒牛肉越式法包 $42 十‧級‧推‧薦長長一條法包出場啦～滿滿既醃蘿蔔絲覆蓋住個包，中間塞左好多餡料，有青瓜、洋蔥、炒牛肉等。牛肉採用肥牛，加上甜味燒烤醬汁黎炒，肥牛既油脂充滿口腔，好香口。我原本唔愛食醃蘿蔔，但醃蘿蔔同成個包既配料味道好夾，微微酸味好開胃，中和左肥牛既膩，令人停唔到一啖接一啖。個法包都係一絕，烘到熱辣辣，個皮好脆，但唔會食到刮損曬個咀！呢樣係好神奇既，因為平時通常烘到咁脆既包我都會食到刮損咀，但原來烘得好既包係脆之餘keep到軟熟，成個過程都好enjoy，食到好開心。如果鐘意加香料仲可以叫店員比啲辣椒、芫茜同洋蔥，係另一種感覺黎咖～我食完成餐之後仲心思思好想encore多一份，不過最美好既回憶就係你好想再食番佢既時候。如果你一次食到太飽，咁就會無左果份思念佢既感覺。所以考慮左好耐之後，我決定唔encore，將蔥炒牛肉越式法包停止在我回憶中最美的一刻。無骨豬扒飯 $45無骨豬扒飯都好好食！豬扒好鬆化！飯面有啲甜甜地既黑醬油，再用埋旁邊既蔥油撈飯，美味！可惜個飯有啲硬，令成件事失左色。但係因為豬扒同醬汁都出色既關係，黎多次我都係會再點的因為白飯偏硬左係小問題，相信唔會次次都係咁既。雞絲扎肉米紙卷(半份) $30呢個米紙卷原本應該好好食咖，但個靈魂米紙皮太硬，扣左好多分。雞絲同扎肉調味啱啱好，唔會太咸或太淡。仲有好多蔬菜食落好爽口，巧妙地加上薄荷葉令到成個感覺好清新，喺熱辣辣既天氣食呢個涼菜最適合不過～餐牌我會再番黎食你咖！等我呀！
繼續閱讀
頭盤鳯爪沙拉，還可以小食牛油雞翼，無牛油味，又唔夠味主菜古法魚，得個咸味，完全唔好食火車頭獴粉，味道還可以，全晚算係最欣賞呢個菜飲品，菠蘿沙冰，完全揾笨，根本無冰可言，可以講得上係菠蘿泡沫，好難飲，最過份既係我同店員反映點解菠蘿冰唔凍又無冰？店員既答案竟然係話:我地店既菠蘿冰一向都係咁整既整體而言我永遠都唔會再返黎呢間食嘢！
繼續閱讀
今日去買外賣，叫三樣野！1. 清湯牛腩加個2. 白飯3. 雞翼香蔥飯佢將兩盒輕嘅飯放底，再將盒燙手宜又重嘅清湯腩放面，又冇搵咭紙格住又冇綁好過膠袋。係頭重腳輕嘅情況之下放係架車一開就反轉晒倒瀉晒，啲湯又熱又成搞到我好你Hea。最後要兩隻手枱住3盒野辣住手攞到返屋企。(都唔明，開咗咁多年包個外賣都未識😡😡😡)
繼續閱讀
今天路過這間小店，舖面不太大但企理，可同時容納四、五十個顧客。午餐一碗生牛肉腩片湯河售$46元加$8可配一越式夏日清涼特飲，價錢可接受。碗湯河肉、粉份量足斤両，腩肉不油，清湯腩的煮法。肉汁多、肉質稔，入味非常，粉條幼幼，質感好，仲配銀芽及蘿蔔令口感層次多樣化。另外，選了越式三寶撈檬，一次過食齊豬扒、雞翼同扎肉。味道、賣相尚可，碟頭甚大，加$28配一個清甜的越北整個上约西瓜冰，齋賣相就夠殺食。
繼續閱讀