影片
電話號碼
27875135
開飯介紹
主打高級日式鐵板燒，提供海鮮、和牛等高級食材，設有二人或三人的套餐，當中包括前菜、沙律、甜品，及一整碟海鮮或肉類等。
繼續閱讀
附加資料
本店已不再提供商務午餐。
營業時間
今日營業
12:30 - 23:45
星期一至日
12:30 - 23:45
公眾假期
12:30 - 23:45
公眾假期前夕
12:30 - 23:45
*最後落單時間: 23:00
以上資料只供參考, 請與餐廳確認詳情
有關獎賞計劃
66折食到鐵板燒？對！而家只要係18:30前結帳，就享有66折優惠，咁質素會唔會有所下跌？今日就等我去食下先。Set U (二人前) $2188(正價)前菜有合桃小漁乾、芥末八爪魚和沙律菜，食完即刻胃口大開。活龍蝦原隻活龍蝦🦞燒香後切件，龍蝦🦞肉質感爽口；龍蝦頭一啲都冇嘥，起哂啲膏整成醬汁，而殼就用嚟煮之後麵豉湯🍵。鵝肝多士鵝肝表面煎得焦香，口感柔潤，油脂香肝味濃，加埋香脆嘅多士，非常好味😍。仲有燒菠蘿，食完正好解一解膩。日本豚薄燒薄切豬肉烤得焦脆，包埋蒜蓉和蔥花一齊食，層次感十分豐富。蝦乾蟹子炒飯飯炒🍚得粒粒分明，每一啖都充滿蛋🥚、切粒蝦乾🦐、蟹子及蔥花香味。炒雜菜野菜🥬新鮮，炒得香口，調味啱啱好😋。海鮮湯個湯熱辣辣🔥，味道非常鮮甜，加上用了龍蝦殼，再多了份鮮味，鮮上加鮮，十分好飲😋。甜品甜品係雪糕，我地分別揀咗紅豆同芝麻味，食完大滿足。
繼續閱讀
好中意食鐵板燒,但價位通常都有d貴,唔係特別既日子都唔會去食。呢排幫朋友慶生,見佢午市66折,加埋佢既海鮮都好豪華,價錢又冇其他鐵板燒咁貴,就帶左朋友黎慶生。我地叫左u餐,有龍蝦、銀雪魚、日本豚。首先食左前菜先,沙律都好正,有士多啤梨,賣相可觀。跟著師傳就係我地面前燒半隻澳洲龍蝦。拆肉,切成一口一口,仲有龍蝦膏,肥美可口,大滿足。師傳真係神乎奇技,處理龍蝦一板一眼,好似好簡單,但有好多年既功力。切完個龍蝦頭後,一d都唔浪費,拎左去bowl龍蝦湯比我地飲,食到濃濃既龍蝦味,個龍蝦頭仲有d肉可以食添呀!個銀雪魚師傳都煎得好靚,肉皮煎到好香脆用黎做裝飾,最後我都有食到。鵝肝多士煎到恰到好處,好香好惹味。日本豚包住香蔥、各款配料,蔬菜加蔥,一d都唔油膩。櫻花蝦飯炒到好香,師傅打蛋仲好勁添!粒粒分明既飯加埋配料,真好食!甜品係雪糕,有lychee同埋芝麻選,我食既係lychee,好清新,加埋薄荷葉,靚。最驚喜係師傅用麵粉整左個tinkerbell比我朋友,佢比我地選圖案同埋字,師傅倒轉都寫到happy birthday既英文字。勁!最後仲比我地入去同幅藝術品影相添。朋友係度過左個難忘既生日!
繼續閱讀
餐廳充滿的日式風情 而且性價比高餐廳的招牌菜銀雪魚，單看外觀覺得燒得好香脆，魚皮也能成為一個藝術品。銀雪魚肉質鮮嫩多汁，入口即化，甘香肥美。龍蝦入口爽口彈牙，味道鮮甜，是合乎預期的美味感。鵝肝多士都係令人驚艷的菜餚，鵝肝的香濃味與香脆可口多士的搭配，簡直絕配。而且鵝肝有一定嘅厚度，啖啖油脂嘅滿足蔥蒜燒豚肉入口甘香，肉質鮮美，外酥內嫩，讓人滿足。炒雜菜和炒飯出乎意料的美味，蔬菜色彩繽紛，口感清脆，炒飯米粒分明，入口每一口都充滿著新鮮的味道。最後上桌的龍蝦頭湯，湯汁濃郁，龍蝦香氣四溢，為整餐飯添上完美的句號。最後師傅仲問我哋鍾意什麼卡通人物，可以製作我們喜歡的圖案❤️🥹我哋製作了比卡超☝️ho kawaii而家呢間餐廳依家做緊66折的優惠，絕對是約會拍拖的好地方！
繼續閱讀
📍鐵板超 (尖沙咀)尖沙咀麼地道61號冠華中心地下1號鋪而家18:30前結帳有66折 絕對值得一試🤤點咗Set U 二人前 ✨合桃小魚乾 ✨芥末八爪魚 沙律菜 非常醒胃嘅前菜✨帆立貝 配上海草湯 一個字 鮮✨銀鱈魚 魚皮煎至香脆造成裝飾 銀鱈魚啖啖肉✨活龍蝦 原隻活龍蝦 賣相可觀 龍蝦肉新鮮爽彈 扎實鮮甜 ✨龍蝦湯 用龍蝦頭煮湯 味道清甜✨日本豚 薄豚肉脆香可口 包住蒜蓉和蔥花 ✨季節野菜 有蕃薯 蓮藕及菇✨炒雜菜 ✨蝦乾蟹子炒飯 粒粒分明充滿蛋香好戲在後頭 廚師問我鍾意咩圖案 基本上佢都識畫 仲可以喺鐵板上寫上祝福字句 最後..我揀咗Stitch…寫上身體健康食飽飽…大滿足…整體用餐體驗✨味道(4/5)✨環境(4/5)✨服務(4/5)
✨抵食(4/5)
繼續閱讀
今日同朋友去尖沙咀shopping，行到咁上下就去咗呢一間尖東嘅鐵板燒食下午，餐廳嘅設計非常簡約，非常舒服，非常適合一班朋友包廂，六至八人，下晝嘅時候更加有66折優惠，包括所有食材同埋餐單上嘅飲品，見到好多台都有叫sake, 其實真係非常抵，我同朋友就叫咗套餐U, 包括有龍蝦，廚師推介嘅馬友（seasonal) , 鵝肝，羊架，當然同埋仲有佢本身嘅有嘅沙律炒飯雪糕同埋炒雜菜，睇落都有好多嘢食！🤟🏻一開始廚師會先俾我哋打卡，見到龍蝦非常生猛仲係會郁，打完卡之後就開始煮，一開始就會先食沙律，酸酸甜甜，非常開胃，生菜亦都非常爽脆，小食就比較鍾意食佢嘅芥辣魷魚，wasabi味重，好味！🤟🏻之後就開始去到重頭戲龍蝦，在成個烹調過程中，廚師會首先將龍蝦切開，將本身龍蝦肉取出，然後會放置鐵板上，龍蝦嘅香味即刻出晒嚟，之後師傅會比時間我哋打卡，好似火焰龍蝦咁，非常有娛樂性，龍蝦嘅味道非常紮實，而且非常鮮甜，廚師係烹調手法上用咗簡單嘅調味，食到龍蝦本身嘅新鮮，同埋香甜嘅味道🤟🏻佢嘅馬友都幾好食，馬友係seasonal menu ,咁啱朋友鍾意食魚，呢一種魚本身係多脂油香，肉質多層鮮嫩，而且魚味濃郁。廚師加左海鹽，用黎鹽煎，出到嚟嘅肉質一絲絲而旦一疊一疊，鹹香味道非常突出，我同朋友都冇後悔揀到呢一個選擇，真係非常美味，非常適合鍾意食魚嘅朋友！鵝肝多士都非常美味，絕對冇蘇味，火候控制上非常好，食得出非常高級嘅味道，加上本身佢嘅菠蘿，亦都好香，點上意大利黑醋，簡直係另一個風味！炒芽菜用咗怡保芽菜，非常爽甜，而且有鑊氣，冇諗過炒雜菜都係咁出色！最後食埋芝麻雪糕，同朋友都非常鍾意呢一餐！
繼續閱讀
您可能會有興趣的...