影片
港鐵深水埗站 B2 出口, 步行約3分鐘
繼續閱讀
電話號碼
91752930
營業時間
今日營業
10:00 - 19:30
星期一至三
10:00 - 19:30
星期四
全日休息
星期五至日
10:00 - 19:30
以上資料只供參考, 請與餐廳確認詳情
食家推介
深水埗向來多特色小店，特別係好多打卡cafe😆不過近排開咗間以健康為主嘅外賣小店，專賣三文治同便當🍱配搭健康又外表精緻😍都係時候去清清腸胃😇🍳秘制日式蛋沙律青瓜三文治 ($29)完全係比佢外表吸引而叫🤣🤣色澤鮮艷嘅溏心蛋被大量蛋沙律包住，再有兩塊鬆軟嘅厚方包夾住😋青瓜中和咗蛋沙律嘅膩，好清新🥒而個溏心蛋真係好正，半熟勁流心又夠入味🤤🤤為整個三文治大大加分👍🏻🍱蒲燒鰻魚糖心蛋紅米飯($72)同樣係好吸睛嘅便當，蒲燒饅魚大大塊，勁厚身😍食落啖啖肉，甜甜嘅鰻魚好撈飯😋飯係紅米飯，口感唔錯，唔會太硬或者太淋😁再加隻溏心蛋，成件事好完滿🥰🥰
繼續閱讀
好多人都有睇海賊王，有睇嘅人都認識山治，知道山治既都會覺得佢係一個好叻既廚師，咁如果有人夠膽用哩嗰名去作為鋪頭名，咁佢一定係對自己嘅厨藝好有信心。我就係因為咁，入左黎呢間小店去試下。 🍖佢地其中一個主打就係三文治，山治哩嗰名，其實係咪因為三文治呢？唔理點都好，我覺得都係有山治既級數。我揀左份量最大嘅糖心蛋加蛋沙律青瓜三文治。又係引用蔡瀾嘅名句嘅時候。要知道一個廚師手藝好唔好，比個雞蛋佢做個菜就知道。哩嗰菜仲犀利，有兩種蛋料理同時出現，沙律蛋同青瓜當然係相當配合，但同糖心蛋亦都完全無違和感。沙律醬撈埋啲碎蛋，突出左雞蛋既香，我係喺夜晚大概7點幾到店，好多店舖賣既沙律哩個時候都會變得好唔新鮮，因為已經有早上放到晚間，但係無論沙律定係青瓜，呢度都比我好 Refreshing既感覺，相信係有order先新鮮撈，新鮮切，而糖心蛋非常柔軟，柔軟程度甚至可以媲美外層嘅方包。流出嘅蛋醬，又昇華左沙律嘅美味。三文治份量大，但係因為以上元素，要食曬佢根本毫無難度。 🍖另外我點左慢煮雞胸紅米飯配椰菜，三樣野本身都非常健康，我唔做gym都知。我覺得做得非常成功，普通外賣飯盒最驚就係倒汗水，就算本來幾好味，返到屋企啲水連埋啲汁，同埋食材本身滲出黎嘅水份，不單只影響個 Presentation，連埋啲飯都會變得好林。紅米本身比較硬身，加上雞胸同椰菜本身唔會太多水份，而且雞肉本身已經醃好，唔駛靠汁醬，所以返到屋企依然美味。最重要係雞胸，佢係用慢煮嘅方法，所以一啲都唔係鞋。而且調味相當合適，少少孜然味加胡椒，味道已經非常豐富。 ✨️小店舖仔細細，但好有誠意，好配合佢身處嘅深水埗，我由港鐵站行到店鋪，都感覺到個一份純樸素同人情味。食過佢嘅嘢食，感覺到佢嘅真誠，唔似連鎖大集團只係為左賺你嘅錢，隨便填飽你個肚。小區就係需要呢種人情味嘅店鋪，希望多啲街坊可以去支持。
繼續閱讀
🐽 🥪 Hearty bounty takeaway sandwiches and bentos shop 輕巧美味有心思三文治便當小店，香茜厚蛋餐肉治充滿蛋汁，檸檬手撕雞自家醬汁惹味10個讚!If you love sandwiches like I do, don’t miss this shop. Smoothly fried eggs with freshly sliced crunchy cilantros, and thick panfried luncheon meat, in-between soft crustless sandwich breads. Simple, yet perfect! The signature hand-shredded chicken is superb. They mixed the chicken with lemon sauce, cilantro, garlic, green onions and red chillies. It’s very zesty and flavourful, with a refreshing spicy kick. Love this sauce so much and it goes so well with the red and white rice.
繼續閱讀
清新健康性價比高的小店！ Pignic is in Shen shui po!! 🇭🇰深水埗的確有好多特色嘅小店，又有好多選擇，不必一定要光顧連鎖店！😏小店以外賣為主，連結各大外賣平台，所以足不出戶家住九龍一帶叫外賣🥡食山治非常方便！😙今次我點了蒲燒鰻魚糖心蛋紅米飯 (HKD72) 加香荽厚蛋餐肉三文治🥪 (HKD32)！ 😋蒲燒饅魚有兩大塊， 大件厚肉，底下有紅米飯，非常健康又有口感， 加左隻靚靚溏心蛋(⁎⁍̴̛ᴗ⁍̴̛⁎)紅米飯是好東西！ 因為它有豐富的膳食纖維、又可以對抗自由基抗老，而且控制血糖，所以食碳水都可以食得健康一點！ 是低卡之選！☺️至於香荽厚蛋餐肉三文治🥪 ， 真的如相中一樣好厚切，厚蛋與芫荽混合好香，推薦給芫荽愛好者🥰😛😛🤭 可能有些人見到三文治會擔心吃不飽，但是這款三文治材料好豐富， 小編食完就前往對面馬路的健身房做運動🏋🏻🤣#留港消費#深水埗好去處#深水埗探店#深水埗美食#深水埗三文治#山治#深水埗小店#深水埗外賣#深水埗好西#hkig#hkfoodie#hkfoodblogger
繼續閱讀
都市人飲食習慣多肉少菜，長年累月容易產生各種疾病。今次黎到深水埗，同大家介紹既系一間主打三文治同健康餐盒既素食友善小店 一 山治 @pignic.hk 🌟重量級原隻溏心蛋日式蛋沙律青瓜三文治 $37麵包有厚度之餘，內餡有蛋沙律、青瓜、溏心蛋，滿滿既蛋白質，健康之餘仲好有飽足感🌟惹味檸檬手撕雞紅米飯 $58主餐選用富含膳食纖維既紅米，而主菜既手撕雞肉嫩滑，配埋芫茜、蒜、檸檬汁、辣椒、醬汁調味，整體味道酸酸辣辣，最岩依d悶熱既天氣📍Pignic 山治地址：深水埗大埔道75號威信大廈地下2號舖#深水埗 #山治 #素食 #純素 #三文治 #健康餐 #素食者 #蛋奶素 #支持小店 #健康餐盒 #增肌減脂 #覓食深水埗 #素食友善 #香港素食 #惹味檸檬手撕雞紅米飯 #重量級原隻溏心蛋日式蛋沙律青瓜三文治#ʜᴋɪɢ #ʜᴋɪɢᴇʀ #ᴘɪɢɴɪᴄ #ʜᴏɴɢᴋᴏɴɢꜰᴏᴏɪᴇ
繼續閱讀