影片
開飯介紹
台灣菜餐廳，其特盛紅燒四寶麵分量足料。另有多款台灣名物，如滷水豬手、麻辣爽豬肚和手搖飲品。
繼續閱讀
營業時間
今日營業
08:00 - 21:00
星期一至日
08:00 - 21:00
公眾假期
08:00 - 21:00
公眾假期前夕
08:00 - 21:00
以上資料只供參考, 請與餐廳確認詳情
相關文章
最近工作繁忙，為了追趕今個月尾報數的工作，已經很久沒有約朋友吃飯了。有見今天過了一個小Deadline，特別約好朋友來一個HappyFriday，及時行樂。 桂花小幸位於將軍澳廣場，從地鐵站出發不用10分鐘便到，地點十分方便。這裏的裝修簡單，感覺令人舒服。我們一行二人叫了不同的菜式互相分享。 古法黑羊腩定食(⭐⭐⭐⭐💢) 羊腩份量頗多，一共有4至5件。起來入味，而且肉質爽口。花菇大大隻，吃起來彈牙。 跟餐配的燉湯也不錯，飲起來清甜可口。而且配料頗為豐富，包括了蟲草花，鮮雞肉等等。 另外的上湯浸時蔬也十分不錯，娃娃菜清甜可口。 紅燒三寶牛肉定食(⭐⭐⭐⭐💢) 朋友的這個紅燒牛肉麵也十分不錯，包括了牛筋，牛腩和牛肚。配料份量多，而且烹調得十分入味。其中最欣賞牛筋，炆得十分軟淋，吃起來有一點彈牙。 飲品(⭐⭐⭐⭐💢) 芝士奶蓋抹茶喝起來很香的抹茶味，配上奶蓋微微的鹹香，感覺層次豐富。朋友叫的蜂蜜蜂蜜檸檬也十分不錯，不太甜，而且滋潤。冬天喝就最適合不過。總括而言，這間餐廳食物質素高，而且價錢不算太貴。下次有機會也會再來品嚐。 ~~~~~~~~~~~~~~~~~~~~~~~~~ 桂花小幸(將軍澳廣場) 將軍澳唐德街1號將軍澳廣場1樓133-135號舖 推介菜色: 紅燒三寶牛肉👍🏻地方舒適 👍🏻適合傾偈 👍🏻食物精緻
繼續閱讀
今天看戲後, 計劃去超市入貨，順便在將廣午餐。發現這家台式餐館只需等候1-2張枱, 所以選這家。在等候期間， 我倆已選定喜歡的套餐了! 前台付款後, 慢慢等待美食來到。 台式麻油雞湯飯 天氣寒冷, 就想來一鍋熱辣辣的食物. 麻油雞又補又暖身, 真是寒冬恩物。 湯底: 芝麻油，啡色的薑片，杞子，紅棗，面層黃油，不知是芝麻油還是雞油了。 聽說是先冷油冷鑊以芝麻油把薑片炒至捲曲，倒入雞件翻炒，再加入酒煮熟，然後加水加菜就變成滋補的麻油雞了! 湯身:酒味不太濃，易下嚥。雞肉: 雞胸滑溜, 肉質合格。因為飯粒較煙韌，不想變湯飯，於是一口雞一口飯。 麻辣牛腩雞翼米線套餐 這是新品, 加上小米喜歡辣, 就選擇有雞有牛的米線, 中辣。米線上枱時, 鼻子就感到那辣油的香氣。 古早味滷水牛肚 是金錢肚和毛肚 牛肚煮得軟綿綿容易咬, 很喜歡這口感。由於牙齒問題, 不喜歡太硬或太韌的食物。而牛肚煮得很入味, 但不會死鹹. 没有搶走麻油雞的味道。 黑糖珍珠鮮奶 上月台灣之旅, 狂飲MIZUHO。 偏偏忘了黑糖珍珠鮮奶, 現在就要補償一下。 冬天就要點熱飲, 雖熱飲杯看不見黑糖虎紋, 但溫暖的牛奶中帶著甜甜黑糖, 爽! 發現表面浮著牛奶皮, 是真 - 牛奶中蛋白質和脂質的証明呢! 十勝紅豆奶茶 小米覺得這個似紅荳冰, 奈何小米想要凍飲. 奈何今丌竹67唯有改熱飲! 果然把所有紅豆都消滅了! BODY REPORT :第二日，好以太陽咁溫暖!
繼續閱讀
之前食過覺得好味，所以平日某個夜晚再過嚟幫襯。今次叫咗以下食物：🍜紅燒半筋半腩牛肉麵（ $75 ）：牛筋及牛腩嘅份量充足，醃得入味，牛筋亦煮得非常淋軟，麵條軟硬適中，整體不錯。🍜秘譚酸菜魚米線（ $78 ）：餐牌寫小辣，但感覺係非常少嘅辣，易入口，米線份量充足，非常大碗，係1.5人嘅份量😂湯底美味濃郁，值得一叫。🍆另加$16嘅涼拌黑醋茄子，雖然寫微辣，但醋味多過辣味，茄子煮得淋軟，正常水準，不至於有驚喜。🥟蕃茄濃湯餃子（$28 ）：一碗有四隻，湯底有真嘅蕃茄碎粒，餃子入面係豬肉餡料，味道正常但冇特別，下次未必會再encore。🍹黑糖珍珠奶茶（ $34 ）：值得推薦嘅珍珠奶茶，茶底濃郁，黑糖份量恰到好處，整體充滿驚喜。🍹檸檬多多梳打：檸檬雖然有少少酸，但加埋益力多，整體感覺清新，值得一叫。埋單兩個人總共二百幾蚊，性價比高，一定會再次光顧。
繼續閱讀
將軍澳廣場食肆林立，見到間食台灣嘢嘅餐廳，佢午巿嘅Menu都好多選擇，而且台式飲品嘅款式都好多，所以就決定感受下台灣的味道。講起台灣的味道，令我即刻諗起嘅一定係牛肉麵，見到佢個menu 推介三盛紅燒牛肉麵，係包括左腱心牛肉、牛腩同牛筋，啱晒我可以一次滿足三個願望。麵條方面有得揀台灣麵或者米線，咁我今次就揀咗台灣麵，麵質都幾爽口彈牙，唔會好腍。湯底我揀咗紅燒牛肉湯，有微微嘅辣度，佢個湯底都好濃郁香甜，都好重牛肉味。去到三款唔同牛嘅部位先講腱心牛肉，牛味濃郁，而且都好腍，有少少入後即溶嘅感覺。牛腩係超大嚿同埋份量都好多，同樣唔會好韌。牛筋唔會好有漿住既感覺，都好容易咬開，唔會食到黐住個口。另外加配小食叫咗個涼拌貓耳朵，爽口彈牙，酸酸味味，幾開胃。食台灣嘢點都要有杯手搖飲品，今次就叫咗仙草凍鮮奶，飲品都幾大杯，仙草好多，叫咗微糖，感覺上好似健康啲。三盛牛肉台灣麵 $85仙草凍鮮奶 $32涼拌貓耳朵 +$16桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 -135號舖
繼續閱讀
桂花小幸 (將軍澳廣場) (將軍澳).係將軍澳要食台灣野，佢真係我食足咁多年都覺得好好食.▪️酥炸排骨麵 ▪️.每次黎呢到必食，酥炸排骨唔會太肥膩，湯叫左紅燒牛肉麵微辣夠惹味.▪️葱油雞絲拌米線▪️.唔知係好一段時間無黎食定真係新菜式雞絲撈米線好好食喎，啱曬唔想食得咁heavy又易人口.▪️小黃瓜·貓耳朵▪️.叫套餐係可以加$28要兩小客小食，小黃瓜同貓耳朵一樣係夠酸夠開胃！.▪️蜂蜜檸檬蘆薈▪️.呢到另外有部份調製台式飲品，蜂蜜檸檬蘆薈夠開胃又養顏！.📍桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️
繼續閱讀