影片
港鐵旺角站 E2 出口, 步行約4分鐘
繼續閱讀
電話號碼
65758404
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
睇見食友嘅貼文，竟然唔使「一嚿水」就食到威靈頓牛柳，喺真唔喺呀？真喺好好奇咩質素喎！所以，都趁好耐未同夏總食過飯，就約佢出嚟聚一聚，兩個佬講下波經、又講下旅行嘢。「通菜街」（女人街）兩旁小販檔後就有好多餐廳，大多數都喺屬於小店形式經營，好似今次嚟到嘅「Luna Kaffe」鋪面唔大，但入面都幾深長，兩邊仿磚牆，天花掛上大大個波燈，裝修簡約。翻一翻餐牌，食物嘅選擇有漢堡、意大利麵、意大利飯、鐵板、沙律、咖喱同薄餅，所有主食已包括餐湯及餐飲，餐飲有升級優惠，又有加配小食優惠，而飲品方面，除咗基本嘅港式嘢飲之外，仲有幾款沙冰。食物嘅定價真喺好相宜吓，貫徹返通菜街喺走平民路線嘅聚腳點。是日餐湯是日餐湯喺蟹柳忌廉湯，客人可以加$20轉為酥皮湯，不過，我哋就簡簡單單飲返基本嘅餐湯就可以喇。質感較為挺身，忌廉味重，裡面有少少蟹柳，喺幾港式嘅做法。炭燒美國牛仔骨伴黑椒汁 $128鐵板餐有多種牛肉類嘅選擇，老友就話好少食牛仔骨，今晚一於試返吓。「鐵板」嚟到滋滋聲響，聽聲都感覺到熱力逼人，一客有兩大件牛仔骨，非常夠份量，仲配咗好幾類型蔬菜，並伴上惹味嘅黑椒汁。佢就話啲牛仔骨好有肉味，而且比預期軟腍好食，百零蚊真喺抵食。威靈頓牛柳 $98小弟所揀嘅威靈頓牛柳都算貨真價實，大大件厚切包上酥皮焗，雖然酥皮跟牛柳之間無話塗上層松露、鵝肝醬嘅配料，但咁嘅價錢，都絕對喺超晒值，皆因酥皮焗得酥脆，富牛油香，而牛柳選5成熟，落刀已感受到件牛柳幾夠腍，切開一睇色澤呈上粉嫩色，卻半點血水都無，做得啱啱好 ，而且口感確喺嫩滑，極富肉香。目測所見，基本上差唔多枱枱都有點。炸薯條 +$15兩份鐵板餐只會配少少蔬菜，所以，我哋就加配一份炸薯條，一來有啲澱粉質落肚，二來過下口癮。薯條新鮮炸起，好夠香脆，又一啲都唔油。Yellow Pine +$15、凍檸茶見轉為特飲加錢都唔喺貴，加上呢一款「Yellow Pine」即喺菠蘿沙冰，一向都好鍾意啲菠蘿系特飲，加上食鐵板搵杯沙冰襯一襯就最好不過。杯菠蘿沙冰打得都算幼細，入口夠晒冰涼，充滿菠蘿香味，絕對飲得過。焦糖燉蛋 +28餐廳所提供嘅甜品就喺只有呢款，初時諗住加28蚊應該都唔會好大份，嚟到真喺有啲驚喜，如果出面散點一客40、50蚊走唔甩。面層嘅焦糖做得焦脆，而下面嘅燉蛋做得滑身，又富蛋香，可以講為今餐飯劃上完美句號。旺角一向喺年青人嘅集中地，所以，好多時餐廳定價都比較相宜少少，而呢度做嘅鐵板餐有質素 ，但收費唔高，絕對喺中正年青人嘅需要；加上我覺得服務又唔錯，如果唔喺都唔會咁爆場啦，所以，有心嚟食嘅朋友最好訂定位先。
繼續閱讀
呢間餐廳新開嘅！都幾有人氣！公眾假期嚟食都差唔多坐滿☺️幾有氣氛！套餐湯: 蟹柳忌廉湯, 夠熱夠濃厚。超水準！威靈頓牛柳(-5成):。這道精緻的牛肉菜品,酥皮好香，而且酥皮與牛肉之間亦都有濃郁嘅菇醬。在烹調過程中,牛肉保持了極佳的嫩度和多汁的口感。內裡仍然維持著鮮紅的嫩色,散發出濃郁的牛肉香氣。平民價食到高級嘅享受。紐西蘭穀飼肉眼伴燒汁(-5成):肉眼唔會好多根好軟腍腍，肉質細膩鮮甜,佐以香醇醬汁沒有蓋過牛肉味！脆炸軟殼蟹:外皮酥脆,內裡鮮嫩多汁,蟹肉鮮甜。估唔到軟殼蟹都可以咁甜🤪🤪🤪入邊好似仲有啲蟹膏好鮮甜黃金蝦多士(2件):金黃酥脆的麵包,上面鋪滿鮮美多汁的蝦肉！簡直係心機菜式！檸檬茶(熱):清新酸甜,令人提神醒腦。
繼續閱讀
去旺角睇完平版電腦，又到左晚飯時間，就行入女人街睇下有咩好食，行過見到呢間餐廳menu上個威靈頓牛柳好平，就入去試下。鐵板威靈頓牛柳$98以鐵板上枱，熱辣辣，叫左五成熟，入口好juicy，牛味又夠濃😋😋仲要個酥皮勁鬆化，以$98 黎講呢個質素非常之高👍👍👍👍配菜有粟米，車里茄同西蘭花。炭燒慢煮豬肋骨伴BBQ汁$98豬肋骨整得好入味，配菜同樣係粟米，車里茄，西蘭花，呢個價錢冇得輸。仲包左飲品同餐湯，外邊呢個價錢一定做唔到。另外加左$15要左個薯條，同芝士煙肉焗薯皮$38(有兩舊），薯條熱辣辣，焗薯皮入面仲保留到濕潤，唔會乾，加埋煙肉食，perfect match😍😍🤤🤤兩杯餐飲都加左$15 upgrade 要mocktail，兩杯都好解渴，好適合夏天飲，Yakult同Fruit Punch🙊🙊最後加$28要埋個焦糖燉蛋，面個層焦糖焗得好脆身，蛋香味夠，仲要係好滑身，以呢個好味的焦糖燉蛋甜品為呢餐飯畫上一個完美句號。🤩🤩
繼續閱讀
Luna Kaffe （14/5/2024）今天同朋友去旺角行街睇戲，到食晚飯時就係附近搵吓嘢食，我朋友喜歡食西式料理，佢話附近有間好食又抵食嘅西式餐廳，這間餐廳叫Luna Kaffe，位於旺角通菜街25號地舖，旺角地鐵站E2出口，行幾分鐘就到，非常方便。Luna Kaffe 門外招牌有個好光小月亮，令人一眼就望見這間餐廳，餐廳內空間都好寬敞，亦裝修得好靚好整潔，四周都有大波吊燈，採光度十足，座位都坐得令人舒服，餐廳員工亦有禮貌，服務態度好，來這裏食都唔錯。餐牌都有很多種食品選擇，有鐵板、漢堡、沙律、咖喱、薄餅、粉飯、飲品，我朋友最喜歡食鐵板食品，食品都正有牛柳、牛仔骨、牛舌、豬肉眼、豬肋骨、雞扒，仲有餐湯同飲品一齊食，還有可以加配小食，包括有甜品，而這間餐廳都有特別飲品，是無酒精雞尾酒，睇餐牌相都見到好靚，價錢又唔貴，有藍黃紅白嘅顏色，同朋友嚟傾偈聚會好啱。我哋就叫咗鐵板嘅炭燒美國牛仔骨伴黑椒汁及紐西蘭豬肉眼伴黃金菠蘿，亦加配小食黃金蝦多士，同埋甜品焦糖燉蛋，飲品就選咗檸蜜和利賓納。首先上枱係熱辣辣嘅餐湯，忌廉蘑菇湯味道好香濃，湯嘅濃調度適中，飲起來令口感好清新，真係好味好飲，跟住來是小食黃金蝦多士，塊多士都好大塊，食落口非常鬆脆，又唔油膩，連埋啲沙律菜食非常好味，飲品檸蜜和利賓納亦來，兩杯飲品都少甜好飲，尤其是檸蜜解油膩一流，好配合吃西餐。鐵板炭燒美國牛仔骨伴黑椒汁，份量都唔少，未落枱已經聞到香噴噴味道，牛仔骨肉質夠晒鮮嫩，好有牛肉味，亦囗感一流，搭配上香辣惹味黑椒汁，更是美味無比，加埋有爽滑嘅粟米粒、青甜嘅青瓜片、酸甜嘅蕃茄仔，每一樣夾埋來食味道都不同，而紐西蘭豬肉眼伴黃金菠蘿，真係沒想過豬肉眼能夠做得這麼好吃，完全好有香肉味，而且肉質幾淋滑，唔會食到囗乾，最關鍵係黃金菠蘿同醬汁配搭得非常好，一齊食好好食，最後吃埋甜品焦糖燉蛋，有香脆的焦糖糖衣，配上軟滑不太甜嘅燉蛋，真係軟滑可口香脆，令人回味無窮。這間西式餐廳好值得推薦俾大家，食得好滋味又好抵食，價錢又唔貴，我哋下次都會再來食其他嘅食品同飲品。
繼續閱讀
臨去旺角之前見到ins follow緊嘅foodie介紹咗旺角呢間新開嘅餐廳居然有$98嘅威靈頓牛扒,要知道beef wellington普遍出面餐廳嘅價錢起碼$300up，主要係因為烹調做法工序繁複，呢個$98真係要過去試下咩味道🫥—————————————————————📍 Luna Kaffe地址: 旺角通菜街25號地舖✍🏻/食評/◍ 威靈頓牛柳 $98叫咗5成熟，本身酥皮就會焗住牛柳，切出黎其實已經係7成，牛柳好厚肉，夠重牛味，不過放咗十幾廿分鐘左右就開始冇咁嫩，基本上一上檯要儘快食用，呢個價錢性價比還可以一試。◍紐西蘭肉眼 $148肉眼扒比較薄身，juicy多d，配燒汁幾搭，冇咩肥膏位連帶少少筋，肉質都唔錯。◍牛肉餅&焦糖燉蛋+$28 x2 跟餐+$28，即叫即炸牛肉餅，熱辣辣上檯好酥脆；焦糖燉蛋可以後上，燉蛋蛋身口感嫩滑，加埋上面焦糖脆脆真係好夾！◍益力多沙冰好大杯，口感好綿滑～～都重益力多味，啱晒而家嘅天氣！
繼續閱讀