影片
開飯介紹
麻辣雞煲是人氣之選，用料足、味偏濃。另外，手打墨魚滑是較受食客歡迎的火鍋配料。
繼續閱讀
獎項殊榮
最優秀開飯火鍋店 (2015)
附加資料
滿10位才可以訂座
營業時間
今日營業
16:30 - 02:30
星期一至日
16:30 - 02:30
以上資料只供參考, 請與餐廳確認詳情
黎到荃灣 一講起雞煲應該唔洗多介紹一定係一品👍🏻大大話話叫間野都真係叫由細食到大🤣先黎個麻辣雞煲（小辣）我鐘意佢個汁唔會好油個種同埋麻辣個隻味真係令人上癮😍叫左碟安格斯牛肉質唔錯 煮耐小小都唔會韌 同埋肉味都濃牛栢葉同水魷係火鍋配料必點既好鐘意牛栢葉索左啲湯汁然係好爽口既感覺如果唔係有同我爭 可能我食左兩碟🤣🤣水魷都係鐘意爽口感 所以佢地係絕配😆水餃雲吞都好新鮮皮薄咸靚，雲吞都幾大粒，啖啖鮮蝦肉最後緊係要介紹佢地杯特大檸檬茶包你成晚都唔頸渴呀😆😆
繼續閱讀
😋雞煲：香麻濃郁、間唔中都想番食嘅雞煲。味道濃郁，可選唔同辣度同麻度。柱侯醬味道較重。😞雞件：切得又細又碎又多骨，食落唔係好滑嘅感覺。打邊爐材料：😋 極尚牛肉嫩滑油香好味。❌ 牛丸、蝦丸、墨丸類全部麻麻。食得出唔係自製，同埋有陣梳打粉味。環境：★★☆☆☆ 食物：★★★★☆ 推介度：★★★★☆
繼續閱讀
話說屋企人今日返香港，諗住出去食下飯，一坐低叫咗嘢食，隔咗幾分鐘前張枱嗰幾個女仔已經話叫職員捉曱甴，咁我話曬都幫襯咗8年，暫時未遇到呢啲情況！點知唔走就係惡夢會開始開始，一開頭都好地地大家有講有笑，食物亦都冇問題，食埋食去都係嗰幾樣，平時我哋唔會叫蔬菜，因為老人家想食，今日就叫咗一碟油麥菜！跟住食到差唔多飽，最後仲有半碟，屋企人話錄埋佢食埋，咁我就叫咗兩個打包盒加個袋，諗住仲有好多丸，食唔曬打包返去，啲菜熟咗夾上嚟，屋企人就見到有三份一隻唔知乜嘢網狀嘅突咗出嚟，即時掉喺骨碟，我拎隻骨點嚟睇夾塊網狀嘅出嚟睇，越睇越似一隻翼，咁我即時通知職員過嚟睇下，佢問我咁而家點係咪想取消碟菜？一句道歉都冇！我即是話差你個幾十蚊咩，我要嘅係態度！你有一句唔好意思我都算喇！之後我話我打包盒取消佢，佢拎住個盒反問我個盒都要取消呀？我話隻翼落去煮完你估我仲會打包咩？谷鬼氣即時埋單走人！！有圖有真相！
繼續閱讀
📍一品雞煲火鍋 (荃灣)荃灣眾安街55號大鴻輝(荃灣)中心地庫2樓✨金蠔雞煲 金蠔肉質豐厚 帶陣陣天然甘甜味雞煲香味濃郁 雞肉鮮嫩多汁✨水魷要喺雞煲未滾之前加入雞煲內吸盡湯汁 非常惹味 食到停唔到口✨桂花蚌拼珊瑚蚌 帶鮮味 爽口彈牙✨響鈴 唔夠脆✨雲吞拼韭菜餃 韭菜餃有啲失敗滾兩滾就爛晒✨大凍檸茶雞煲味道一如以往有水準 兩個人食呢度埋單$8xx 價錢越來越貴啦整體用餐體驗✨味道(4/5）✨環境(3/5)✨服務(3/5)
✨抵食(1/5)
繼續閱讀
一品雞煲，食咗好多年，唔知係咪市面上而家有更多嘅選擇，覺得冇咁好食，加上味道好似同之前有分別，味道冇咁濃郁，火鍋質素亦都冇咁好了，價錢相對貴，但如果喺附近經過都係會去食的！未食過嘅人都可以去試吓！相信你哋第一次食唔會去到失望的！
繼續閱讀
您可能會有興趣的...