影片
港鐵尖沙咀/尖東站 B1 出口, 步行約4分鐘
繼續閱讀
電話號碼
28170950
開飯介紹
位於尖沙咀的粵式火鍋店，精選時令食材製作高級火鍋及刺身。餐廳裝潢走現代中菜廳路線，設有5間獨立VIP房，環境舒適。
繼續閱讀
營業時間
今日營業
17:30 - 02:00
星期一至日
17:30 - 02:00
公眾假期
17:30 - 02:00
公眾假期前夕
17:30 - 02:00
以上資料只供參考, 請與餐廳確認詳情
有關獎賞計劃
相關文章
打邊爐真係一年四季都鍾意食🤭，趁近排落雨天氣涼涼的，去搵間餐廳打下邊爐啦☺️尖沙咀云手工火鍋店有一款超吸引的湯底，火焰三椰雞鍋，除了火鍋餐廳還有刺身及串串燒選擇，而且餐廳裝潢也很舒服時尚😌打邊爐材料非常新鮮👍🏻等我介紹下今晚食左啲咩啦✌🏻☺️美食推介：💛火焰三椰雞鍋：湯底以原個新鮮椰青、椰皇水及以椰子烹煮而成的雞湯製成。火鍋到桌後，店員便會加入白酒以火焰先炒香鮮雞件，然後再加入三款椰水一起煮成👍🏻食雞肉之前先品嘗湯底，再食雞，雞肉非常嫩滑，非常完美🤭勁鍾意食椰青雞鍋😍💛水晶滑牛肉：每一片牛肉都很新鮮，牛肉質鮮嫩，牛味濃郁👍🏻配試蛋汁一起煮，正👍🏻💛手打鹹蛋黃蝦丸：手打蝦丸配餡料鹹蛋黃，驚喜😱鹹蛋黃與蝦肉非常夾，打邊爐係咁好食😋肉丸彈牙，味道令人回味👍🏻💛招牌韮菜餃：韮菜餡料豐富，餃子皮薄，半份有4粒，兩個人食剛剛好👍🏻💛自家制黑松露蟹肉餃：必叫之選，餃子皮薄而且蟹肉的黑松露什菌餡料十足，口感很豐富👍🏻超級香☺️💛雞軟骨串燒：雞軟骨串燒非常香口，脆脆的，讚呀👍🏻💛荔枝豚肉串燒：豚肉片包著荔枝果肉一起燒，咬一口非常清新，而且清清甜甜不會覺得很油膩，出色👍🏻*店員服務態度非常友善☺️讚👍🏻
繼續閱讀
📍#云.手工火鍋尖沙咀存在着多元美食匯集區，火煱店屬於一個大眾常去的餐廳，因為可以點選不同美食，又可以邊食邊談天的享受。今次帶大家去食嘅就係尖沙咀出名嘅火鍋店，佢嘅位置位於尖沙咀中心點，交通非常方便。火焰三椰雞鍋 $328店員首先會用乾鍋形式炒香雞肉、椰子肉和紅蘿蔔，待炒到半熟時就會加入料酒，用火槍點燃後聞到陣陣酒香。最後會倒入新鮮嘅椰子汁做湯底，店員會幫我地隔走湯面上油份，一鍋充滿椰香味又有雞湯濃郁嘅味道，喝下是十分暖心，清甜，而且雞件經過乾炒可鎖住肉汁，一啲才都唔乾柴👏🏻招牌牛肉拼盤 $398拼盤入面有本地手切牛，安格斯牛肉，牛心椗，牛舌，牛胸爽，牛柳粒，非常多選擇，加上餐廳特別嘅擺盤，打卡一流。牛肉在湯底游走數十秒，就可享用，牛肉新鮮，安格斯最為入口即溶，油脂豐富，牛胸爽爽口彈牙，推介🙌🏻自家黑松露蟹肉餃 $68本人非常喜愛餃子，每一次去不同餐廳都會點，今次餃令人喜出望外，黑松露配上蟹肉，十分有趣，沒有違和感，非常好味😋竹蔗茅根 $68打邊爐必備涼茶，材料十足，唔太甜😍——————————————- 📍 云手工火鍋店 (尖沙咀)🏠 尖沙咀加連威老道20號瑞生尖沙咀酒店3樓#hkfoodstep#hkfoodstep尖沙咀#hkfoodstep 火鍋 #hkfood #hkfoodie #hkcouple#尖沙咀美食
繼續閱讀
之前有朋友推介過瑞生酒店呢間火鍋店幾好食，趁呢兩日涼涼哋我都去咗試試！話晒開喺酒店地帶🏨，呢度嘅裝潢確係幾靚😍，好有中式氣派，夠光猛。環境乾淨整齊，亦有幾間VIP包箱，不過價位就相對貴啲啲🤏🏻。嚟之前已經諗定要嗌好出名嘅火焰鍋🔥，有點火睇，好澎湃又啱晒打卡！🥘火焰三椰雞鍋🩷 $328店員會幫你先用牛油炒熱啲雞，落啲酒就會點火炒香佢🔥。鍋入面有椰子肉同海底椰，再淋上新鮮即開嘅椰青同椰皇水🥥，加埋雞湯煲滾佢就飲得。呢個湯底真係冇得輸，係正宗新鮮嘅椰子雞湯🤤！超超超清甜！我都飲左3碗，好滋補呀✨！啲雞份量都好多，用咗牛油同酒炒香，更加好味同嫩滑。好滿意呢個鍋🩷，好好味，值回呢個價錢。🥩美國安格斯牛肉(中) $268 安格斯牛係必點，份量都唔少𠻹！肉質好靚，充滿雪花紋路❄️，切得又夠薄，淥5-8秒就食得。🥟自家製黑松露蟹肉餃(半份)🩷$68好畀到驚喜我，極推介要嗌⭐️💫！首先佢個餃皮整得好薄，整熟咗會見到係半透明咁，但擺入鍋滾咁耐又冇穿窿喎，包得好好👍🏻。個餃入面包咗滿滿嘅菇碎同蟹肉碎，個黑松露味好出，Real正✨，好好味😋！🍡手打黑松露墨魚丸(半份) $52呢度都幾多手打同手工製嘅食材，咁唔怪得餐廳Tag自己係手工火鍋💁🏻♀️。墨魚丸好彈牙，正常發揮，但唔算好特別，建議留返Quota去嗌多份黑松露餃食🤣。🥬雜菜拼盤 $88都幾大兜，入面擺滿唔同種類嘅菜，粟米都比夠4嚿你，仲要全部都好新鮮，係靚菜💚！(連媽咪都讚好)🔸粉絲 $38畫龍點睛一定要嗌返個粉絲！因為今次冇嗌海鮮，個湯底都Keep得幾清下，啲粉絲索晒椰子雞湯汁，正👍🏻！可樂 $18 x 2‧ ‧ ‧ ‧ ‧ ‧整體食材質素好唔錯，好新鮮。店內仲有自己嘅大魚缸🐟，保證你嗌嘅海鮮都係新鮮即劏即上。要一讚呢度Service非常好，每一枱嘅9宮格醬酒盤都擺得勁整齊💁🏻♀️。店員除咗會幫手起鍋，仲會幫你片走啲油同定時主動幫你加湯，真係好唔錯👍🏻！如果想食返個有質素嘅邊爐，好推介呢間🙌🏻！‧ ‧ ‧ ‧ ‧ ‧
繼續閱讀
新年好友👯 👯開年🧧聚會飯，book 咗尖沙咀嘅火鍋，食豐富嘅一餐！🔥火焰沙白蟹🦀鍋店員先放沙白及花蟹🦀入鍋內炒香，之後倒入少少酒🍶，立即出現火焰效果🔥再炒（打卡位📸），最後加入上湯，湯底煲滾後，每人先品嚐一碗湯，鮮甜海鮮味道，再用湯底打邊爐🔥牛肉拼盤 （中）🐮可以一次過試6款牛嘅部位🤗🔸本地牛肉：牛肉肥瘦分明，入口🔸安格斯牛：滾幾秒就食得，有少少咬口，牛肉味好香濃，食得出係正野👍🏻🔸牛舌：爽口味香🔸牛胸爽：滾10秒便可以吃，非常爽口🔸牛柳粒：牛柳粒就要滾耐啲，我鍾意大概七成熟裏面仍然保持肉汁🔸牛心椗：滾10秒便可以吃，咬落油脂豐富，估唔到好香牛味😋🔥西班牙黑毛豬黑毛豬都幾大塊，咬落吾鞋口，肉質比一般豬肉更柔軟🔥香煎鵝肝墨魚丸外層彈牙墨魚丸，裡面有好香嘅鵝肝味道，有驚喜呀🔥手打鹹蛋黃蝦丸蝦丸夠彈牙，個餡係半融又邪惡嘅鹹蛋黃🥰🔥 手打墨魚丸 + 香菇貢丸新鮮墨魚丸夠彈牙🔥雜菜拼盤雜菜拼盤豐富，包括粟米🌽、蕃茄🍅、娃娃菜、西洋菜、唐生菜🥬🔥台灣水蓮水蓮細細長長，如同一條條綠色絲繩，口感爽口，是低卡高纖的健康食物，適量食用有助於減肥及消水腫🔥自家製黑松露蟹餃好香黑松露菌味道，仲食到一條條蟹肉🔥極茜豚肉餃極多芫荽混合豬肉做餃子餡料，味道都幾香🔥鮮蝦雲吞 + 招牌韭菜餃兩款餃子都是新鮮即製的，餃子皮夠薄，塞滿脹卜卜豐富的餡料🔥稻庭烏冬 + 台灣寬粉好大碟寬粉，烏冬及寬粉索哂個火鍋湯底好入味好食😋🔥竹蔗茅根火鍋必備嘅飲品，清潤解渴
繼續閱讀
臨近農曆新年好多地方都難訂位， 幸好早一日可以訂到云手工火鍋店，位於尖沙咀加連威老道20號瑞生尖沙咀酒店3樓。 店內環境比較狹窄， 欠舒適度。 當晚我們點了雞肝$58、 避風塘雞軟骨$68、 松茸雞翅冬瓜魚鍋$368、 桶蠔$168、 牛肉拼盤$388、 手打黑松露墨魚丸$52、 台灣蛋餃$58、 招牌韮菜餃$48、 萵片$58、鮮枝竹$38、豆腐$38、 自家製響鈴$68、 手打芝心牛丸$52、 皇帝菜$48、 鴨血$78、 黃沙豬潤$68、 稻庭烏冬$48、 可樂$18、雪碧$18、 白酒$368、 醬料四人$112。 首先講下個鍋底，松茸雞翅冬瓜魚鍋的湯底味道清清地， 但價錢比較進取。 桶蠔正常味道， 牛肉拼盤唔算抵食， 份量算少。 至於丸類收費都貴，每人只有一粒，其他火鍋配料就正常發揮。 埋單大約每人九百幾， 性價比不算高😉。🏷️溫馨提示～ 整個用餐體驗均屬個人分享意見， 只作參考😊。
繼續閱讀
您可能會有興趣的...