影片
以上資料只供參考, 請與餐廳確認詳情
今日叫左個午餐，上海豬扒粗炒，等左20分鐘都未有，朋友既蒸排骨都已經食緊。舉手同店員講已經20分鐘了，佢居然答我，廚房未煮出黎我都無辦法架！！！天呀，我只想你睇下有無漏單，或者你敷衍我追下都可以呀！！到底老闆知唔知自己的伙計是怎樣趕客的呢！！！！
繼續閱讀
真係好伏嘅一間店，完全唔識做生意！啲嘢又難食！快啲執笠啦！（小弟第一次咁火爆寫食評！）我哋見到餐廳出面貼著學生優惠套餐，跟住問職員出示學生證有冇優惠，個職員同我哋講有，跟住我哋就入左去食。見到餐廳入面都唔少人，應該唔會伏掛，點知伏到爆！！我哋打開左成頁寫住學生餐嘅餐牌，嗌咗兩個學生餐。一開始上餐就上錯左杯嘢飲，睇張單先發現佢落錯單，跟住同個職員講左之後幫我哋轉返啱嘅。飲左一啖奶茶，難飲到想嘔！上左一個餐之後，另外一個餐竟然等左足足20幾分鐘！唔知係咪搞針對！等唔係一個問題，問題係等完成碗麵仲要好鬼死難食！真係火都黎埋！！由於杯嘢飲打錯，咁成張單重新打過，後面我哋先發現仲有問題，成張單都冇學生優惠，係正常價格，咁諗住出去嘅時候同個職員講返聲，攞返個優惠啦（正常餐46，學生餐36，我哋都係因為睇到有學生優惠先入黎食）。點知個職員話落咗單之後就冇得改，話正常係我哋主動出示學生證俾佢哋睇，話有d客都會睇學生餐牌嗌嘢⋯⋯黑人問號？？我打開成頁學生餐落單，當時你哋職員冇叫我哋出示學生證，咁我哋出黎埋單出示返，你話冇得轉返學生優惠？哈哈哈哈哈哈，真係好搞笑，想賺錢就唔該你哋唔好整學生優惠啦！上餐仲要鬼死咁慢，食完返學校都遲到啦！最後，我哋俾左正常價，祝願餐廳早日光榮結業。
繼續閱讀
【122】用家自費分享！Walk in唔使等，約七成滿。8️⃣0️⃣CP值，2023/12/11/一/14:04，平日下午茶時段，二人埋單免加一共$106，平均每人$53。店在商場內，易揾嘅，裝修企理光猛，感覺乾淨，坐位闊落，坐得舒服，招呼正常，落單快，上菜快，整體算好味，價錢平，會再去。8️⃣5️⃣午餐土魷蒸肉餅餐$52，非常非常好味，推薦。7️⃣0️⃣下午茶海南雞飯餐$48，雞好滑，油飯就乾咗小小。6️⃣0️⃣跟餐另加$3凍咖啡，有啡味。0️⃣0️⃣跟餐另加$3罐裝可樂。
繼續閱讀
過到嚟藍田唔知食乜嘢好見到呢間雄赳赳餐廳所以入去試吓，今日嗌咗個茶餐廳必備嘅乾炒牛河。個人唔係好鍾意茶餐廳黑柒柒，因為感覺好似唔乾淨咁樣，而雄赳赳餐廳燈光非常光猛唔會係暗沉沉嗰種啲餐具同埋枱凳都冇黐粒粒嘅感覺。叫完都上菜，唔使5分鐘啱晒趕時間嘅香港人。乾炒牛河啲河粉炒得夠乾身唔會太油牛河上面嘅牛肉份量算多食落去唔會太鹹感覺到鑊氣都夠嘅正常茶餐廳的出品。絕對對得住佢嘅收費一碟乾炒牛河都只係$55連飲品一杯凍飲加$3完全係物超所值
繼續閱讀
坐低等汁台！揮手叫左三個侍應三種態度，第一個男生叫我地等等，等到佢收拾其他台(張台冇人)都未到我地張台，第二個叫完佢 望左我地一眼冇出聲，拿住個地拖係到拖地，可能地下污嘈，等佢拖完地，又係唔理我地喔，繼續做其他野。第三個又係睇到我地，但佢走去汁隔離張台，第一個男生已經汁過張台，我吾明點解要再汁喔。終於等到第一個男生幫我地落單，都係未幫我地汁台，叫佢比兩杯水我地，都係等等咯。最後自己動手豐衣足食，五分鐘後，個男生再翻來問我地是否凍飲(我地只叫過熱飲)，然後見佢走去打單，原來甘耐都係冇落到單。評論一下食物，普通，我叫左個雞扒，雞扒係未熟，食左大半先發現，朋友有叫我通知侍應，我冇通知。真心不明白，唔係忙到冇時間幫人收拾台，而是不懂分輕重寧願兩個人去收拾冇人坐的台。總之係到等，等到有人記得你就成功了。不了。ps:最後幫我地汁台係第四個人
繼續閱讀
您可能會有興趣的...