影片
營業時間
今日營業
12:00 - 15:45
17:00 - 22:00
星期一至日
12:00 - 15:45
17:00 - 22:00
公眾假期
12:00 - 15:45
17:00 - 22:00
公眾假期前夕
12:00 - 15:45
17:00 - 22:00
以上資料只供參考, 請與餐廳確認詳情
呢排熱辣辣無咩胃口好想食啲刺激嘅嘢🌤️呢間新開嘅冒菜就啱晒我胃口🤪 又唔同款式嘅湯底同埋好正宗嘅川式配料🏮食落真係好嘢味好過癮❤️ 仲有幾款唔辣嘅湯底啱晒比較喜歡清淡既朋友試下添⭐️ 生椰蕃茄湯吉祥套餐 🍅先介紹濃郁嘅蕃茄湯配上淡淡嘅椰子香🥥配搭神奇地配合好有特色🩵 配料方面試左特色嘅牛黃喉同埋丁家脆哨🥓 黃喉夠爽脆🫀脆哨好似豬油渣咁溶喺湯度有獨特嘅香氣好邪惡呀😈⭐️ 黃金酸菜湯吉祥套餐 💛呢款湯底好有酸菜嘅香氣🥬濃厚但係唔會太重口味👍🏻試咗魚腐同埋潮汕特色嘅牛肉丸同墨魚丸🐮 果然有口感同埋淡淡鮮味🥰 魚腐同冰豆腐索曬湯汁真係好正😝一定要試冒喜秘製醬汁有啲似炸醬嘅感覺超惹味🥩⭐️ 涼拌麻辣蓮藕片 🫚⭐️ 涼拌酸辣土豆絲 🥔鍾意食辣嘅就推薦試埋佢既小食🌶️ 蓮藕片同埋土豆絲都好爽口👍🏻 辣度唔好太重口味岩岩好⭐️ 酸梅青檸烏龍茶 🍋🟩⭐️ 洛神花山楂蘋果 🍎兩款飲品都好清甜🌼解渴度一流 山楂同酸梅提升咗酸度令甜味更有層次🍇
繼續閱讀
呢排天氣好熱，成日都冇咩胃口，行下行下見到一間招牌設計好特別嘅舖頭於是行過去睇下。原來係食川菜的車仔車仔麵，叫做冒喜。而家普通一般牛腩麵都成$35蚊至$40，佢個吉祥套餐有六款食材都係$54，咁特別於是就入去試一試。於是同朋友叫了2碗六餸車仔麵（吉祥套餐）。第一碗叫咗有潮汕手打牛肉丸，墨魚丸，貴州丁家脆哨，冰豆腐，鮮冬菇，雲耳，特濃清雞湯配米線。牛肉丸真係手打牛肉丸，食到爽滑彈牙，墨魚丸好有咬口，嗰個貴州丁家脆哨好似豬油渣咁，浸落d湯度食好脆口。由於個店員話手打牛丸好正於是我都叫了手打牛丸，墨魚丸，丁家脆哨另外加牛肉，萵筍，雲耳呢，次我就要咗個養生白胡椒湯配番薯粉，食完個白胡椒湯底麵成個人熱晒，白胡椒湯底有料度，過番薯粉又煙韌彈牙，牛肉同萵筍加埋雲耳配白胡椒湯都好好食呀。另外又叫咗兩個特色小食，分別係秘製藤椒魚皮（$48）及紅油涼拌豬肚（$36）。魚皮本身就好彈牙，撈埋啲藤椒汁去食好惹味，好食到停唔到口，至於個涼拌豬肚都唔錯。另外都跟過套餐另外再叫兩杯特色凍飲（+$12），分別係洛神花山楂蘋果及酸梅青檸烏龍茶，因為川菜啲嘢本身都辣辣地飲返呢兩個特色飲品解辣當場精神晒。 量杯特色飲品都唔係酸酸甜甜但又唔係太甜，可以幫手解油膩，十分推薦。
繼續閱讀
平時會食唔同類型既中菜，冒菜就真係第一次試😂 其實有啲似打邊爐🍲，只不過唔係一路食一路滾滾下，而係逐碗煮好比你～ 呢道既湯膽係以豬骨🍖、鮮雞🐥、赤肉、白胡椒⚪️等香料熬6個鐘而成，跟住再隨著湯底口味既不同再煮，感覺惹味鮮甜有層次😜 今次試左紅磡既總店，擴充完有30個位，有中式既雕空木門，亦有寫左字既竹篩，連碗上面都有青花圖案，感覺幾有風味，野食都唔錯👍🏻(5 😍 係滿分，🤩係半分）吉祥套餐 (6款食材) - $54 (好味指數：😍😍😍😍)貴州臭豆豉辣湯 🌶️🥣食得麻辣燙就想試下辣湯底🌶️🥣，但小編又唔係好食得辣🌶️，店員話呢個已經係咁多個辣湯🌶️🥣裡面相對唔辣🌶️既，所以就試下😜 臭豆豉係貴州既特產，大豆經過發酵之後會有一股獨特既氣味，用嚟煮湯底就更加有風味，配埋川菜🌶️香料就更加特別～鮮茄濃湯 🍅🥣個番茄湯🍅🥣比前一般既番茄湯🍅🥣濃稠同埋香濃，酸酸甜甜咁，又幾芳香既番茄味🍅，配埋本身真材實料熬成既湯膽就更加惹味開胃，唔會好油膩，又可以提鮮其他食材既味道～潮汕手搥牛肉丸 🐮🟤 所謂既手搥就係用鐵棍敲打牛肉🐮，將纖維分解，因為過程入面沒有機械摩擦同無產生熱力，所以保留到最佳既風味🤩 食落鮮甜，彈牙爆汁，牛味香濃，真係幾唔錯～潮汕蒜香墨魚丸 🧄🦑⚪️ 佢地用左新鮮既原隻墨魚🦑打成漿再整成墨魚丸🦑⚪️ 味道鮮甜，又有啲墨魚粒粒，彈牙爽口，另外仲有惹味既蒜蓉🧄，感覺更加香口😜貴州丁家脆哨 🔥🐷佢地用左肥肉比較多既豬肉🐷，跟住切成肉丁，再放入去豬油🐷炸🔥，同時加埋醬油提香同埋甜酒釀上色，炸到啡色就搞掂～ 因為炸既時候去緊啲油，肉又吸收左油香，所以味道豐腴又酥脆，令整體香口啲～蟹籽蟹粉丸 🟠🦀蟹粉丸🟠係由墨魚同魷魚肉🦑製成既，裡面再包左鮮黃色既蟹籽🟡，入口味道鮮味香甜，蟹籽🟡脆卜卜，鮮味濃郁又juicy，幾好食😋胡椒豬肚 🐷 特登切到細細粒咁方便入口同唔會韌，質感爽口彈牙，而且因為煮既時候落左胡椒⚫️，微微既辣味可以癖腥同提鮮，有幾香既肉味🐷美國肥牛 🇺🇸🐮今年既美國肥牛🇺🇸🐮唔會好似坊間嗰啲咁肥，肥瘦適中，口感柔嫩軟滑，有幾肥美既油香，牛味🐮幾香濃，同時索埋湯底🥣既精華就更加香口同好食😋五花腩排 🐷豬腩排係喺中後段既幾條排骨🍖，位於腹脇部，係五花肉🐷之間既骨頭🦴，因爲痴住五花肉🐷，所以油花豐富，肉味濃郁，口感軟嫩juicy但不失咬口，同時索埋湯底🥣既精華就更加香口同好食😋冰豆腐 🧊冰豆腐🧊又叫做蜂巢🐝豆腐，原理係將啲豆腐雪到變冰🧊，跟住再解凍，當冰🧊融左之後會連埋豆腐裡面既水分留出黎，豆腐就會有唔同大細既氣孔，豆味香濃啲之餘，亦可以索多好多湯汁同精華幾正🤤白蘿蔔片⚪️🥕白蘿蔔片⚪️🥕切既大細啱啱好，質感爽口，味道清甜多汁，亦都幾索味～土豆粉 🥔🍜個土豆粉係半透明既，軟糯再帶啲煙韌，難得既係幾掛湯🥣同索味洛神花山楂蘋果 🌺🔴🍎 - $12 (好味指數：😍😍😍😍)洛神花🌺可以抗氧化同幫助消化，而山楂有豐富既維他命C，又可以降血脂，加上兩樣料都酸酸甜甜咁，連埋芳香既蘋果🍎，就更加清新又可以解油膩，加上食完辣野🌶️之後配杯凍冰冰🧊既野飲真係正～酸梅青檸烏龍茶 🍋🟩☕️ - $12 (好味指數：😍😍😍😍)酸梅同青檸🍋🟩呢個配搭幾特別，酸梅味道混合左甜酸鹹，配埋清新既青檸🍋🟩同甘香既烏龍茶☕️，感覺酸爽，加上凍冰冰🧊咁就更加消暑解渴，又可以清熱解毒😜好味指數：😍😍😍😍推介指數：😍😍😍😍
繼續閱讀
每隔一排就會好想食川菜，難得呢間喺紅磡嘅小店前少少時間重新裝修，擴充大咗個舖位，有成30個堂食位，亦都改良咗啲食物，款式多咗，質素都進步咗🥳宜家唔使買完就要外賣拎走搵地方食，方便咗好多👍🏻👍🏻1️⃣ 吉祥套餐 - 貴州臭豆豉辣湯🌶️🌶️包6個餸食到飽一飽😌～ 湯底揀咗貴州臭豆豉辣湯，完全冇臭味，反而係有淡淡嘅豆豉香🤩另外怕自己唔食得太辣所以就揀咗微辣，主食就配咗番薯粉，配菜方面揀咗常見個啲外，仲揀咗佢哋嘅特色精選”貴州丁家脆哨”🤘🏻 聽個名好得意，上網睇原來係貴州傳戶曉嘅美食靈魂，你又點會估到呢粒細細粒嘅哨子竟然可以炮製到香鹹脆於一身，宜家係冒喜都試到啦😋2️⃣ 吉祥套餐 - 秘製香辣湯🌶️第二碗湯底就揀咗秘製香辣湯，仲要額外多蔥多蒜多芝麻😚除咗常見嘅配菜之外，仲揀咗潮州手搥牛肉丸同潮汕蒜香墨魚丸🫶🏻 牛肉丸彈牙又ᴊᴜɪᴄʏ，墨魚丸吸收晒湯底嘅味道香味撲鼻😝 另外都加配咗佢哋嘅秘製醬汁，所以主食就揀咗白飯，咁啲餸就可以蘸住秘製醬汁配飯食了🤣3️⃣ 紅油涼拌豬肚🐖豬肚份量唔少～無腥亦都冇異味😌 嫩滑又好食😍4️⃣ 洛神花山楂蘋果🍎好耐冇飲過有洛神花嘅飲品🤣 加埋一齊酸酸甜甜，又開胃，食完紅油咁多嘅野食最啱用嚟解辣降脂😚5️⃣ 酸梅青檸烏龍茶🍋中意比較酸味嘅就要揀呢個啦🤣 酸梅加青檸夠哂爽，加上烏龍茶底，入口甘亦不澀，解膩一流🫶🏻
繼續閱讀
冒喜地址：紅磡蕪湖街83號Y83 G05A號舖以四川菜為主既餐廳，市面上唔係好多，依間冒喜有幾間分店。以我所知屯門同紅磡都有。眾所周知四川菜既菜式比較以辣為主，所以我湯底就揀咗佢地既招牌秘製香辣湯！試過真係返唔到轉頭😋😍好濃好香夠晒辣！成碗麵既靈魂就係湯底，有一個咁正既湯底，成碗麵昇華咗好多！如果鍾意食辣既朋友，一定要黎試吓依間餐廳既秘製香辣湯。其他食物都好好食！好香辣好過癮，食到停唔到口呀😊紅油涼拌豬肚 $36涼拌麻辣蓮藕片 $28吉祥套餐-王中王火腿腸-芝士腸-鵪鶉蛋-滑牛肉-娃娃菜-鮮茄濃湯吉祥套餐-魚腐-潮汕手搥牛肉丸-墨魚丸-胡椒豬肚-秘製香辣湯
繼續閱讀