影片
港鐵炮台山站 B 出口, 步行約8分鐘
繼續閱讀
開飯介紹
位於北角後街的意大利餐廳，環境幽靜舒適。資深西式大廚主理，以便宜價錢提供優質西菜，招牌菜包括生蠔、香煎法國鵝肝黑松露意大利飯等。
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
雖然佢已經執咗，但諗返起個經歷都想喊，希望佢地呢世都唔好再開餐廳，唔好再害人。之前book咗，開開心心入去食生日飯。點知入到去個女waitress(5x歲) 冇乜表情都冇問題，講嘢鬼食泥咁都算，以為餐廳咁有善心請智障人士。咁我就好聲好氣同佢講話 唔好意思，食套餐係睇邊張餐牌？佢指向勁遠咁話 嗰啲囉（態度差到全枱呆咗) ，然後都係唔知佢指邊張。咁都冇事，我哋息事寧人，就散叫啦。咁我地叫咗差唔多6個餸，中間每個餸都有停頓俾佢寫，點知佢冇寫，仲叫我地繼續講，咁我地即刻一輪嘴咁講哂要咩餸。之後佢黑面走咗，同佢腦細/老公講話我地講得快得滯蝦佢！我地心諗WHAT? 惡人先告狀都得？ 之後唔知頭唔知路既腦細就話我地蝦佢我地嘗試解釋不過佢地唔聽。咁我地見搞到咁唔開心，緊係拉大隊走人。 走嗰陣時個老細仲同我地講 '我地就執架啦' 好地地一個生日飯搞成咁....每次諗返呢個被屈既經歷都好想喊.. 隔咗幾年先敢寫返岀黎..寫寫下都忍唔住流眼淚希望佢地唔好再遺害人間同埋希望我係最後一個受害人
繼續閱讀
已經食過呢間Bellini幾次啦，第一次係喺Groupon買嘅"4人藍飽魚法國生蠔白酒套餐",之後就全部散叫。"4人藍鮑魚法國生蠔白酒套餐"$398有:-鮑魚4隻-生蠔24隻-白酒一支另外我地自己再叫豬手、牛排、羊架share,就飽晒啦。基本上樣樣都好味，當中豬手就最正，外皮夠鬆跪，肉質又可以保持到夠嫩。之後每次嚟，豬手都係我地嘅心水選擇。P.S.下次會去食麵包蟹(散叫嘅生蠔)(豬手)(牛肋條？)(羊架)(套餐蠔24隻&白酒)(豬手)(散叫的生蠔)(T骨排)
繼續閱讀
補13/11好耐冇食過西餐，食個湯，主菜，甜品再飲杯咖啡。趁冇乜嘢趕交貨，仲唔食等幾時？樓面得二十個位左右，唔爆位。本人就比較偏向中午要飯，所以多數會簡意大利飯。不過今次呢個要配羊扒。牛扒煮唔好最多過熟乾身，如果本身塊肉靚，味道影響唔大。羊扒煮唔好，係最地獄。食紫不但止，個陣膻味好似火山爆發咁成碟飯都係，想硬食都唔得。但人總是犯賤。先有個湯同多士。湯係粟米忌廉湯。等左大約15分鐘。個飯望落都幾古怪，洋蔥加西蘭花。個汁好似食緊中式嘢咁。飯粒唔太生，中間冇晒白色，但依然係有咬口。羊扒望落都比較熟，只係面層落咗少少胡椒。入口第一啖唔覺好大陣羶味，咬多幾下就開始湧出黎，濃郁但唔過份，亦都好快就散發咗。甜口係兩小舊芒果味嘅蛋糕，極淡芒果味，亦冇朱古力味。我只能形容為一舊甜嘅蛋糕。都幾今人失望。總結: 雖然配撘有啲奇怪，但味道唔錯，甜品有啲失望。價錢可接受範圍內，可以返轉頭再食。
繼續閱讀
星期日約左中學同學相聚一齊食個lunch，打算搵間未食過既餐廳試下，係網上見到呢一間有半價優惠，於是即刻book左黎。搵左好幾分鐘都搵唔到餐廳既確實位置，連google map都唔岩位，唯有打去餐廳問，好彩有店員既指示先知道地點係邊入到去其實位置唔太多，有少少逼。之後店員俾左餐牌我地，仲提示我地邊d食物有優惠，邊一d無餐牌上都有幾多野食可以揀，但價錢偏向貴左少少，好彩有半價優惠，最後叫左幾個食物。先黎既係黑松露pizza，個批好脆，好有黑松露味，好好食之後就黎左個肉眼扒，都算大塊，夠我地三個人食，完全做到median rare既效果，切落去唔洗太用力，好淋夠肉味呢個蟹餅相較之下就失色少少，同我地嘅預期中有唔同，以為係會大狗少少，食落去冇咩特別最後係個帶子意大利飯，個飯係幾好食嘅，不過整體上普普通通。成餐飯係唔錯嘅，如果下次都有半價優惠，一定會再幫襯
繼續閱讀
lunch at 12noon with only 2 tables sitted but totally in a mess of their order management, taste so alright. Ordered ice lemon tea no syrup and ended up with no ice....wonder what problems these staff have??!! Doesn't worth coming back at all
繼續閱讀