影片
以上資料只供參考, 請與餐廳確認詳情
係舞火龍個晚... 好多鋪頭都已經排晒長龍... 兜左幾個圈最後都決定食呢間... 伙記好 nice... 可以係門口加到台比我地... 雖然熱 d... 但唔洗等就一於試下~崩沙腩麵比個名吸引左... 好有興趣試下... 一上台... 嘩... 睇落好肥但個樣幾靚... 咬落去好淋唔算肥~鵝片打冷又點可以唔叫鵝片呢... 好入味... 切得好靚~腐乳通菜菜唔老都 okey 既~
繼續閱讀
九月上旬·晴日中這裡是間外表平平無奇的食肆．但到了晚上就掃身一變成了間旺場打冷粉麵店。可能因為店子開得夠夜，就是到了凌晨時份仍可以豐富吃一頓的地方也特別受歡迎。各式打冷食品以外，這裡的牛腩也相當好吃，不要錯過。口感不算太稔，勝在肉味夠濃郁。配上幼麵再加腩汁，就是很不錯的宵夜。
繼續閱讀
細個第一次喺屋企附近食魚蛋粉，從此就深深愛上咗呢種人間美食，開心食魚蛋粉唔開心食魚蛋粉，不過對於嗰碗魚蛋粉嘅印象已經好模糊，直到....今日做完野好晏先食lunch，實在好需要一碗魚蛋粉去令自己開心吓，每次嚟大坑都經過呢間食店，啲牛腩味非常香，見過你N次但每次都係過門而不入。食過大坑入面嘅王林記好多次，今日就不如試試呢間，酒筲箕話吓你真係食？入面好污糟㗎喎.... 下午4點，入面冇乜客，裝修好似時光倒流咁，全部係圓嘅木檯及膠櫈，貼滿餐牌嘅牆... 地下有啲癡立立，唔..... 紫菜魚蛋粉 ($30)哇係嗰款好傳統嘅綠色碗呀！入面有好多紫菜、2條白菜、4片魚片及3粒魚蛋。成塊魚片都好軟綿，連條邊都好軟，有好輕微嘅魚味帶好少好少腥；魚蛋嚴格嚟講唔應該叫魚蛋，因為佢嘅形狀實在太特別，非常彈牙，魚味唔濃，同樣地都有少少腥。食食吓點解好似有啲熟悉，印象中冇乜邊度嘅魚蛋粉係有白菜，原來就係細個食嗰碗魚蛋粉呀！！雖然呢碗魚蛋粉嘅味道普通，但正正就係食得返細個嗰種回憶.....
繼續閱讀
從來不寫食評, 因為覺得口味因人而異. 但今次在這間食店食完蠔仔粥, 豬皮蘿蔔豬紅及欖菜四季豆之後, 超口渴及勁頭痛. 本人對味精敏感, 但從未試過今次這麼嚴重. 相信味精都好重手. 在此提醒對味精敏感的人士, 小心.
繼續閱讀
十點幾先食晚飯，諗起打冷都唔錯喎，嚟到剛好唔駛等位！！鹵水鵝腸拼豬耳朵 － 豬耳朵鹵水味香濃，鵝腸爽脆又唔肥，墊底芽菜亦非常爽口。斬鵝 － 通常都比較喜歡叫斬鵝多過鵝片，因為鵝片係胸切片，所以會比較乾身。斬鵝鹵水味濃，肉實紮實嫩滑，有肉汁，唔會太鞋口。牛腩麵 － 牛腩味道不錯，如果可以再腍身D會更好，麵條彈牙爽口。蠔仔肉碎粥 － 一攞埋嚟就飄來陣陣麻油芫茜香味，蠔肉都算肥美，粥底幾香甜，好食係幾好依，不過食食吓有D蠔殻碎，而且食完後要勁飲水，可能唔多唔少有D味精調吓味！
繼續閱讀