影片
開飯介紹
此雞煲店以黃金芝士雞煲作招徠，除了可按喜好自選芝士分量，更可加湯變成港式火鍋。餐廳亦提供多款中式湯底，照顧不同口味的食客。
繼續閱讀
營業時間
今日營業
12:30 - 23:00
星期一至日
12:30 - 23:00
公眾假期
12:30 - 23:00
公眾假期前夕
12:30 - 23:00
以上資料只供參考, 請與餐廳確認詳情
有關獎賞計劃
優惠
相關文章
想食好耐既黃金芝士雞煲，呢日趁小朋友放假食飯唔洗食得甘急，就同小朋友去左米走雞（旺角分店)打邊爐。作為芝士控既媽媽🧀，必有芝士控👦🏻👧🏻🫢雞煲芝士碎份量 可以選擇適量/激量。海量嘅芝士真係超吸引煲一陣等芝士碎慢慢溶 , 未開蓋已經聞倒芝士香味飄出。每一件雞都有拉絲效果 真係啖啖厚肉很嫩滑黃金芝士雞煲（細）雞件份量都好多。配料仲有好多洋蔥洋蔥好清甜雞煲食到差唔多，就可以加湯打邊爐喇~🥢前菜小食有酸辣無骨鳳爪, 涼拌滷水牛展, 🥩霜降Prime牛板腱, 牛味香濃一啲都唔鞋五香鮮牛肉，小朋友好容易就咬得開。🥢手打五寶拼盤（半份）分別有墨魚丸、蝦丸、綾魚丸、豬肉丸和牛丸。每粒都大大粒彈牙。🥢精選鮮製拼盤竹笙墨魚卷-墨魚滑釀入爽脆竹笙，墨魚滑彈牙。🦐哈哈蝦中寶-用料十足，大大舊蝦滑混入左蟹籽同原子蝦相當驚喜。🦑墨汁墨魚丸-每咬一口都會有黑松露香 好夾有驚喜🥬蔬菜雜菇拼盤, 三款菜同三款菇菌超大水管響鈴...平時既2-3倍。浸兩浸索晒火鍋汁入口仲有少少脆😋🍜 最後加埋個出前一丁/紅薯粉落芝士鍋，吸晒火鍋既精華夠晒入味連調味粉都唔洗落。🥃飲品有冷萃玫瑰花茶/清爽竹蔗茅根 （1.5L分享壺）清熱又解渴，小朋友想飲幾多自己斟。調味料以上套餐只係$768（另加一服務費），好抵食真係飽到抱住個肚走。🐔米走雞旺角彌敦道761號太子藍馬之城2樓#米走雞 #runningchicken #黃金芝士雞煲 #雞煲 #一家大細 #旺角美食 #勁量芝士 #芝士控 #香港美食 #香港美食推介 #hkfood #hkfoodie
繼續閱讀
「沙嗲湯」呢鍋沙嗲湯我已經念念不忘好耐喇！呢間嘅沙嗲湯色金黃，散發出濃烈嘅椰漿香味同花生香味，非常誘人！飲啖湯就可以感受到濃郁嘅湯底，口感順滑香濃，尤其係花生嘅醇厚，特別啱配搭各種肉類同海鮮～「澳洲頂級和牛封門柳」睇住呢碟和牛我口水都要流出，色澤超靚，肉質細膩而且油花分佈均勻。輕輕涮幾秒就已經夠，入口即刻可以感受到柔軟同鮮嫩嘅完美口感！「沙白，脆肉鯇片，虎蝦拼盤」呢碟海鮮拼盤睇住就好新鮮，脆肉鯇片經過涮煮後仍然保持住細緻嘅口感，食落去柔嫩又唔失彈性；沙白肉質細膩，鮮甜嘅味道食落去非常清爽；虎蝦亦都非常新鮮，入口肉質彈牙多汁，同沙嗲湯底互相融合，鮮美無比！「鵝腸」鵝腸建議用快速嘅方式燙熟，咁樣可以好好咁保持住最佳嘅嫩脆度！涮好嘅鵝腸入口時帶住獨特嘅爽脆嚼勁，鮮嫩唔油膩～
繼續閱讀
每次weekend都唔知食咩，就諗住去行下街，順便食個晏。行下行下，就見到好多人喺呢度入面食嘢，睇落好似唔錯，所以就入去試下。雖然呢間餐廳主打雞煲，但我今次就想試下花膠湯，所以就叫咗一份。花膠湯嘅湯底好濃，仲要加咗杞子，夠晒滋補。打邊爐點少得牛肉，呢度嘅牛肉脂肪分佈夠晒均勻，食落好香嫩，配合埋花膠湯真係好夾。佢啲蝦丸都唔錯，口感彈牙，趁熱食香味十足。再嚟就係鮮味十足嘅海鮮盛宴。呢度嘅魚片好嫩，入口即溶，而蝦肉咬落好juicy。仲有完全冇腥味嘅沙白，樣樣都好中意，我一個人都食咗好多。最後叫咗杯水果茶，飲落有淡淡嘅果香，清涼又解膩，打完邊爐一定要飲番杯！我而家先知道原來一個人自己打邊爐係咁爽！
繼續閱讀
成日都聽人話呢間火鍋店正，適逢呢排落雨凍凍地，真係好岩打邊爐◎湯底揀咗特色皮蛋芫茜湯，上枱時視覺效果非常好，芫茜好多，皮蛋都好彈，食極都有，難怪個湯底咁甜，仲有好多唔同嘅調重點大推：西班牙黑豚肉西班牙無激素豬頸肉，用上西班牙頂級黑毛豬肉，脂肪分佈平均，肉質幼嫩，都算快熟嘅，熟咗之後會好白同埋容易吸收湯底味道，絕對唔比牛肉差。手打丸手打墨汁墨魚丸4粒充滿心思嘅菜品。每一粒丸子都手工製作，口感彈牙且鮮美。咬落去，濃濃嘅墨魚香，爽口彈牙，真材實料，味道幾夾。搭配清湯，令人品嚐到食材本身嘅鮮甜，非常適合用作火鍋或湯中嘅配菜。
繼續閱讀
老婆最近心情唔好，就諗住帶佢去食火鍋放鬆一下。佢話同事之前有提過米走雞嘅火鍋非常唔錯，我哋就決定去試下。老婆真係太辛苦啦，所以我就點咗一鍋花膠雞湯畀佢補補身子。呢個湯真係同名一樣，係金黃色嘅，飲住好香濃，仲帶有雞肉嘅甜味，好滋補!雞湯配肥牛，真係極品！牛肉嘅脂肪雪花好靚，細膩嫩滑，涮進湯底後，牛肉嘅風味更加突出，真係好高級。老婆食到點頭。哈哈蝦一聽名就好開心，梗係要叫一份。蝦肉好肥美，彈牙，口感非常有層次，越食越香，令人食到好開心，會唔經意哈哈大笑 而且蝦子都好新鮮，咬落去好juicy!再配上一杯水果茶，清涼解渴，仲帶有淡淡嘅果香，令人回甘。食完牛肉飲一口仲可以解膩!食完火鍋後，真係幾開心，都幾值得一試！
繼續閱讀