影片
營業時間
今日營業
07:30 - 20:30
星期一至日
07:30 - 20:30
以上資料只供參考, 請與餐廳確認詳情
-
網上訂座服務暫停
昨晚幫襯完，今早再看一看評論，見到裏面好多不實嘅負評，所以我都忍唔住要寫一寫。昨晚幫親戚慶祝生日，我哋叫了乳豬，叫了兩隻松葉蟹及其他小菜，乳豬放喺燒熱石卵上面，保持乳豬上枱時依然熱辣辣，非常有心思，乳豬皮脆肉嫩，無可挑剔。松葉蟹叫了兩隻，兩隻都好新鮮好甜。服務都很好。我不明白為何有很多負評，又說服務差又說食物係垃圾，我覺得呢類不實嘅負評，會害死間酒樓。我覺得對做生意嘅人一啲都不公平。所以我才寫出我的感覺。
繼續閱讀
未裝修前，都一直同家人放假黎呢度飲茶，服務態度一直都好差😓味道又不是好😩點心種類又很少🥹而相熟ge 男經理同女待應雙繼無做之後亦少左黎😭😭今日有朋自遠方來，我到了燒味部諗住買隻燒鵝，同一隻切雞😎😎以往的經驗去燒味部買野多數失敗告終。。今次都一樣😔😔同以往一樣我個口對住個窗叫野，廚房肥師傅唔應我。再大聲d 都唔應。。望都唔望我😨😨我再問係米係度叫野食。。佢終於開金口應我話：係。。。甘我好自然就同佢叫多一次野，心諗：佢終於應機啦😂😂叫完之後佢又唔應我。。。再叫。。都係唔應。😡😡之後佢話你唔見我忙緊ka?我話甘我轉頭先黎啦😖😖過左10分鐘，行返過去，同佢講野，佢望一望我之後講都話無甘快lo..😤😤之後我決定唔再等佢。。。去左紅磡另一地方買。決定永遠都唔會再黎龍閣😡😡😡😡大家對時間耐都唔同定義。。。燒味部已經唔係第一次扮聽唔到，態度又差。。。次次買野都要睇佢地面色做人，次次都買唔到。。。唔知以為我黎乞野食。。😡😡
繼續閱讀
龍閣新裝修後光猛了很多，但唔知點解成個地下都係大大舊塵，第一次係咁，隔幾個禮拜都一樣。大佬你門面既衛生咁差係想趕客走？ 冇員工需要負責？食物就一般，珍珠雞冇肉餡只有幾條瑤柱絲，收特點。 燒賣就街邊既好食d. 唯一沙律明蝦角叫好食d.主要想講佢衛生唔得。
繼續閱讀
睇留言見到好多負評都想喺度俾返啲意見，所以食之前都有少少猶豫，但係食完又覺得OK喎，好食又抵食！首先嗌咗個濃湯胡椒花膠雞煲，佢唔係清燉湯，但係都好飲夠熱！之後嗌咗個上湯西澳龍蝦伊麵，龍蝦肉新鮮，唔會過火，上湯味度好濃！睇顏色就知，我一直以為自己食緊芝士🤣🤣🤣之後半隻燒鵝，聽講係好多人嗌，的確係肉質嫩滑，皮薄香脆！先$128‼️‼️‼️‼️之後就到呢碟碧綠炒龍躉球，個人認為火候夠！西蘭花好食過條魚🤣🤣🤣明顯睇到人手不足，但係都幾有禮貌服務都OK 😉會再回頭食！❤️❤️❤️
繼續閱讀
一早打電話去訂位，當中有四位老人家，訂咗晚上7:30 ，當中有四位老人家，佢哋晚上7:25去到，同佢哋講訂咗陳小姐六位7:30 ，喺門口嘅員工話已經有人到咗，俾咗枱號佢哋自己行入去，但係佢哋行咗幾個圈都搵唔到，行返出去問過員工（女士）。之後個女士先問佢：訂座電話號碼！之後就話佢哋俾咗原先嗰張枱另一班人，因為佢以為另一班人係我哋。（即係訂咗枱嘅人）之後幾個老人家反而要喺出邊等，因為後生嘅要泊車，收到老人家嘅電話之後，亦喺7:35講到，大家喺門口等，老人家話個女士話俾另一張枱我哋，我企咗喺門口一陣，完全冇人理我哋， 5分鐘之後有個女人行出嚟，完全冇禮貌，我問佢點解我訂咗枱但係張枱會俾咗人？佢話因為唔知嗰班人係冇訂枱，我問佢訂枱係咪要對電話？如果訂咗枱都冇枱嘅話我訂嚟做乜？成班老人家喺門口咁樣等食飯？之後去態度非常之差，完全冇歉意，話佢而家執緊張枱俾我，但個張枱其實係四人嘅卡位，之後再加一張摺檯博長，再加兩張凳，變成一張六人嘅卡位，非常之醜樣，亦都好細，再加埋咁樣嘅服務態度，我即時搵個第二間，喺我搵緊嘅時候，佢仲好冇禮貌咁問，張枱你要唔要？我未見過一個咁冇禮貌嘅員工，仲要係第一個接待客人嘅人，自己做錯嘢，一句道歉嘅說話都冇，仲好似自己大晒咁，我比多幾倍嘅價錢喺酒店食，完全冇問題，要我接受咁樣嘅服務態度，食咗都背脊骨落。好彩同其他朋友講起嘅時候，喺嗰度住嘅朋友都同我講呢間嘢唔單止唔服務態度唔好，啲嘢食仲好差，今次係第一次訂，食唔到好彩食到一間更好嘅，而且原來呢間並唔好食（聽朋友講），更加冇蝕底，以後絕無下次！
繼續閱讀