影片
港鐵旺角站B2 / B3出口, 步行約1分鐘; 旺角地鐵B2 / B3出口 旺角道轉入(金魚街)
繼續閱讀
電話號碼
27499900
開飯介紹
對食物品質非常注重和堅持的小店，和牛和海鮮都經過精選，確保新鮮。食材以正宗泰式方法炮製，每道菜都充滿店主的心思。
繼續閱讀
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
有關獎賞計劃
相關文章
旺角依間「泰廚泰國餐廳」已經開業超過14年，係旺角街坊老店，作為一間性價比高嘅北泰菜餐廳，佢哋嘅菜式食物份量多，食材夠新鮮，另外，更會不時推出新優惠套餐，以及當然不少得佢哋嘅一元菜式：於指定時段消費滿指定金額即可以以一元優惠價加購精選小菜，四選一，可選擇的菜式項目包括泰式生蝦、泰式海蜇、泰式木瓜沙律、泰式椰汁糕，下午六時前，凡惠顧小菜滿$200可任選一款，或者，下午六時後，凡惠顧小菜滿$300可任選一款。今次我就Order咖喱大頭蝦二人餐，不過將泰式咖喱大頭蝦改為泰式炭燒大頭蝦。餐廳無收取加一服務費，但店員、老闆都好Nice。咖喱大頭蝦二人餐（單點$428），泰式炭燒大頭蝦，好大隻，足足有一隻手板長，大頭蝦肉質爽口，味道鮮甜、食落帶有炭燒香味，媲美龍蝦，配以泰式海鮮汁食用，味道酸辣，蝦膏味道甘香。半隻海南雞（跟餐$0），海南雞皮爽肉滑，雞皮偏向深色，食落類似中式油雞，雞肉之間摻有脂肪、雞油，食落雞味濃香，泰式豆薣醬味道鹹辣帶酸、帶有一點沙薑汁味道，配菜包括有醃酸白蘿蔔、醃酸紅蘿蔔、花生。小份小食拼盤（跟餐$0），泰式炸蝦餅，食落有鮮味，略嫌蝦膠口感比較軟腍，配以泰式甜辣醬食用，味道更佳；泰式炸魚餅，內有魚肉、豆角、香葉、乾蔥、黑椒、辣椒，食落帶有香料味道；炸春卷，好足料，內有粉絲、節瓜、紅蘿蔔；泰式炸蝦片，味道鹹鮮。馬拉盞炒芥蘭（單點$74），芥蘭口感爽脆、沒有渣，容易掛汁，配以馬拉盞醬汁、辣椒食用，食落好惹味。雙拼串燒拼盤（跟餐$0），豬肉串燒沙嗲，食落好Juicy；雞肉串燒沙嗲，食落啖啖肉，沙嗲醬內有花生粒，味道濃郁、帶點微甜。蒜蓉包（跟餐$0），表面鋪滿蒜蓉、牛油，口感酥脆，食落好香口。熱泰式椰汁燕窩（單點$72），燕窩口感滑溜，略嫌椰汁味道偏甜、甜度8分。泰式椰汁糕（跟餐$1），層次分明，椰漿口感濃稠，味道香甜，內有西米、粟米。熱泰式奶茶（跟餐$18），茶味濃厚。青檸梳打（跟餐$5），飲落好清爽。
繼續閱讀
唯間店成日都經過 次次都話想食但每次經過都已經食飽咗今次終於未食嘢就諗起佢所以就入離食價錢其實一啲啲 有啲係平有啲係偏高蝦片 係平時去泰式餐廳來貨嘅好食蝦片滿300加1蚊嘅 泰式汁涼拌海蜇頭海蜇頭係爽嘅 不過味道主要係個汁係平時食泰式生蝦 酸酸地嘅嗰款汁和牛串其實我expect係沙嗲醬 但冇諗牛串啲牛會有咩驚喜好食之但係見佢寫和牛 就難免 對啲牛肉多咗份暇想上到枱 眼見唔係原本諗嘅 佢個面配咗啲青色稀醬個醬講真食唔到有咩味 莫非只係想加顏色？和牛兩個字就 可能食過太好嘅 就對和牛期望會高咗佢肉質就算林嘅 冇好乾 都仲有啲肉汁但成串唔知點解食唔到有味 我仲要第一樣就係食佢濕炒牛河 係夠濕 亦都冇話 落過多類似生粉 令到汁太杰牛肉好足 但偏太大片 肉質夠晒林 但肉味都係冇乜應該話成碟都好似冇乜味 又或者佢鍋氣嗰種 火羅 味好勁搞到食唔到其他味？ 有鍋氣味本身係件好事但當太強烈嘅時候就弄巧反絕泰式咸魚炒雜菜 哩碟又係有同樣嘅問題 鑊氣味太重係咁食到燶味 不過咸魚嘅味本身濃烈 就冇話得 火羅 味但食落口都係唔好受 食到尾仲發現中間夾住條硬孿毛髮即刻影響食慾冬蔭公湯 係唯一能挽救成餐嘅冬蔭公要嘅材料 同酸咸辣味平衡都做等啱啱好但由於唔係新鮮游水海鮮 就係差咗份鮮甜嘅味道不過就返價格離講佢係做到對得住個價錢嘅珍多冰 又係冇咗最底 啡色嗰pat醬嘅精髓不過我都淨係係一間好耐歷史但又可惜已經執咗嘅餐廳飲到過一次 就從此冇搵到過令一間 超好味珍多冰究竟哩pat謎之汁點解唔落嘅 係成本問題 定好難有貨呢🤔不過哩個汁係自己想會有嘅嘢離啫撇除咗自己嘅期望 杯珍多冰都合格嘅唔會太重椰汁味 又冇話溝到稀一稀冇味 亦都冇死甜綠色條條份量都足 唔會得幾條扮代表講真以自己終於入到離食嘅第一印象就唔好多過好嘅但又未至於勁差又或者好似平時其他餐廳咁 樣樣平平無奇咁起碼都有覺得好味嘅嘢
繼續閱讀
最近我去咗旺角呢間泰廚泰國菜館食飯🤩 環境真係好舒服，好有泰國feel，燈光柔和，坐得好舒服，啱晒同朋友傾計吹水🥰一入去就聞到陣陣香茅同椰奶嘅香味，已經開始流口水啦🤤首先，我哋叫咗個二人套餐😍半隻泰式海南雞🐔呢個海南雞真係不得了！雞皮滑溜溜，雞肉嫩滑多汁，仲有陣陣薑蔥味，簡直係人間美味😋點埋佢哋個醬汁，更加惹味💯泰式燒豬頸肉🐷燒到脆卜卜嘅豬頸肉，肉質彈牙，肥瘦適中，唔會太肥膩，食落去好滿足😋😋😋 配埋個酸酸甜甜嘅醬汁，一流👍🏻泰式奶茶☕正宗嘅泰式奶茶，茶味濃郁，奶味香滑，甜度適中，冰冰涼涼，好解渴🧊三色冰（馬蹄爽）🍧呢個三色冰真係好正！馬蹄爽好好咬，配埋椰奶同其他配料，口感豐富，甜而不膩，好消暑☀️馬拉盞炒通菜🥬呢個馬拉盞炒通菜好香口！馬拉盞嘅香味好突出，炒得夠火候，通菜爽脆，唔會太油膩🤤三絲撈檬🍜雞絲、蛋絲、札肉絲撈埋檬粉，酸酸甜甜，好開胃！份量都幾多，夠晒飽肚😋D24榴槤炸彈💣榴槤控必食！炸到金黃酥脆嘅榴槤，榴槤味濃郁，外脆內軟，簡直係榴槤嘅完美演繹🥰🥰🥰最後，緊係唔少得佢哋嘅「一蚊」系列啦！抵到喊呀😭一蚊泰式生蝦🦐鮮甜彈牙嘅生蝦，蘸埋佢哋個醬汁，簡直係人間極品！鮮味十足😋😋一蚊泰式椰汁糕🥥椰香味濃郁嘅椰汁糕，口感軟糯，甜度適中總括嚟講，呢間泰廚泰國菜館真係好正！食物質素高，價錢合理，環境舒服，服務態度又好！下次一定會再嚟🥰🥰🥰 強烈推薦俾大家！
繼續閱讀
[✨旺角泰廚泰國菜館 ]#旺角 #泰廚泰國菜館 #泰廚 #泰國菜🔸泰式孖寶A $198🔸海南雞(半）雞肉嫩滑，大大份超級抵食🔸明爐烏頭魚肉肉質好嫩滑，食落好有口感；泰式湯汁酸酸地好開胃，CP值好高！🔸泰式豬手（例）$79膠原滿滿嘅豬脾，烹得好軟嫩，豬脾愛好者不能錯過。🔸香葉辣椒肉碎炒飯 $69香香辣辣炒得惹味，夠晒火喉，水準極高，真心推介🔸馬拉盞炒通菜 $72新鮮惹味🔸凍泰奶 $18🔸青檸梳打 $26🔸椰青 $44正常發揮🔸泰式海蜇 $1🔸泰式生蝦 $1做緊推廣，滿指定消費就可以用一蚊優惠價加購小菜，味道亦無馬虎，好生鮮，分量又合理，CP值爆燈！————————♡♡♡♡♡♡————————✨總結一間喺旺角CP值好高嘅泰國菜🥰本身價錢都已經好抵食，再加上做緊一蚊優惠小菜，真係不能錯過！📍泰廚泰國菜館🏠旺角通菜街126號地舖
繼續閱讀
呢間🇹🇭舖頭已經開咗10幾年，專做街坊同埋寫字樓生意，餐廳主打大大份抵食泰國菜，叫左勁多野食都唔係好貴，而家仲有每滿$300 再加$1 可以有加配優惠，有4款食物可叫，旺角區嚟講算係抵食😋【🥘主食】 ✨泰式乾炒海鮮河 $79 👍🏻👍🏻👍🏻👍🏻河粉靭度啱啱好，海鮮有青口和魷魚，味道有驚喜 ✨ 青咖喱牛肉 $84 👍🏻👍🏻👍🏻👍🏻青咖喱汁甜而不辣，牛肉好嫩口，配埋蒜蓉包食perfect match ✨ 馬拉盞炒通菜 $72 👍🏻👍🏻👍🏻通菜爽口，唔會太咸，味道啱啱好【🍢小食】 ✨ 炸蝦餅 $89 👍🏻👍🏻👍🏻👍🏻蝦餅🦐炸到好脆口，但又唔油膩，扺讚 ✨ 蒜茸包 $42 👍🏻👍🏻👍🏻🧄🥖蒜蓉味好重，脆口 ✨ 燒豬頸肉 $80 👍🏻👍🏻👍🏻豬頸肉肉質鮮嫩，加埋個酸汁食，食指大動 ✨ 燒豬串 $18 👍🏻👍🏻👍🏻 ✨ 燒雞串 $18 👍🏻👍🏻👍🏻燒豬串🐷同燒雞串🐓火候啱啱好，咖哩汁好惹味【冷盤🥗】 ✨ 泰式木瓜沙律 (加$1叫)👍🏻👍🏻👍🏻呢兩個菜式都係滿$300 加$1就可以叫到！抵到！沙律個汁酸酸辣辣幾開胃✨ 泰式海蜇 (加$1叫) 👍🏻👍🏻👍🏻個汁係泰式生蝦個汁嘅味道，同海蜇出奇地夾【🍹飲品】 ✨ 椰青 $44 👍🏻👍🏻👍🏻👍🏻原個椰青大大個，好清甜 ✨ 青檸梳打 $26 👍🏻👍🏻👍🏻🍋🟩 青檸梳打透心涼，兼可以中和食物嘅鹹酸味👍🏻👍🏻👍🏻👍🏻👍🏻（最推薦）- 👎🏻（可以唔使試）
繼續閱讀