159
46
46
| 餐廳: | MoMo Café |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
MoMo Café全天候營業，供應國際自選佳餚和自助餐。
繼續閱讀
營業時間
今日營業
06:30 - 22:00
星期一至日
06:30 - 22:00
公眾假期
06:30 - 22:00
以上資料只供參考, 請與餐廳確認詳情
有關獎賞計劃
相關文章
一月之星生日飯，即係me~相約去食Buffet，上網見KKday有個優惠買一送一優惠，平均每人HKD473起，即吸引了~Thanks Yan請客>3<~!MoMo Café，之前食過西環果間，今次係石門，甚少踏足只去過一次，但原來個路線都幾易搵呢。海中寶•春日薈萃自助餐，用餐時段: 18:00-21:30。餐廳面積頗大，裝潢感覺柔和，但坐位就唔太舒適，張椅較細又冇位擺袋，木枱亦冇餐墊，刀叉係個木盒到自己拎，感覺好hea。冷盤。即開生蠔。刺身。龍蝦。片皮鴨。熱盤。鴨肝。甜品。雪糕。有啤酒啤啤佢。刺身，味道正常水準。即開生蠔，當然係最多人排隊，一次限拎兩隻，偏瘦，口感爽脆，海水味重比較鹹味。龍蝦，尚算厚肉，肉質爽口味道鮮甜。片皮鴨，鴨味道普通，皮唔算脆，當過下口癮。田雞，好少食，見到有就試下，肉味甜夠滑。長腳蟹，尚算多肉，味道較鹹。麵包蟹，好多蟹膏。香煎鴨肝，香口油潤。羊鞍，少許羶味幾香口。清蒸沙巴龍躉，魚肉滑又鮮味，不俗。沙律及冰鎮鮑魚爽彈。桃膠茨實燉羊肚耳湯，飲啖湯水，好足料。生滾花膠觸粥，海鮮材料十足。有個少驚喜，送上的生日蛋糕~Thanks大家>3<~!甜品，唔太多選擇，心太內餡唔夠流心，其他味道正常。MÖVENPICK雪糕，必食。食物正常水準，尚算幾抵食，開心係大家濟濟一堂聚餐。
繼續閱讀
-MoMo Café from 𝐂𝐨𝐮𝐫𝐭𝐲𝐚𝐫𝐝 𝐛𝐲 𝐌𝐚𝐫𝐫𝐢𝐨𝐭𝐭 🍄隨著野菌同松露季節既來臨 位於沙田萬怡酒店2樓既MoMo Café最近推出性價比高「野菌與可可盛宴自助餐」運用當季美食 — 推出一系列以野菌同松露入饌既美食並輔以濃郁芝士🧀 + 鹹香火腿🍖 + 甜美朱古力🍫而家係KKday 買周末自助餐仲帶買一送一 人均$287！🥗 前菜冷盤沙律有唔少加入野菌既款式 - 包括辣味雞脾菇＋味噌蘑菇＋烤大蘑菇火箭菜巴馬臣芝士沙律 ＋ 鹹香艾文頓芝士金門火腿冷盤方面有多款火腿＋肥美挪威煙三文魚同壽司可以揀芝士方面就有艾曼塔芝士＋藍芝士＋金文畢芝士去配搭麵包醃漬前菜都幾唔錯 特別係味付墨魚仔＋麻辣青口 另外仲有四喜烤麩同中華沙律可以揀🦪 海鮮區回本既部分 - 任食即開生蠔同長腳蟹 都係新鮮而且海水味重 另外仲有海螺＋蜆同青口刺身方面個人比較中意鮮甜紅蝦同帶子而三文魚＋吞拿魚同油甘魚都係厚切肥美 🧀 芝士料理黎到今次自助餐既主題之一 - 芝士噴泉同原個巴馬臣芝士撈米仔粉；朱古力噴泉就見得多 芝士噴泉就第一次試 當晚有蘑菇 / 粟米脆片 / 炸雞同麵包可以吉住黎淋上芝士 建議拎到就快快番埋位食；而米仔粉係廚師現場炮製 淋上黑松露油 成個味道都非常濃郁creamy； 🥩 烤肉 / 燒烤區烤肉方面 - 有燒澳洲穀飼西冷牛扒同慢煮西班牙杜洛克豬柳燒烤方面 - 有金門火腿及菠蘿 /醬燒豚肉等等🍜 熱葷區選擇都係好國際化 除左有即製湯麵料理同小炒之外 亦有東南亞 / 西式等美食即製湯麵料理 - 有清雞湯 / 新加坡喇沙湯 /田 越式牛肉湯底中式小炒 - 松露汁燴牛肋肉 / 清蒸沙巴龍躉 / 菌皇醬香茄子等等西式美食 - 蒜片巴馬火腿煎盲糟魚柳 / 燒雞扒配牛肝菌忌廉汁 /欖角骨同雜菌芝士汁香草肉丸等等湯品方面 - 個人幾中意燉三鮮素湯 入面有姬松茸＋舞茸同羊肚菌 飲落非常清甜暖胃除此之外 西式湯有椰菜花湯 / 中式湯就有紅蘿蔔粟米馬蹄煲豬骨湯 都係好足料的 粥品 - 平時好少可會係自助餐食粥 但見佢寫住係沙田馳名雞粥又有廚師推薦就試下 果然！冇令人失望 - 食得出係幾足料 好多雞肉的🍫 甜品區呢度既甜品零食真係應有盡有 淨係西式糕點都已經超過十幾款+ 🍮 朱古力麵包布甸係今次既Highlight - 濃郁微甜 外皮酥脆內裏濕潤鬆軟＋🍫 朱古力款式仲有香蕉朱古力慕絲蛋糕 / 歌劇院蛋糕 / 紅酒朱古力果凍 / 朱古力泡芙球 / 黑森林蛋糕等等＋🧇 其他糕點 - 藍莓芝士蛋糕 / 意大利芝士餅 / 青檸芝士餅 / 即烘窩夫配movenpick雪糕 /葡撻 / 椰撻等等＋🥧 中式糕點 - 椰汁桃膠糕 / 山楂桃膠糕 / 酥皮卷 / 芝麻炸脆奶（個人很推薦） / 豆腐花 / 杞子紅糖燉雪梨雪耳糖水等等＋🍬 夾糖 - 估唔到仲會有白兔糖任夾
繼續閱讀
見咁多網上好評，話哩間buffet 有生蠔任食，我網上預先買飛，有discount，兩個大人去大約200幾蚊一位，lunch buffet性價比算好高。去到見座位寬闊，場地好大，有好多梳化位， 五六個friends 都有半圓形大梳化位坐， 又有多張大枱，合家庭眾會。我哋weekdays去，坐得好鬆動，二人可坐四人枱，樓底高，空間感十足。出去拎食物見到生蠔位置(每次每人限拎兩隻) 長期keep住有四五個人排隊， 生蠔新鮮，雖然不是大隻，但以呢個價錢，這水準算十分合理， 另外其他熟食正常發揮，冇話大驚喜，但種類繁多，我哋12月頭去充滿聖誕氣氛，當月特別推介係巴馬臣芝士配黑松露油米仔粉，芝士味道稍微不夠濃。甜品bar係工作人員應客人要求遂件夾畀你，咁樣安排反而更好，夠整齊清潔，另外有豆腐花，糖水，麵包布甸，M字頭雪糕 等等，食咗兩個多小時，飽到不得了，有機會下次會再嚟。
繼續閱讀
每逢KKday 出優惠買一送一我家一行十幾人都會去Momo Cafe by Countryard Marriot 大吃一餐因為以三百幾蚊可以食到自助餐同有生蠔🦪龍蝦任食的確係非常抵食呀⋯⋯這是我第三次去這處食自助餐。雖然始終熟食方面係一般菜式，如燒生牛肉，原蛊燉湯、白切雞，原條石班魚和麵檔同埋有個Corner 位主攻燒物同西湯選擇。 前菜方面都有沙律🥗生果、同埋有幾款芝士和煙火腿既。 今次另我眼前一亮係沙田雞粥夠火喉入味⋯⋯蒸龍蝦🦞係熱辣辣的同有三款唔同醬汁配搭。首選汁像芝士松露汁非常出色😋刺身方面都選擇多除一般必有的三文魚、八爪魚🐙吞拿魚外^佢地仲有生蝦油甘魚同我不停encore 嘅鮮甜帶子剌身不過今次有點失色係生蠔🦪不夠肥美所以我只排左兩轉咋😞海鮮方面都有蝦、長腳蟹同軟殼蟹🦀蛋糕方面亦都不算多款式但個椰奶芝麻奶凍又喜出望外喎⋯⋯唔太甜有qq 感佢哋都有萄tart 椰tart 同窩夫🧇配埋四款味道揀嘅movenpick 雪糕🍧唔想食太凍嘅甜品佢地都有豆腐花或雪耳桃膠選擇🔹如果可以再keep warm D仲好🔹總括而言-熟食味道款式係一般的。但如果喜歡海鮮剌身類嘅話真係一陣唔錯嘅自助餐
繼續閱讀
喺石門嘅萬怡酒店 全新推出「野菌與可可盛宴自助餐」✨兩樣都係我超愛嘅野 即刻試試‼️.〰️前菜冷盤〰️沙律加入野菌 分別有辣味雞脾菇, 味噌蘑菇, 烤大蘑菇火箭菜巴馬臣芝士🍄🟫仲有鹹香艾文頓芝士金門火腿沙律🥗Cold Cut有多款火腿, 醃漬前菜同超肥美挪威煙三文魚🥓壽司同日式前菜種類豐富🍙.〰️海鮮〰️最正一定係即開生蠔🦪海螺好高質 勁厚肉鮮甜🐚另外仲有青口, 蝦, 蜆, 刺身🦐厚切三文魚吞拿魚甘香肥美 鯛魚八爪魚好鮮甜🐙🍣 .〰️現場炮製〰️推介廚師即煮嘅原個巴馬臣芝士撈米仔粉🧀再刨上黑松露片 濃香creamy 超正啊🩶仲有燒烤區同中式粉麵檔🍢🍜燒菠蘿酸甜多汁🍍醬燒豚肉爽彈嫩滑🐷.〰️肉類〰️肉肉控必食即切烤肉🍖有澳洲穀飼西冷牛扒同西班牙豬鞍扒🥩熟食區嘅松露汁燴牛肋肉, 牛肝菌忌廉汁烤雞扒, 欖角骨同雜菌芝士汁香草肉丸都好唔錯🐮🐔🐷🧆 .〰️熱葷〰️菜式夠晒國際化 除咗中式小炒同點心🥧仲有西式同印度美食🇮🇳三鮮炒銀針粉同蕃茄燴雜菜有驚喜💞唔少得中西湯, 餐包同熱糖水🍲🍞.〰️甜品〰️過十款中西式糕點賣相精緻🧁大推朱古力麵包布甸 濃郁甘甜 酥脆鬆軟🍞🍮可可控必試 歌劇院蛋糕, 紅酒朱古力果凍, 香橙榛子朱古力撻🍫藍莓芝士餅同芝麻糕都值得一試啊👅即烘窩夫配上無限任食movenpick雪糕 冇得輸🧇🍦另外仲有中式酥皮卷, 葡撻, 炸鮮奶, 豆腐花🥧連夾糖都有添🍬.想了解更多詳細食評可以到我社交平台/OpenRice查閱🔍
繼續閱讀
您可能會有興趣的...