影片
港鐵尖沙咀/尖東站 L5 出口, 步行約3分鐘
繼續閱讀
營業時間
星期一至日
12:00 - 15:00
17:30 - 00:00
以上資料只供參考, 請與餐廳確認詳情
外出食飯好多時都揀韓燒，今次黎到尖咀呢間Mapo，原先book左位，但去到都要等20分鐘，加上店內冷氣唔夠，就算坐喺店內等都出哂汗，幸好店員送左2罐梨汁俾我地下火 (爆)坐低馬上order，因為好肚餓啊！小碟選擇唔多，有kimchi、酸青瓜、柚子汁沙律等等，因為唔太吸引，所以都冇影相，只影左呢碟沙律咋 (￣∇￣)相比其他韓燒店，Mapo份量比較細1d，兩個人食份量還好，3人食要叫多d啦！今晚燒乜？ 一定有我至愛五花腩啦！燒完點麻油淮鹽最perfect，旁邊係加左kimchi碎既蛋漿，食到唔記得左佢，所以蛋熟哂冇咁好味 -_-#其實我對牛舌一般，薄切還可以，厚切就唔洗預我啦！呢碟薄切牛舌有點羶味，不過唔係太羶，可以接受，但係有筋啊！真係痴筋，扣哂分。當然唔少得醃過既牛牛啦！全晚最好味呢個架啦！牛味偏淡，醃料唔算濃，不是死林既口感，加埋生菜一併塞入口都幾好味，但我覺得可以再好d囉。最後方死蝕底怕唔夠飽，叫多個炒粉絲，味道偏甜，粉絲亦好彈牙，喜歡佢配菜多增加爽口感，多蔬菜感覺上亦健康d嘛 (笑)總結，食物質素一般，出面有更好選擇，食過一次後短期內唔會返兜。
繼續閱讀
三五朋友又係韓燒的時候，呢間麻蒲都係我地第一次試，坐位都係一般小圓枱圍住個爐。特別之處係佢張櫈係個筒俾人放手袋，既可以收納又唔洗吸味，真想得周到。由於未齊人，所以先叫咗韓國啤酒white （＄30一支）解下渴先！唉吔，但係唔夠凍，就算啤酒味好清好味，都大打折扣！首先叫咗大醬湯 （＄80）包一碗白飯。 湯裏面有D蜆肉，瓜粒，金菇等等材料，飲落好咸呀，於是加D飯之後味道就剛好，但係大致上味道無咩特別。爐邊蛋係無限免費添食的，侍應先加咗kimchi再倒蛋漿，等燒其他食物的時候佢就慢慢熟咗，講真幾好食，底的蛋燒到好香，而且kimchi加蛋係個好配搭，真係想添多幾round呀！因為有朋友唔食牛，所以無叫牛，叫咗個調味護心肉（＄160）200G，護心肉係韓燒大熱的食品，聽講係豬橫隔膜上的肉筋，食落好夠嚼口，而且帶少少苦，用生菜包住食可以減去肥膩感覺，味道特別，不過試過就算喇，唔會特別想再食囉好了到咗店舖推介的芝士烤肋排骨（＄270），一出場賣相十分吸引，見到D芝士就已經好想食！燒到D芝士差不多溶晒的時候，侍應埋黎幫我地搞暈D芝士，然後將D芝士繞住每件排骨，然後分俾我地食，排骨甜甜的，但唔覺得有肉味，要靠D芝士味加強野味，雖然D芝士令人好快漏，但其實芝士味唔係好濃，只可以講係好得意好好玩，試過未必會專登再黎食。整體感覺不過不失，始終而家韓燒好多，下次都會試下其他韓燒食店。
繼續閱讀
吃烤肉 ...親戚說要到麻浦吃烤肉。爐邊蛋, 很久也沒有吃爐邊蛋, 喜歡烤至底面脆但內蛋漿是凝固的模樣。我點的生料: 調味護心肉、調味牛肋骨肉, 每份的份量算大, 150-200g。烤至兩邊焦香, 店方的調味是帶甜, 焦起的味道是難以忘掉的好吃。調味護心肉 : 護心肉=豬橫膈膜與肝之間的肌肉肉筋, 油脂較少, 肉質爽口更覺彈性。調味牛肋骨肉 : 我比較喜歡這種有脂肪及筋的牛肋骨肉, 吃起來肉質比較滑, 燒烤後焦帶甘香, 筋位越嚼越有筋脂香。其他人點的就留待其他人介紹吧!
繼續閱讀
今天，我同朋友想食韓燒，就去左麻蒲啦！首先，我地好有目標感，一入去點左大牛排，一份豬頸肉，嫩豆腐韓國泡菜湯，食物上到黎，服務員好好態度幫我地燒，牛肉鮮嫩入味，可以夾埋生菜一齊食，咁就唔會有滿口油既感覺，再黎就係豬頸肉，烤到少少燶，好香脆，外脆肉腍，口感非常好，再黎豆腐湯，好多豆腐，滑嘟嘟，好易入口，加上我地配埋韓國飯，大大粒好飽滿，真係好prefect match. 我地燒既過程，服務員好細心幫我地換左三次鐵板，我下次都會再黎!總括，食物環境質素好，但價錢略貴，可以調整下!
繼續閱讀
當日, 本人身體不適, 但親戚想去吃韓餐, 於是便到這一間非常近我公司而食物質素不俗的餐廳吃一頓~ 門面沒什麽特色, 就是光猛潔淨~餐廳的裝修很有特色, 是韓國農村風格吧 ....Menu~前菜~這個我不能吃 ....當然烤肉更不可以吃, 否則吃薬也是徒然~看著別人大口大口地吃肉, 自己卻要戒口 ..... 真無奈!!我只好點了 水冷麵 $80湯汁冰涼, 味道甜甜酸酸但口感又算清淡, 麵條有嚼勁卻又夠柔軟, 配料有梨條、蘿蔔片、青瓜條, 即使有病在身, 吃了一口後, 胃口即時大增~本篇完~
繼續閱讀