影片
港鐵元朗站 H 出口, 步行約10分鐘
繼續閱讀
營業時間
星期一至日
15:00 - 00:00
以上資料只供參考, 請與餐廳確認詳情
招牌菜
今日去完拜山，回家時同堂哥去食久仰大名的SENSE DESSERT！出哂名嘅分子料理甜品~入到餐廳，已經人頭湧湧！一嚟到！5駛諗！叫咗玻璃花瓣玫瑰mousse同盆栽 TIRAMITSU！等我講下個玻璃花瓣玫瑰mousse 先！由一大堆玫瑰味既泡沫加上底下嘅雜莓及玫瑰MOUSSE~成杯甜品好誇張~好GIRLY~仲有塊乾花瓣~個泡泡吃起來像棉花糖 佢有超級濃既玫瑰味道，又有法式焦糖燉蛋脆糖！而且食落口有唔同既口感 :入口即溶又有咬口~原來個花瓣係用－197度既液化氮去處理而形成嘅玻璃脆身面一開始仲以為好睇5好食~但原來個口感有d脆脆地 味道就好似食緊一支草莓冰糖葫蘆般，好特別!另外，跟據店員告知，餐廳亦利用咗旋轉蒸餾儀，從玫瑰花瓣中提取了天然玫瑰精油，從而做成咗三層不同口感同質感既甜品，例如：啫喱、慕絲及奶凍！非常高水準的作品！
繼續閱讀
元朗愈來愈旺，好多人特登入去搵食。我都唔例外，食完正餐點都要食埋甜品先可以收手。揀咗個基本Waffle+Ice Cream，簡單擺盤，Waffle加上一球雪糕同朱古力醬。Waffle唔喺我喜歡嘅香脆口感，佢比較似咖啡弄果種，實dicdic既口感，同埋有小小淋，唔夠軟熟。個雪糕就一般般! 唔會特登為咗佢而入元朗食，但如果經開或者住元朗都可以去食下!
繼續閱讀
This chocolate lava cake is the signature item. Compare to the first time i try, honestly it imrove a lots. Since the first time the chocolate didnt melt and now the chocolate melt loke.liquid. Thats good.this chocolate milk shake is just normal. Nothing specially and too much icy.The wafful is too thick. Not soft and crisp enough only, but only the.decorations is ok. And staff the service is not good.
繼續閱讀
近日去左元朗Sense Desert Cafe試左盆栽甜品-原味外型極細，味道不錯(只限Cream)，食到落蛋糕部位有濕潤既感覺，賣相唔錯，是次只能欣賞Cream，底同其他出面食既差吾多，如沛公甜品，但沛公冇左打卡8折，其實都唔抵食！（齋睇唔夠飽）味道: ★★☆☆☆抵食: ★☆☆☆☆而哩個蜜糖趣趣蘋果金寶，金寶(店員講係一種麵粉拎黎焗)，雖然大家見到好乾身，但配料有cream同雪糕，無錯配料的確係雪糕，因為太乾身同埋(一開始)食落部份(金寶)表皮係苦既，仲有我對蘋果唔太喜歡。但係食左一陣，態度360度轉變，內底的蘋果同個金寶配合得好好，因為我將個金寶連蘋果片鏟埋一齊，再沾cream同雪糕，味道岩岩好，同一樣焗的甜品既鋪頭黎講，真係超曬班！仲諗住佢係配角(非topic / hot item) 唔會好食得去邊，原因係俾招牌盆栽甜品受影響，而覺得麻麻地！味道: ★★★☆☆抵食: ★★★☆☆*另外新出雪糕mix分子料理($7x)，但價格同埋我對佢招牌菜麻麻既感覺，未必會有機會再試。($7x既價格可以試到好多野，住元朗的人你懂的)
繼續閱讀
呢間sense cafe，環境一流👍裝修得非常有情調，不過咁高格調嘅甜品店，座落於元朗鳳攸東街一帶，顯得格格不入，因為附近都係中學小學居多，而且佢嘅價錢都非一般平民可接受。好在呢間甜品Cafe勝在夠特別，而且甜品款式同味道都獨特好食！以後喺元朗食甜品又多個選擇喇由於我地一行8人，逗留時間都比較耐，橫跨咗Tea time同傍晚時分，所以先叫咗兩個Tea Set，邊傾計邊share食。一款係《窩夫配雪糕》(HKD$48)，包一杯嘢飲，窩夫果然一如呢度嘅食評所講，鬆軟有度，外脆內軟，而且係充滿蛋香味，又唔會太膩雪糕比街外的較有硬度，但一樣易入口，而且冇咁快溶，方便同友人邊吹水邊慢慢食第2份Tea Set係《朱古力蛋糕》(HKD$48)，同樣包一杯嘢飲。相對於《窩夫配雪糕》，呢個cake就冇咁出色嘞，只係普普通通嘅朱古力cake，唯一可讚嘅係賣相做得唔錯，姑且算佢對得住呢個價錢。其後點左一個Tiramisu《原味意大利芝士餅》，係呢度嘅招牌必點之一，特別在佢係以盆栽造型設計，啱啱上檯時真係幾可亂真，非常之似一個真嘅「小」盆栽。所指嘅「小」係講緊佢真係好迷你的一小個，(雖然相中未能見到好明顯嘅比例)。呈上時除咗因為佢真係似盆栽而驚訝，另一O咀原因就係佢真係好細SIZE而味道方面，第一啖食落覺得好重LUM酒味，如果唔鍾意酒味嘅朋友就慎點喇！底層Creamy嘅tiramisu就普普通通，唔太突出！都係試一試個gimmick就夠喇最後我地就點埋另一個招牌甜品——《灰白心太軟》。可能睇相大家未必見到佢係咩形態，其實佢係由灰色的乾冰雪糕(芝麻味粒粒雪糕)，配以白色的乾冰雪糕(呍呢嗱粒粒雪糕)，以及中間的綠茶心太軟所組成，上檯仍然冒住好多乾冰煙。味道都幾好食，因為口感係特別嘅，一粒粒的乾冰雪糕非常輕身，但又同時Carry到本身濃郁嘅味道，配以綠茶流心心太軟，味道好夾！雖然成個甜品係幾有創意，但係真係切記唔好心急，否則就好似筆者咁比啲乾冰乾到條脷損哂留下一個唔太好嘅印象！總括而言，呢間Cafe氣氛同環境都一流，甜品方面就一啲啲，窩夫係幾唔錯嘅選擇，其他就見人見智喇！如果嚟開元朗都可以試下，不過暫時都覺得係可一不可再，始終價錢未做到好親民，而元朗甜品鋪又特別多，要食又抵又好味嘅甜品大有店在，一比之下Sense Dessert Cafe就會比下去喇！希望日後價錢可以有所調節下，等呢間鋪有較高嘅競爭力，始終元朗都需要呢類比較賞心悅目型嘅甜品店^^
繼續閱讀