影片
開飯介紹
大澳炭燒雞蛋仔叔叔店主戴著「黑超」太陽鏡造型最易認，也是該店的生招牌。炭燒雞蛋仔不只是噱頭，控制火爐甚考老闆功架，假日最高紀錄可賣上二百底雞蛋仔。
繼續閱讀
獎項殊榮
最優秀開飯小食店 (2014)
以上資料只供參考, 請與餐廳確認詳情
相關文章
來大澳，好多人都是為了參觀水鄉而來，在食方面，如像我們跟團來的，早已經有固定的午餐地點，留連在大澳街上時，要食的話，茅頭就會指向街邊的小食。在大澳，周街都有賣巨形魚蛋，仲有許多遊客熱捧的鹵水大墨魚。不過，這兩個並非我的所好，我所好的小食，並非同水產有關，是一些就來失傳的香港經典及鄉效美點。這一篇文章，會說的小食，就是大澳的《炭燒雞蛋仔》。在大澳一過橋立即左轉的那一邊巷仔，會見到一個幾空曠的舖位。舖位很簡單，只有一個炭爐，只有一個大叔 (也許現在要叫伯伯)，賣的，亦只有雞蛋仔。 真的用炭燒的雞蛋仔，以我的認知只有牛頭角下邨，大坑，同大澳三家。牛頭角下邨的，隨著社區重建，已經再搵唔返了；大坑的伯伯，早幾年亦已經仙遊了。今時今日，要食炭燒雞蛋仔，都似只有大澳的這一個永遠戴黑超的伯伯。 伯伯堅持即叫即整，做好一底就立即風乾，所以係要耐心等待的。此外，用上炭火燒出來的雞蛋仔，火喉均勻，燒出來的色水十分之美觀。 我的一份炭燒雞蛋仔燒好了，風乾好了，看得出其色澤均勻，比較深色的原因不是烤焦了，而是因為這兒的雞蛋仔的味道是偏甜的。一放入口，每一粒都是甜甜的，帶脆的。最開心的，就是雞蛋仔係實心架，好正。 吃完雞蛋仔，我們的大澳行 round 1 就結束了，大伙兒回到旅遊巴，食飽就再回來大澳，進行是次行程的第二 part 活動。
繼續閱讀
炎炎夏日同男朋友入咗大澳，你知是否因為有節日慶典關係，今日入大澳的人十分之多，足足等了一個多小時才上到巴士。入來唯一目的除了買蝦膏蝦醬之外當然便是食東西！網上搜尋下大澳食美食十大，其中炭燒雞蛋仔伯伯是美食十大之一，蘇年前一大澳已經有吃過伯伯的雞蛋仔，今天來到當然要壞緬一下!幸好地剛剛人流走了一批，只要排第二個便可以吃到。因為炭爐十分之熱，加上30多度的炎熱氣溫真的1好辛苦，伯伯三兩下手勢邊做好一份雞蛋仔。金黃色的雞蛋仔賣相相當吸引，拍完照雞蛋仔依然很熱，可惜的是雞蛋仔的粉漿比例沒有以前的那麼好，吃起來沒有脆卜卜的外脆內軟外層，蛋香味雖然重但缺少了外層口感，突然有點暗然失色。
繼續閱讀
兜兜轉轉先搵到真正既大澳雞蛋仔...有好多疑似炭燒雞蛋仔既小店開左...最奇怪都係大排長龍...可能俾人fake左..定都係覺得咁好食呢....真正既大澳雞蛋仔伯伯係有副黑超架！ 幾型！整完之後會放係盤到涼一涼先，之後先放入袋到！好好彩，我今日係買到最後幾底既人...去到三點幾四點已經係賣哂..好誇張呀！雞蛋仔好香蛋味，個淊唔多...唔係好有口感 脆卜卜咁！同朋友好快就ko左....或者黎到大澳係食佢地既風土人情！
繼續閱讀
呢間炭燒雞蛋仔可以話係冇得輸，離到十丈遠已經聞到炭燒既蛋香味 😍 見到排到去尖沙咀既龍就知一定係非呢間莫屬！一行到過去見到叔叔好有型帶副超成個 Mark 哥咁 🤤 好想同佢瘋狂打茄輪 🤤 佢啲雞蛋仔* 底底都即叫即整，不過本身已經排哂隊等等，所以底底新鮮，底底都用「九轉無相神功」轉呀轉，然後再用「芭蕉扇」吹到脆一脆！說話唔多講，蛋香、脆口、熱辣辣，全港最好食，完！我繼續食先喇 bye bye 🤤——————————————————————#炭燒雞蛋仔 $20——————————————————————大澳炭燒雞蛋仔叔叔大澳吉慶街 59 號地下
繼續閱讀
很長時間沒有寫食評大多只是用OpenRice 搵食但今次真是非寫不可因為實在太值得推存！！ 認住黑超阿叔！！大澳炭爐雞蛋仔！！經常聽人說雞蛋仔要外脆內軟今次終於食到𣎴同於坊間一般雞蛋仔質感例如地方雞蛋仔、高手雞蛋仔外面好乾身，口感比較硬大澳雞蛋仔口感是我從未試過阿叔會將雞蛋仔成品用風扇吹吹再放入紙袋期間會提醒你 手要放紙袋下面雞蛋仔不會燙手入口溫度剛好口感像焗爐剛出爐蛋糕有小小濕氣但脆口裡面軟綿綿未知是否與炭爐製有關但我印像以前牛下炭爐雞蛋仔也沒有食到此口感這已成我心目中雞蛋仔NO 1有機會去大澳一定要再食!
繼續閱讀