影片
今日去西貢行山，經過彩虹轉車便去牛池灣街市食d嘢。見呢間比較多人食便試下坐底叫左個水餃米+碟油菜。等左大約十分鐘便到。d水餃好大隻，雖然得三隻但份量好足料。水餃入面d蝦仲係海蝦來，好食。油菜都好大碟。埋單都係$31，抵食
繼續閱讀
有時經過牛池灣依間雲吞麵舖，都見到有人係門口包雲吞，不其然會有種想試下既念頭。依日經過彩虹唔知食咩時，就想起依間雲吞麵舖😁黎到我地揀左坐出面，因為唔係夏天，所以冇冷氣都可以😎見到個餐牌時有d爭扎，究竟食招牌雲吞好，還是竹笙香菇瘦肉餃，因為我好鐘意食竹笙呢😋最後我揀左我既至愛- 竹笙香菇瘦肉餃米粉，老公叫左個牛腩筋河加可樂。黎到見到 d 餃好大隻，而且皮薄，有好濃郁的菇味，而且加左木耳，啖啖咬落爽口，可惜我食唔到竹笙，因為竹笙其實冇咩味😜老公叫個牛腩筋麵，筋滑又唔靭，腩肉都算林😋如果下次再黎就要試下佢個招牌雲吞😎😎
繼續閱讀
$25 雲吞河 間餐廳叫雲吞仔，係牛池灣街市條「食街」到，入到去我就嗌咗個雲吞河^_^雲吞河入面有四粒雲吞，有人會覺得少。雖然雲吞數量係少，但雲吞入面啲涵一啲都唔少！入面有好多鮮蝦，落足料！！感覺好抵食^o^ 呢間啲嘢食比出面大型食市嘅野食足料、平、正，而且有濃厚嘅人情味
繼續閱讀
街市入面既茶餐廳質素係好極有限但呢間雲吞仔真係令我跌晒眼鏡叫一碗雲吞麵上黎得3粒雲吞開始complain：洗唔洗咁縮水呀！但一咬落去 不得了點解佢一粒雲吞入面會有幾粒蝦既！！！！注意 係鮮蝦喎你幾可係出面食雲吞見到入面係鮮蝦？仲要唔只1隻 見唔到一大舊肥豬肉已經謝天謝地點解我會咁sure佢係鮮蝦呢？全因有個阿姐係廚房不斷meet蝦殼街市有咁既質素真係好值得表揚誠意推介各位試試
繼續閱讀