129
33
9
| 餐廳: | 麥記美食 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
此店的包點類如鍋貼、生煎包、小籠包及葱油餅等均是每天新鮮製作，即叫即蒸，多汁餡足。此外小店的魚蛋醬也是自製的。
繼續閱讀
獎項殊榮
米芝蓮街頭小食 (2016-20)
營業時間
今日營業
11:00 - 22:00
星期一
全日休息
星期二至六
11:00 - 22:00
星期日
11:00 - 20:00
以上資料只供參考, 請與餐廳確認詳情
相關文章
餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。鍋貼餐包10隻鍋貼，酸辣湯同飲品，$68。鍋貼果然係米芝連推介小食，煎得底脆而上面皮薄又滑，入面肉餡唔錯，加有少少蔥花。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。紅油抄手餐包紅油抄手同3隻鍋貼加飲品，$53。紅油抄手有十隻小雲吞，皮非常滑溜，肉就細細舊。除左一般既辣椒油，仲有肉碎同酸菜加蔥花，味道少少麻辣。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！鍋貼6隻 $30再加多碟單點鍋貼。墨魚 $14墨魚有幾件，超爽口。燒賣 $10燒賣一客5粒，肉質彈牙。小食可揀甜醬，辣醬或者豉油，我揀左辣醬，都頗辣。凍豆漿凍豆漿係支裝，味道微甜，夠凍，可解渴。Coke ZeroCoke Zero都夠凍。配有獨立包裝飲管。總括而言，鍋貼質素果然高，而其他食品都唔錯，包括小籠包同小雲吞。店舖簡單，座位大概有16個左右。都有好多外賣單。樓面哥哥好友善。
繼續閱讀
呢間麥記唔係果間麥記北角食肆林立，但位於堡壘街（相對無咁旺）的麥記美食竟然有不少外國人幫襯，心想事必有因！🤔🤔麥記美食店舖不算大，但坐落都舒服，重點係出品質量夠高，而且價錢不太昂貴！🤗🤗🥢豬扒擔擔麵🐖湯底濃郁，因為用麻醬和花生醬+秘汁混合配製，故此口感很豐富好rich.豬扒好似食五花腩咁潤滑，脂肪鬆化，肉質不會又嚡又實，做得好👍！🥢雲吞擔擔麵🍜雞蛋黃麵條軟熟柔潤，啜上口颯爽有聲，雲吞餡料飽滿好大粒，一碗麵足足有五粒雲吞咁多！真係抵食。🥣🥢黃金之選→炸雞翼🐔巧妙之處是隻雞翼咬落有鹹蛋🥚甘香味，因而美其名為黃金，個名好有心思！🥢小籠包一籠四隻，晶瑩剔透，饀肉和清湯都好有水準。👍🥢鍋貼🥟🥟🥟一邊煎到脆卜卜，很吸睛😳而且味道上乘！🥢凍豆漿🥛🥛香港製造鮮味豆漿，不會太甜，冇防腐劑！朋友想知道生煎包的製作過程，可以光顧麥記美食，或者可以俾你偷師成功啊！🍴🥄#麥記美食（北角）#北角堡壘街19號景文樓地下2號舖#生煎包#上海麵#鍋貼
繼續閱讀
中午去到，30幾度在外面等候十分鐘左右，被安排坐窗邊，窗邊的位置依然30幾度，落單等候20幾分鐘還沒有食物，於是轉外賣。落單到入口歷時50分鐘，可能太熱加上期待太高，覺得不太值得特地來。想食上海小食推薦外賣。
繼續閱讀
麥記美食北角堡壘街19號景文樓地下2號舖經開北角，老友推介地道上海菜，食材新鮮，即叫即製，果然冇介紹錯。😽雲吞擔擔麵湯底處理得恰到好處，鹹度適中，香氣四溢。炸醬小辣，香滑惹味，面層加了香蔥提升層次。即叫即製的雲吞皮薄餡靚，爽滑擔擔麵吸收了醬汁的精華，好快畀我食曬，推薦！🤤鍋貼上層鬆軟，下層香脆，餡料新鮮，肉汁豐富，吃了原味之後加黑醋效果更佳。😻墨魚新鮮爽口彈牙，加埋秘製辣醬好開胃。😍黃金之翼鹹蛋黃醬汁出色，雞翼皮脆嫩滑，好邪惡。😚麥記美食 食材新鮮夠地道，侍應服務態度好，還會再來。😎🤘🏻
繼續閱讀
麥記美食喺炮台山堡壘街，65號小巴斜對面。小小嘅舖頭係做街坊嘅生意，坐咁耐都枕住有好多食客入嚟食嘢。有買外賣的，生意不錯。真驚訝他的食品種類非常之多，有生煎包、小籠包、鍋貼、小雲吞、豬扒湯麵、擔擔麵、酸辣湯、魚蛋燒賣、雞翼等等。麥記美食嘅招牌鍋貼連續八年得到米芝蓮嘅推介，餡香底脆是賣點😀豬肉味道不錯，個人覺得生煎包鬆軟好食，個底都好脆。我更愛生煎包。小雲吞都好好食，味道清淡，細細粒，豬肉餡都幾多。仲有酸辣湯，好正統，酸酸辣辣（不會大辣）有豬皮，豬紅蛋絲好開胃。小籠包做得都幾出色，皮薄，裏面豬肉有很多汁好Juicy，但係唔覺得太肥膩，即叫即蒸，口感唔錯。豬扒擔擔麵有好濃香嘅花生味，豬扒好嫩滑，特別鍾意佢嘅麵質，好彈牙煙煙韌韌。仲食咗麻辣擔擔麵，我覺得係適合香港人嘅口味，唔會話太辣入唔到口，大家都好鍾意食。佢支豆漿都幾好黃豆味㗎， 飲落去唔會太甜，覺得都好健康。做街坊生意嘅小店真係平靚正，忍唔住推薦俾大家。晚飯時間，三個人食咗咁多嘢都係食咗大約210元☺️
繼續閱讀