影片
港鐵灣仔站 B2 出口
繼續閱讀
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
想食好D又唔想等位就去左QRE（感覺食貴野啦）朋友介紹呢間日本野，上到去先知道好似轉左手，不過去到都照食啦！見到個餐排猶疑左好耐唔知揀咩好！因為又貴又唔抵，不過都明嘅！我朋友就揀左角切魚生丼成$190，仲要加10%， 我 就揀左海鮮刺身沙律餐，盛謂$180+10%，份量唔多架，食物質量還可以，但又未去到好想番去會味個種
繼續閱讀
去左幾次，次次都點唔同既午市定食。而家好少魚生多過返既餐廳，質素仲要幾好添。推薦北海丼同蔥花吞拿魚海膽飯！新鮮甜美，唔會切得太薄而食唔出味。啲海膽都好大方，份量都有大半格。而個set有跟湯、日式蒸蛋、沙拉同野飲。除左魚生飯外，鰻魚飯都值得嘗試。餐廳服務員態度幾好，有禮貌。環境幾舒服，唔會太逼，不過午市就會比較嘈啲。前菜上得快，唔需要等太耐，但係主菜就會比較需要等耐啲，尤其係熟食。適合同朋友同事慢慢食，唔好有食快餐既心態。
繼續閱讀
同事升職梗係要出去慶祝一下啦，同事提意去灣仔QRE Plaza 28樓木槇料理。今日中午12點左右去到，中午有午市套餐，餐牌有不同款式的定食，都算幾多選擇，大家齊齊食個比較豪華嘅午餐。本人就叫左一個北海丼，裡面有海膽、牡丹蝦、中鮪魚腩、松葉蟹肉、帆立貝、赤身、甘油魚等⋯$280，仲有味噌湯(唔太喊)、和風沙律(D菜都好新鮮）、蒸蛋(D蛋未食見到都已經覺得好滑）。另朋友就叫咗個木槇刺身壽司定食$368，呢個擺設好靓，份量適中，好啱女仔食😉😉
繼續閱讀
新加坡同事黎香港出差..作為小薯嘅我是時候提議食咩...醒起朋友同我介紹過木槙話食物夠新鮮提議一致通過!! 12:30到QRE樓下都已經排哂隊..等左大概四部電梯..終於入到喇~~我地被安排嘅位置被冷氣機吹到正..員工都好醒咁將個葉向上移一坐低我地又諗左好耐~~同事想黎啲單點所以就問員工拎menu, 呢頭個員工拎完個menu令一個員工立即問我地要落咩..我地話唔好意思我地要再睇下先...當時店員個表情立即不滿左一下..其實全間店除左疑似經理嘅男店員同門口帶位個姐姐係有笑容同服務殷勤之外..其他姐姐都....😅最終我地全部都選擇同一個餐 - 北海丼總共有10款刺身..滿足哂我地咩都想試嘅心理同事另外點左個枝豆枝豆好快就到左, 顏色翠綠上面怖滿幼鹽..粒粒飽滿~~等左大概十分鐘我地個餐黎喇!!先由沙律開始, 沙律菜好新鮮,套餐落沙律醋而唔係麻醬可以增加胃口終於開始刺身飯..的確新鮮..醋飯同外間食到嘅唔同..原來係赤醋飯刺身新鮮到根本唔多需要醬油同Wasabi..當魚生掂到吞頭個一下..個種新鮮感完全令我好想日本人咁驚呼一聲ehhhhhhhhhhh平時唔多食蝦頭嘅我..見到同事食所以都作出嘗試..O MY!!!點解連個蝦頭啲膏都咁鮮其實食完個飯都已經好飽再加上之前對茶碗蒸有恐懼因為曾經試過係別家餐廳食到一個好苦嘅茶碗蒸..但同事異口同聲個蒸蛋好好食~~一試之下..的確唔錯!淡淡鰹魚高湯香味~材料充足又滑再望下個麵豉湯同樣足料,油揚,紅蘿蔔,海帶~但真係飽到飲唔哂但甜品係另一個胃...可惜甜品選擇並唔多..同事問雪糕有咩口味, 店員告知只有黑芝麻同綠茶我為免店員等得太耐,所以就同佢講唔該. 我地再諗諗先...點知又係換黎一下不滿表情...可能呢個表情係佢地餐廳文化🤔最後餐飲要左杯凍柚子蜜劃上句號~是日午餐大滿足! 最緊要係同事們都好滿意
繼續閱讀
我們一行四人星期天晚上6:30試($388+加一)半放題餐、但只有19款壽司及手卷供選擇、食品質量一般、等了很久才出單及很多款也冇……環境燈光較暗下差不多幾次睡著了……冇下次
繼續閱讀