影片
開飯介紹
主打海鮮刺身及火鍋的專門店，供應多款特色手工丸類、高質肉類作火鍋配料。裝潢以花和木為設計主軸，氣派又典雅，適合和親朋好友聚餐。
繼續閱讀
營業時間
今日營業
17:30 - 00:00
星期一至日
17:30 - 00:00
以上資料只供參考, 請與餐廳確認詳情
有關獎賞計劃
冬天咁凍 收工梗係想食返啲熱辣辣嘅嘢今日黎到尖沙咀金巴利道-花月宮裝修好華麗 好有中國風店家食物種類非常多淨係湯底都有十幾種真係唔知揀邊個花月宮特色四格鍋其實都幾岩第一次黎又乜都想試既我地四格鍋有四川麻辣湯辣道大約係小辣 裡面有鴨血同豆腐 啲豆腐吸晒啲麻辣味 好正呀藥膳花雕花膠醉雞湯店員教我地滾左先落雞 啲雞會滑啲重有一舊舊既花膠 好養顏黑松露野菌黑松露味好濃 裡面有好多唔同種類嘅菇蕃茄濃湯海鮮蕃茄好夠味 加上青口 蝦 既鮮味 令到成個湯都好清甜鍋底💯唔會好咸 一路食都唔會好口渴本地手切新鮮頂級牛吊龍呢個係我覺得必點牛味好濃 入口又淋 肥瘦均勻真係超級好食 流心芝士手打墨魚丸手打丸好高質 芝士香濃 店家重有好多唔同味既手打丸 下次一定要再黎試下白鱔片打邊爐我必食嘅就係白鱔鱔香冇骨,就咁灼完點豉油已經超鮮味而且份量多再嘆埋杯Hoegaarden🥰下次一定要再叫埋三五知己過嚟一齊打邊爐先得
繼續閱讀
餐廳：花月宮地點：尖沙咀金巴利道菜式：海鮮刺身火鍋專門店餐牌：海鮮，淡水魚，湯底，刺身，羊鷄鴨，牛肉，豬，手工餃類，手打類，火鍋配料，豆品，蔬菜類，菇菌類，飲品，特色小食。落單用QR code。美國頂級手切封門柳 $238 另加一美國頂級手切封門柳擺盤好精緻，份量好多塊，唔會太薄切。有提示淥10秒就得。口感好嫩而牛味濃，好正。海鮮一齊冰鎮上枱，伴有沙律菜。10頭大連鮑魚 $88 另加一連殼鮑魚一客四隻，質感爽口，啖啖肉，好鮮味。日本大扇貝 $88 另加一日本大扇貝一客兩隻連殼上，非常厚肉。肉厚食落啖啖肉，肉質唔會韌，好鮮甜。新鮮花甲皇 $128 另加一新鮮花甲皇一客6隻連殼上枱，全部開口，唔怕唔新鮮。肉質嫩口。脆鯇片 $58 另加一脆鯇片一客8片，大大片又厚身，果然好脆又無骨。芫茜皮蛋鍋 $88 另加一芫茜皮蛋鍋好大鍋，面頭勁多新鮮芫茜，好香！其他配料仲有紅蘿蔔幾件同粟米4段，大量馬蹄同皮蛋。皮蛋係真心好食，黑蛋白好有彈性，而蛋黃好香。個湯好清，飲落鹹香唔會太重口味。九宮格放有九樣醬料，包括豉油，辣椒，蔥花，芫荽，芝麻醬，沙嗲醬，炸蒜，XO醬，蒜蓉。比你自己拎，唔洗行出行入。醬芥每位$18另加一。有暖水供應，唔收錢。總括而言，食物質素唔錯，呢度坐得舒服，環境舒適，服務員態度殷勤。
繼續閱讀
花月宮之前就食過，每都吾會失望！花雕醉雞鍋花雕醉雞鍋係一個獨特嘅火鍋湯底選擇！呢款湯底以花雕酒同醉雞為主要材料熬製而成。湯底應該帶有花雕酒嘅香濃味道同醉雞嘅鮮美風味。如果你鍾意酒味同醉雞嘅滋味，呢個花雕醉雞鍋係一個唔錯嘅選擇！- 本地手切肥牛：本地手切肥牛係一款高質嘅肉類食材，肉質鮮嫩多汁，適合喺火鍋度涮煮。有牛味，可以！- 即炸響零：即炸響零係一種脆口嘅食材，有得吸湯，正！- 辣子雞丁餃：辣子雞丁餃係一款辣味濃郁嘅餃子食材，內餡應該係以辣子雞丁，味道鮮辣可口。- 三色滑（蝦滑，帶子滑，墨魚滑）：三色滑包括蝦滑、帶子滑同墨魚滑，呢啲滑狀食材有彈牙嘅口感同鮮美嘅海鮮味道。佢哋係火鍋度好受歡迎嘅丸類食材。
繼續閱讀
每次來尖沙嘴打邊爐🍲，必食最愛火鍋專門店———花月宮最鐘意係呢度環境清幽舒適，食物質素高，服務又好又貼心, 每次來食都有賓至如歸的感覺。今次再次翻食，雖然火鍋鍋底款式多，但我沒次都必食至愛———滋潤養顏雪蓮子桃膠椰子🥥雞鍋 $238 呢個湯底真係沒得頂，滋陰養顏加上有嫩滑的雞肉，抵食又補身，女人恩物啊😍另外前菜小食就想食個餃子🥟，點左呢款香脆的香酥韭菜餃🥟 $58 外脆內香，喜歡吃韭菜的，會覺得好好食的餃子😋火鍋料當然不少的有雞就有魚，脆骨腩 $78 必食，肉質新鮮又嫩口，而且好爽口彈牙，愛吃魚一定吃這款☺️最後就是愛牛🐮者必食，牛肉種類有好多，但牛將軍拼盤 $188 就有齊三款牛部位，我就最鐘意有牛胸爽，好香油脂味，而且性價比高，一定要試下😋食火鍋要降火，飲品方面推薦竹蔗茅根 $68 自家煲的還有馬蹄渣可以食😆
繼續閱讀
周末同朋友去咗尖沙咀打邊爐傾下計，真係好開心！呢度嘅環境舒適，仲有宮廷嘅感覺，令人好放鬆。．首先，我地試咗火鍋湯底嘅椰子醉雞，而且仲有半隻雞呀！呢個湯底養生又滋補，椰子同雞肉嘅結合，帶嚟濃郁嘅湯汁同鮮甜嘅口感，真係好開胃。．接著，我地試咗黑豚肉豬卷。黑豚肉嫩滑多汁，配埋豬肉卷，口感豐富。每一口都帶嚟豬肉嘅鮮美同黑豚肉嘅獨特風味，好美味。．另外，我地仲試咗鮑魚刺身、手工韭菜餃、豆腐同唐生菜。鮑魚刺身新鮮爽脆，韭菜餃皮薄餡多，豆腐滑嫩，唐生菜清爽脆口。每一樣都帶嚟豐富嘅口感同鮮美嘅味道，令人食得好過癮。．整體而言，呢度嘅打邊爐真係一個值得推介嘅地方。唔單止食物豐富多樣，環境舒適仲有宮廷feel，真係好適合同朋友聚餐。如果你想享受一個舒適又美味嘅打邊爐體驗，就記住嚟呢度一試，一定會有一個愉快嘅用餐體驗！
繼續閱讀
您可能會有興趣的...