影片
港鐵佐敦站 D 出口, 步行約3分鐘
繼續閱讀
電話號碼
27301828
營業時間
今日營業
18:00 - 00:00
星期一至日
18:00 - 00:00
以上資料只供參考, 請與餐廳確認詳情
-
網上訂座服務暫停
由朋友介紹的家庭式小館位在佐敦山林道一幢商業大廈裡面老闆娘熱情好客 熱心推薦菜式 還可以因地制宜修改菜式煮法果然是人情味濃濃的餐廳但可能侍應的教導要多加培訓鱿鱼$35傳統老港味道的魷魚 作為前菜 份量不少而且很入味 吃不夠大叢小炒王 ＄118有很多的配菜 鮮魷魚 小魚乾 蝦乾 腰果韭菜 還有最重要帶出鮮香味辣的 菜鋪 超級下飯很出色嘅小炒王鬼馬蝦滑拼墨魚滑$98菜單上是單點 作為吃貨 咩都想食但兩個人吃飯吃不了 唯有詢問老闆娘能否雙拼老闆娘好易話為 立刻去廚房溝通XO醬炒西蘭花雙蚌 $148 味道很好應該係珊瑚蚌同貴妃蚌但上枱一眼就睇得出一定係魷魚同個侍應講啦 佢同我死撐話唔係呀佢係蚌嚟㗎跟住老闆娘聽到有少少嘈即刻走出嚟老闆娘都知呢個一定係魷魚咁佢就話如果唔啱食可以換咗佢其實我嘅重點係如果你冇珊瑚蚌你可以同我講我可以轉第二樣嘢因為個重點係 我4碟餸有三碟魷魚但希望下次能先和客人溝通好 薑蔥炆班腩x火腩呢個又係自選煮法因為又想食魚又想食火腩 但餐廳只提供 豆腐支竹 咁我唯有問老闆娘能否修改煮法 老闆娘又是二話不說詢問廚房我都覺得自己好麻煩😂豆沙煎堆°仔 是作為飯後甜點送的新鮮炸起完全冇燶 金黃色香味俱全啱晒唔鍾意太甜嘅朋友 煙韌 口感香脆
繼續閱讀
.大叢海鮮火鍋呢間餐廳環境好嘈😭😭😭😭😭😭但係如果你係想同一班朋友去鬆鬆下 咁其實都幾適合？！因為大家都可以大大聲講野…😅不過食物嘅質素真係有待改進 唔可以話超級難食 但係俾得呢個價錢我對佢期望更加高😭.🐷鹹蛋黃鮮魷佢哋個鹹蛋黃鮮魷粒粒肥美 但係煮得太過😂 完全無彈牙感覺 整體口感軟得滯啦 同埋好似過於鹹 😿.🐷豉油王炒麵呢個豉油王炒麵麵條 軟爛 完全無咬口 加上佢哋用咗太多豉油😂 整個味道鹹到爆表.🐷瑤柱蛋白炒飯呢個炒飯正正常常都叫咗粒粒分明嘅 .大叢海鮮火鍋📍尖沙咀山林道4-4A號恆貿商業中心1樓
繼續閱讀
由於地點靠近佐敦地鐵站,交通方便, 今晚應該是第四次與朋友來晚餐。這裡上菜時間合適, 不會有趕時間的感覺,而食物仍保持一貫水準,每次必食胡椒豬肚包雞湯, 一大窩濃白雞湯,足夠每人兩碗。蒜蓉蝦腸粉,芝蔴雞,酸菜魚,冰梅骨....之前亦試過蝦多士拼咕嚕肉, 椒鹽鮑魚。食物好美味,材料足,廚師用心製作, 侍應姐姐亦服務好。美酒美食,暢談往事,近況, 與朋友共渡開心晚上。看看餐牌仍有許多特色菜式,下次必會再與朋友試試其他菜式啊！
繼續閱讀
初七開年同事帶食好嘢，尖沙咀食街中其中一間樓上小餐廳先黎頭盤係湯: 杏汁花膠豬肺湯杏汁、花膠和豬肺為主要材料，加埋大白菜，初頭睇見到大大塊米色以為係白菜，原來係大大塊魚肚/（花膠？唔識分）總之大大盤好足料，湯渣都嚇一跳，啲端士山區肺同魚肚大塊到嚇親，啲湯啖啖都飲到杏仁碎，豐富營養價值。不過我本人唔中意滑潺潺嘅嘢..所以靜係飲左三碗湯😂味道：👅👅👅👅🫥一開始就黎料唔記影相。第二道黎嘅係蒜蓉蒸開邊蝦腸粉底以蒜蓉蒸蝦蒸腸粉作為底部。就好似蟹粥咁，啲腸粉吸晒啲蝦蒜嘅味，不二之選。呢道餸要提早訂，我估係要訂定啲腸粉，精華👍味道：👅👅👅👅👅第三樣虾多士拼咕嚕肉重點就係啲虾多，一啖一塊嘅size，多士中間釀一啖蝦滑，一啖脆卜卜多士一啖蝦滑，靜係掛住食多士冇食咕嚕肉味道：👅👅👅👅👅（俾蝦多士）再黎係酸菜魚班腩，酸辣口味一流，湯汁好辣，有啲似潭仔五小辣，班腩魚啖啖肉..非常厚肉地，起晒骨完全唔怕，酸菜好好味，唔覺係酸菜似甜菜，中和返啲辣，酸菜有驚喜。敗筆係自己冇叫白飯味道：👅👅👅👅🫥第五係東江豆腐煲豆腐配返酸菜魚啲湯味道升華左😂已經好飽同埋冇食鯪魚球，靜係食豆腐，豆腐夠晒滑，夾落去又唔會爛晒味道：👅👅👅🫥🫥第六樣係咸蛋黃鮮魷咸蛋黃嘅香味包住鮮魷嘅口感但唔韌好好咬，衰在又係冇叫白飯，少少咸。味道：👅👅👅👅🫥啫啫芥蘭煲，金銀蛋浸時蔬 上枱嗰時因為已經飽左同埋到左吹水時間，變左只有相機食，自己食唔落豉油王炒麵 可能係麵種嘅關係..炒上碟見佢係黃唔係閃令令或者係少油炒掛瑤柱蛋白炒飯 粒粒米均衡就基本嘢同樣唔係油淋淋最後煎堆仔做甜品 外脆內軟得黎唔甜，所以食飽左我都食到兩粒🖖🏻環境細啲，眼見三間間房大廳再黎六七張枱左右，聽講開瓶費唔理你帶幾多酒，係咁e收五十蚊，帶其他飲品佢都係當睇唔到，當日可能人多又或者佢想俾時間你傾計，上餸稍為慢抵食指數一百分..因為老細請唔洗自己俾都唔知幾多錢🤣
繼續閱讀
同朋友一行8人晚飯，隔離大枱坐爆，明白晚餐一大班朋友最緊要高興，但問題係隔離枱直情係當酒吧甘玩，企起身一路飲一路食，不停嗌酒，好大聲講，好大聲笑，仲要猜枚，我哋根本連隔離位朋友講咩都聽唔到，完全傾唔到計大叢所有老闆員工又唔理，我明白唔想得失大枱客，但係其他客人既用餐感受都需要照顧，你對大枱佢哋好，都要對其他客人公道啱唔啱先，就算你嘢食算幾好，但係隔離枱企晒起身大吵大鬧猜枚，私房菜變酒吧真係接受唔到餐廳唔理客人感受，甘下次唔會再幫襯
繼續閱讀
您可能會有興趣的...