影片
港鐵荔枝角站 C 出口, 步行約3分鐘
繼續閱讀
營業時間
星期一至日
18:00 - 23:00
以上資料只供參考, 請與餐廳確認詳情
上次嚟到荔枝角廠廈內美食廣場嘅Pati by Lassana食晏，見依度晚市有個乜乜乜火鍋加蒸氣鍋任食，你知啦，依家出面有唔少蒸氣鍋，但間間都食海鮮、火鍋靚料，咁身邊總有啲朋友喺想慳慳哋，$138咁嘅價錢喺咪好有吸引力呢？是夜，就約咗啲美孚街坊好友嚟試，初時嚟到「雙囍鍋」門口（即喺美食廣場嘅門口），真喺睇佢唔出有做晚市架，因為門口「黑掹掹」，好似閂晒門咁。門口個易拉架標明星期一至四任飲任食2.5小時都喺$138 + 10%，9:00pm後仲只收$128 + 10%；而星期五至日及公眾假期，都只喺貴少少，收$148 + 10%，9:00pm後則收$138 + 10%。由於個場都嚟過，所以，大概都知喺點，雖然喺美食廣場，但勝在地方幾闊落，環境乾淨企理。4人枱佔多數，配梳化椅，廣場尾邊位亦設有幾張大圓枱，適合6、8、12人，故此，人多人少嚟都無問題。枱上有兩張落單紙，灰色嗰張喺任食火鍋，而另一張紅色喺散叫，眼見嚟嘅絕大部份客都喺選前者。而任食火鍋方面，2-5位揀一個雙囍鍋，6位以上就揀兩個，何謂「雙囍鍋」？上文都提過，就喺蒸氣鍋加火鍋，蒸氣鍋鍋底則有6款，而火鍋湯底有5款，如想食得刺激啲，可加錢升級為麻辣雞煲、水煮牛肉煲……等等。有咩食就唔多講，睇睇點菜紙及相片就一目了然，不過，要補充幾句，就喺大部份食物可晌出面食物區自由取用，小弟就幾鍾意依類形式，要多要少隨己意，又可以睇過先拎，唔使成日追依樣追嗰樣。試過一次最勞氣，填嘅嘢食數量一樣，乜丸物丸就一大盤，啲肥牛、鮮魷就好似限量配給咁！另外一類如肉類、脆肉鯇就要剔點菜紙，一份份咁上，都嚟得幾齊，無甩漏。整體你見唔會有咩好貴價嘅食材，但勝在選擇唔少，百零蚊唔做洗，唔使切，食完走得，都好划算啦。飲品此外，飲品反而有啲驚喜，雖然啤酒欠奉，反正小弟唔好酒，但選擇喺比出面大部份嘅任飲火鍋多，仲要喺韓國嘅樂天系及本土嘅道地系，當然仲有例牌嘅幾款汽水啦！小弟前前後後都試咗幾款新嘢，道地嘅黑糖薑茶，黑糖味唔喺好強，但夠晒薑；樂天嘅蘆薈飲品幾好喎，而另一款Cider有啲似忌廉。另一邊廂仲有啲熱菜蜜，好讓唔飲得汽水、凍飲嘅客人。所以，依樣就啱晒我老婆喇。手拍青瓜落單後等個鍋要一段時間，通常啲鍋嚟到，又要滾一段時間，所以，最好有啲嘢咬吓。晌醬料區側，有啲手拍青瓜，做得夠爽脆喎，又帶點辣！碗仔翅、春卷、咖喱角個鍋仲未滾起，口痕食多半碗仔碗仔翅，足料味道又唔差。友人拎咗啲春卷及咖喱角，預埋我一份，當然又俾面試吓，唔太油，夠脆口，都收貨啦。不過，既然店家喺做京川滬料理，就不如多三幾款京川滬小食，有多少少賣點，好過啲炸春卷及咖喱角啦！皮蛋芫荽湯底、明目圓肉杞子味蒸汽鍋底湯底到，雙囍鍋就喺一邊邊爐鍋，一邊蒸汽鍋，但老實講，蒸汽鍋又唔會有好強烈嘅氣味，但不妨滔少少當湯飲，味道不俗。雖然我哋無淥粉麵，但相信以圓肉杞子蒸汽鍋做湯底應該幾有特色，而打完邊爐個湯底淥粉麵，好味就好味喇，但比較濁同燥。反而，更想試吓加啲米落蒸汽鍋煮成粥，效果唔知會唔會更加特別啲！火鍋食材我哋食足兩個半鐘，實在食咗唔少嘢，小弟就唔慢慢逐樣寫，可以睇相了解吓我哋食咗乜，當中特別嘅，或好食嘅，就多寫幾段同大家分享吓！整體嚟講，質素唔錯，雖然無咩貴價食材及海鮮料，但以百零蚊任飲任食嘅價錢，又可以打邊爐，又可以食蒸鍋，其實好划算。今晚，我哋都試咗用好多食材以蒸汽鍋處理，務求食得原汁原味，好似啲肥牛、羊肉片、脆肉鯇、九肚魚、本地滑牛……等等，蒸出嚟感到鮮味啲，肉味重啲。啲阿姐算幾醒目，不時為我哋加湯，而加湯真喺加「上湯」，唔喺斟啲水了事，誠意十足。除咗以上見到嘅火鍋料之外，仲有啲額外付費嘅「蒸」選推介，包括黑松露小籠包、愛爾蘭蟶子、越南野生虎蝦、大連半殼扇貝及阿根廷刀貝蜆，全部均一價$10隻，實在抵試，我哋就試咗其中3樣：蟶子、虎蝦及扇貝。等咗好耐，卒之出場，一大盤擺好晒咁多樣嘢，非常有睇頭。3樣海鮮尺寸都頗巨型，絕無欺場！愛爾蘭蟶子 $10 / 隻好期待嘅蟶子，店長建議蒸1.5分鐘就喺最好，不過說是遲那時快，轉眼兩分鐘，哈哈，我哋蒸過籠添，入口有啲韌；不過，較大問題喺入口有沙，已反映咗俾店長知，佢哋話養足水，所以，我覺得要轉轉啲來貨供應。越南野生虎蝦 $10 / 隻賣$10隻真喺好抵食，幾大隻，幾有睇頭。蒸兩、三分鐘見佢轉晒色就差不多，入口好爽，而且頗鮮甜。大連半殼扇貝 $10 / 隻貝類我哋就蒸熟少少，以防萬一，估唔到質素唔錯，一樣爽口又鮮味。不過，可以晌個牌仔度加上建議蒸煮參考時間，唔使啲客下下問店員，同埋，有啲店員又未必清楚。雀巢雪糕、雪條打完邊爐有啲雪糕、雪條食都唔錯吖，可以涼快吓吖嘛，又唔喺幾百蚊嘅自助餐，唔使下下名牌嘅，我哋細細個年代都喺食雀巢、雪山、甄沾記大。不過，兩者都只得朱古力味，有多幾隻味就梗喺好啲啦！此外，打邊爐比較燥，貪心啲如果加插啲中式滋潤糖水，如雪耳木瓜，就可能成為加分位喇。依個年代，鋪租貴、人工貴、食材貴，唔使洗，又唔使切，更唔使收拾，百零蚊任飲任食，食材質素唔差嘅話，你仲想點？成日聽到啲人投訴依間嘢貴，嗰間啲嘢唔抵食，自己返去煮好過，老實講，咁有「煮」見，真喺應該返屋企煮而唔好再出街食囉！
繼續閱讀
第一次來雙囍鍋, 見到話可以又蒸海鮮又打邊爐, 價錢仲要平, $148加一, 可以由6PM食到去9PM, 所以就試下啦.環境就普通, 叫叫乾淨企理, 放食物既地方又有人睇住, 吾會亂七八糟. 而且坐位空間比較大, 唔會好嘈傾吾到計.基本上種類到叫多, 好多丸類, 腸仔, 菜, 較特別既係, 雞子, 鵝腸, 基本上同一般街坊酒樓任食一樣, 係自助既.另外牛肉, 羊肉, 魚片, 魚腩, 水餃, 雲吞係要每次落ORDER既.原本以為會有海鮮, 原來海鮮係要另計, 試左2隻蟶子同吾知咩貝. 每隻10蚊. 價錢係超平, 所以質素到係超低.蟶子有沙同有雪味, 個兩隻咩貝一隻蒸完開左, 但係入面冇左半粒肉(太奇怪唔敢食), 另一隻蒸足2個鐘到冇打開(更加唔敢食).但係食到一半時, 發現廚房放左兩碟蜆出來, 我去到時只剩得6隻.之後就望實個個位, 一見佢出蜆就出去夾. 第2次成功夾到12隻.蒸海鮮就只有蜆係免費限量提供. 大家要食就要睇住個廚房位.至於飲品到係自取任飲既, 主要係韓國牌子既果汁, 烏龍茶, 薑茶, 及一般汽水.另外仲有小量熟食, 咖哩魚旦豬皮, 炸春卷, 咖哩角, 碗仔翅, 雞翼.仲有雀巢既雪糕到係任食.總結: 食物質素唔係叫好好, 不過不失, 不過飲品(不是大陸品牌飲品)仲又有雪糕同小食供應.即時加分, 如果下次想任食打邊爐, 係會再來既.
繼續閱讀
太嬲無影相！！因為女朋友媽媽生日，聽講佢想食我上次話好食既蒸氣鍋，所以就算打電話訂位個陣佢話加價加到148加一（佢話新年後會減番，但我唔多信），我都係照去，點知會搞到咁失望...首先去到既環境都幾同上次冇咩分別，食物枱都係幾整齊，但睇一睇，點解d蜆會變到咁細隻既？根本唔係蜆，係海沙白，大蜆街巿一斤60蚊到，尼隻就20蚊，有冇搞很錯！！！基本上因為咁，已經冇咩心機再食，加左價仲要換d垃圾料，有冇咁黑心？最重點係！因為女友媽媽同姐姐都因為番工所以要遲d到，咁入席之前就問左肥老闆我地可唔可以遲d先散席，佢話基本上冇客任你食到幾點都得，所以我地大概七點三四入到去，女友媽媽都成七點九先到，女友姐姐大概八點先到，食到大概九點半，佢已經即刻催我地走，但其實佢地得番兩三枱客，成場有廿張枱到！說好的任你食尼？咁你趕一次都算，佢地過一陣又趕，仲要係幾個伙計一齊黎趕，仲有幾個係遠距離指手劃腳，個樣係勁黑人憎個種覺得阻佢收工，但明明岩岩先有一枱入左，我地走左佢都有排未走你洗唔洗死老豆咁樣？（因為佢係分時段入：1800-2000；2000-1000大概係咁）總之，一間餐廳甘樣諗縮数，唔會再幫襯！
繼續閱讀
前排流行蒸氣石鍋，試過幾次之後又再貪新鮮想試新野，最近上網見到介紹荔枝角有一間新食店，可以同時食蒸氣鍋同火鍋，覺得好特別，就同朋友黎試下啦。舖頭位於荔枝角地鐵站C出口，行過去5分鐘都唔洗，其實佢果到日頭係food court 黎既，有唔同既食店，夜晚就只係做蒸氣火鍋。星期日晚上8點左右到達，無訂檯都仲有位，仲可以食2個半鐘，真係開心。火鍋同蒸氣鍋湯底各有6款，蒸氣鍋既湯底我地揀左桂花，而火鍋就揀左沙嗲湯，沙爹湯底都幾有沙嗲味，但係蒸氣鍋果邊就無咩桂花味，似係用水蒸多D。呢到大部分食品都係以自助形式取用，但係部分食品好似水餃，肥牛等等就要落Order。食物質素唔錯，都很新鮮。雞翼同冬菇清蒸會比用湯煮好味，因為咁樣先至夠原汁原味，粟米蒸起之後都格外清甜。至於其他料好似魚蛋，水餃呀等等，就梗係用湯煮會好D啦。水餃皮薄陷靚，丸仲有好多款，包括醬爆丸，真係好開心呀。除左呢D普通既火鍋料之後，仲有蜆食添，D蜆唔係成日有，一個鐘先出一至兩次，清蒸蜆很鮮味多汁仲好重海水味，令人食到停唔到口。呢到既食物refill 都幾快，不過就完全見唔到有麵類既食物，服務質素仲好高，收碗碟既速度真係快得驚人，值得一讚。食完之後再歎返杯雪榚，好滿足。
繼續閱讀
近日雜誌介紹荔枝角有一新食店，可以食同時食蒸汽鍋及火鍋雙併，於是訂位一試。店舖藏身於荔枝角工業區，晚上食店門外街道較黑及清靜，沒有太多行人。晚上6:30左右到達已經有很多人。食店日間為Food Court，賣中西日式快餐，晚上只有蒸汽鍋及火鍋供應。基本上如晚上6:00入坐，可以食到晚上8:45。蒸汽鍋及火鍋為一鍋兩吃，一邊鍋食傳統火鍋，另一邊食蒸汽鍋。火鍋湯底有6款，蒸汽鍋有另外6款湯可以選擇。當晚選了沙爹湯底火鍋及桂花味蒸汽鍋，沙爹湯底OK，但蒸汽鍋沒有什麼桂花味。大部分食品為自助方式取用，有30多款。部分食品如鯇魚片、水餃、肥牛要填食品單。食物質素唔錯，都很新鮮。個人認為肥牛、雞翼、雞子清蒸很鮮味，原汁原味，可以自行加入椒絲蒸提升味道，粟米十分清甜。與火鍋部分比較，有不同的口感。蜆為限時供應食品，每一小時供應一次，只有一湯碗份量，行慢一步就冇得食。清蒸蜆很鮮味及多汁。烏冬及公仔麵放於自助區隱藏位置，要問職員才可以取用。服務質素都滿意，可以一試。
繼續閱讀