影片
開飯介紹
裝修走日系簡約風。提供和洋定食，烹調方式從簡。部分蛋奶素菜式更可轉為全素 。另外主打Impossible™ Meat植物牛肉漢堡包，店舖希望未曾或較少接觸素食的人也可一嚐素食滋味。
繼續閱讀
附加資料
午市只接受Walk In， 晚市接受訂枱
營業時間
今日營業
12:00 - 22:00
星期一至日
12:00 - 22:00
*Last Call at 9pm
以上資料只供參考, 請與餐廳確認詳情
相關文章
素年-福華街是一家的素食店。他們的菜單種類繁多，讓人有很多選擇。店內的裝潢簡約清新。我首先點了他們的素年經典不可能芝士漢堡。這個漢堡的芝士非常濃郁，麵包鬆軟，青瓜和沙律菜新鮮爽脆。漢堡扒肉的味道很像真的肉，而且煎得微焦，整體口感層次豐富。另一個主食是黑松露炸蝦帶子意大利飯，帶子有咬口真身是雞脾菇，而飯的黑松露的味道十分濃郁配有洋蔥增加咬口。不同野菌的加入意大利飯增加層次感，而炸蝦則外脆內軟，內裡搭配腐皮更加香口。我還追加了一份沙律，醋味不錯，備有半份的牛油果，而炒過的芝麻讓整個沙律更加香口。在飲品方面，我點了冬日戀人，這是一款以藍莓、士多啤梨和燕麥奶為主要成分的飲品。奶味濃郁，藍莓的甜味和士多啤梨的鮮美相互融合，一點也不酸。另外，他們還有一款排毒抗氧化特飲，使用奇異果、富士蘋果、羽衣甘藍和燕麥奶混合而成。奶味濃郁，富士蘋果和奇異果的清新感覺相互輝映，非常清爽。最後，我品嚐了他們的日本南高梅柚子青提慕絲蛋糕。這個蛋糕有著檸檬柚子般清新的慕絲味道，而南高梅和提子一酸一甜，清新易入口。鬆軟度恰到好處，慕絲綿軟，給人一種輕盈的口感，沒有罪惡感。
繼續閱讀
本身唔係食開素，但喺朋友推薦下就嚟食下依間素食cafe。小店晚市時段人流滿滿，冇訂位見有d人要等好耐。菜品比較簡單，但全部都圖文並茂。跟餐嘢食可以揀配一杯熱嘅玄米茶唔使加錢，玄米茶好香，感覺都幾高質。黑松露炸蝦帶子意大利飯 ($128)素食嚟講做得幾出色。帶子係啲菇菌類，整到連個口感、味道都好似食緊真嘅一樣，尤其係個煎嘅帶子皮，帶點咸香又有少少脆，好有驚喜。炸蝦都好好食，個脆皮應該係腐皮整，外脆内軟。見隔離枱有拎d芝士粉，我哋又貪得意拎一份，原來係d nuts碎，倒落意大利飯又幾夾。自家製茼蒿青醬意大利粉 ($88)個意粉感覺係走健康路線，唔係好咸。可以落啲檸檬汁調味。配料以菇菌同茼蒿為主。黃薑焗福花配自家製乳酪 ($58)見個名幾特別就叫咗，福花其實係椰菜花，但感覺偏咸。自家製乳酪唔係好夠。佢仲落咗少少藍莓，個組合幾特別。最出色嘅可以話係個甜品日本南高梅柚子青提慕絲蛋糕 ($68)第一次食純素蛋糕，佢少咗cream嘅肥膩感，食落清新自然冇冇乜負擔。青提同埋蛋糕入邊嘅柚子都好清甜，非常好食。糖漬檸檬伯爵茶杏仁撻 ($58)成個甜品好balance，因為有糖漬同埋檸檬，食落感覺酸酸甜甜，伯爵茶味道好出。甜品太好食，下次嚟要再食吓唔同款式。
繼續閱讀
🧑🏻🍳 呢間日式素食餐廳已經回頭過好多次，餐廳有幾間分店，日式簡約嘅設計，每間分店嘅Menu都唔同，我最鍾意係福華街呢一間嘅Menu! —————————————————————🍴 日式稻庭烏冬定食 ($108) 每次你都都一定會叫呢個定食，看似普通，但係好豐富，每一碟嘅小食都好好食，尤其是芋球，香脆可口，湯烏冬非常適合秋冬天食🍜😋 美味指數: 8.5/10—————————————————————🍴 泰式炸蝦香辣肉碎大利粉 ($128) 炸蝦嘅形狀，但入邊係素嘅春卷，少少辣嘅味道昇華，鍾意泰式風味嘅朋友一定唔可以錯過🍤😋 美味指數: 7.5/10—————————————————————🍴 番薯條配自家製黑松露蛋黃醬 ($68) 番薯條外脆內軟，炸皮唔會好厚，而入邊係真材實料嘅薯仔，配上超級多嘅黑松露蛋黃醬🍟😋 美味指數: 8/10—————————————————————🍴 Lotus焦糖脆餅朱古力蛋糕 ($58) 朱古力味香濃，蛋糕嘅濕度啱啱好，唔會太乾，亦都唔會淋🍫😋 美味指數: 7/10—————————————————————🍴 排毒抗氧化特飲($50) 用奇異果、富士蘋果、羽衣甘藍嘅燕麥奶，好香好清新嘅感覺🧃😋 美味指數: 7/10
繼續閱讀
近日和朋友食了好幾餐生日飯，食得太豐富，今日下午就決定食番個素食午餐，食品除賣相吸引，味道都非常好，而且又健康！✨生酮士多啤梨牛油果沙律✨除咗有好新鮮沙律菜，還有西蘭花、 牛油果、野菌、果仁和士多啤梨等好豐富，加上自家制的生酮藍莓椰油黑醋醬，味道好特別好好味👍✨泰式香辣肉碎意大利粉✨裡面有新豬肉、蘆荀、茄子、車厘茄及芫茜，新豬肉感覺和普通豬肉好相似，泰式煮法，酸酸辣辣好開胃😋✨黃金炸蝦✨炸蝦外表脆脆，裡面係蔬菜做成，口感和味道唔錯！賣相都好相似！免疫力增強特飲和冬日戀人，都係用生果及燕麥制成，尤其特飲用咗香蕉、火龍果、燕麥奶制成，好香嘅香蕉味，好好飲🥰
繼續閱讀
去完深水埗素年本店， 個肉醬意粉等成半個鐘， 啲茄汁好似茶餐廳feel，濕糴糴勁難食! 夠膽死收$98! 杯熱情果梳打難飲過街上茶飲店嗰啲 ，竟然收$42! 全部仲要另加一! 兩樣嘢比起附近茶記質素更差，但貴2-3倍！ 喺深水埗咁多嘢食嘅地方，入去呢間食完全係因為諗住會坐得好啲，點知畀個勁迫嘅路口位我，見住廚房同樓面不斷喺度吹水嘈冤巴閉， 所以先漏單＆咁耐上餐囉! 成個餐廳啲枱迫到爆，又混亂! 以前去過深水埗另一間店，嗰間坐得舒服啲 burger好食啲，但甜品撻就硬過石頭，雖然都係over priced! 其實呢間素年都唔知係咪同某啲記者有乜嘢關係，成日吹到好食， 事實上係非常一般， 而且咁嘅價錢喺深水埗咁多新cafe嘅地方，大把更好嘅選擇! 今次之後我唔會再食呢間嘢! 😡 利申： 本人經常試近年深水埗區新開之打卡cafe，好食或有特色嘅，貴啲都無所謂，但呢間完全唔掂！👎🏻
繼續閱讀