影片
港鐵觀塘站 B1 出口
繼續閱讀
開飯介紹
「大宅門」位於酒店一樓，以提供傳統珍餚的《府邸菜》聞名 。 用料清淡、精緻、講究，更保留了以往三少: 少油、少鹽、少糖的健康烹調方法，以不加味精的風尚重新演繹各款家傳戶曉的高級粵菜 。
繼續閱讀
營業時間
星期一至日
11:30 - 14:30
18:30 - 22:30
以上資料只供參考, 請與餐廳確認詳情
今日約了一位好友在觀塘吃飯，但觀塘可以傾計的地方不算多，所以就選擇了這一間較環境寧靜的中菜館。我們精挑細選點了幾個點心吃。黑松露海鮮餃賣相唔錯海鮮餃上有少量的黑松露，真正的皮薄餡靚，味道不錯！ 炸雲吞雲吞皮細細的，炸到非常香脆再加上甜甜酸酸醬汁，好好吃！ 煎蓮藕餅不似一般的蓮藕餅內有好多馬蹄及碎肉，入口非常爽而且味道很爽，口感一流！ 上湯芥蘭好大碟上湯芥蘭，將芥蘭粗的部位切走，再加金華火腿，清清地中和一下點心的油膩感！ 懷舊砂糖莎翁雖然好我最喜愛的麻蓉包，但有懷舊砂糖莎翁！因為不是很多中餐館食到了，所以我哋叫了糖莎翁作為飯後甜品。一碟有三個迷你莎翁，入口非常輕，雖然有少少油但不是太油膩！還可以！
繼續閱讀
每年都有好多家庭聚會，各人生日要慶祝，大時大節要慶祝，考慮到家父年紀大，唔行得好遠，我地每次飯聚，都會浩浩蕩蕩十幾人一齊去觀塘大宅門飲茶/食飯。大宅門位於觀塘帝盛酒店入面，光猛、闊落、靜局，合晒我老豆既嚴格要求，黎呢度飲茶食飯，佢永無ee oror彈三彈四。今日我地提早慶祝冬至，於是一齊黎個歡樂大飲茶。呢度既點心選擇比一般茶樓少，但大部分都優質美味，除點心之外，我地仲揀左秋冬滋補廚師精選同少量飯麵，話晒都成13個人呀。醬皇金錢肚，好味encore再encore，前後叫左三碟，牛肚夠腍，醬汁夠惹味，墊底既白蘿蔔都炆得入味，話咁快清晒；鵪鶉蛋燒賣，而家出邊既酒樓已經少賣，我家姐係鵪鶉蛋怪，呢個係佢飛佛，鵪鶉蛋下面係豬肉燒賣，蒸得夠熱夠腍，但唔會食到成口肥豬肉，美味。焗菠蘿叉燒包，出面係好香好脆既菠蘿牛油皮，入面既叉燒夠腍，同埋無我好憎既肥豬肉，真材實料；流沙奶皇包堅係流沙，輕輕搣開已爆漿，唔錯既蛋黃香，熱辣辣，正！沙窩生煎包，原個沙煲上，外皮煎得香脆，加埋蔥花芝麻，係香口之選。不過講到最得意既包，就係呢款雜菌冬菇包。外面加左一層龜裂既啡色，已經非常似冬菇，最抵死係仲要加條「冬菇椗」響底，超像真。搣開，有芹菜、香菇、粉葛、紅蘿蔔，爽爽甜甜，好味，素食人士都啱食。XO醬炒蘿蔔糕，粒粒外層都煎得香脆，加上XO醬既辣味，好香口惹味，必點！家鄉煎藕餅，呢個都幾大粒蓮藕，豬肉撈埋紅蘿蔔、蔥花、髮菜、蓮藕等等，但可惜蓮藕味唔算突出，反而似一塊豬肉餅。秘製鮑魚汁炆鳳爪，呢個係我既至愛，鳳爪炆得勁腍勁入味，而且鳳爪夠厚肉，正呀，我要瘋狂補充骨膠原！山竹牛肉球，好多酒樓都有做，但唔係間間做得好食，大宅門既牛肉球蒸完出黎仲係顏色粉嫩，腍得黎有肉味，非常出色。懷舊沙翁，搣開一睇就知有料到，外面炸得香脆，入面仍然鬆軟，完全唔覺油膩。我地點左既秋冬滋補廚師精選，就係呢個菊花太史燴蛇羮勒，一窩大概有五至六碗。好足料，豬肉絲、蛇肉絲、木耳絲、冬菇絲……夠足料，加埋薄脆、菊花、檸檬葉，好香好夠味，食完成身暖笠笠，外套都除埋。鮑雞粒瑤柱煲仔飯，餸還餸上，飯還飯上(酒店服務好，會分好一碗碗上)，自己淋豉油，雞肉同餸料既油香同精華都滲到飯入面，滋味；呢個飯有兩食，淨左既飯焦可以加錢泡成魚湯飯，但個湯稍嫌鹹左D，美中不足。最後係呢個雪菜火鴨絲鴛鴦米，炒得入味唔油膩，不過火鴨絲嚡左D，扣番少少分。13個人，連埋加一茶芥，食左千五蚊左右(匯豐卡有85折)，每人計番都只係百幾蚊。酒店水準，酒樓價錢，抵呀！
繼續閱讀
夜幕低垂, 下班的上班族往地鐵站方向疾走, 我們卻朝相反方向, 往工業區方向前進, 前往今晚晚膳的地方- 觀塘帝盛酒店中菜廳-「大宅門」.這間位於觀塘工業區的酒店, 在芸芸黑漆漆的工廈中發出耀目的燈光, 既神秘又帶點吊詭, 因為位置比較偏僻, 在星期五是晚飯黃金時間, 客人不算多, 只有六七檯的客人, 但侍應生, 知客總共有七個, 換言之, 差不多一個侍應生服務一檯客, 他們頻頻為我們添茶添水, 更換碗碟, 我們盡享五星級的服務. 地點是有點不方便, 但也有”人棄我取”的好處呢!餐廳在月前推出特別的優惠:“七、八月生日既壽星仔女，可以用7折享用酒店中菜廳「大宅門」美饌，生日朋友同一齊嚟既所有賓客，更會獲贈Movenpick雪糕或餐飲！”(剛上網看到, 酒店在九月份仍會推出生日優惠, 不過甜品轉為「萬壽蟠桃」包一個, 有意者儘快行動了!)八月是朋友的生日月, 當然是機不可失啦! 朋友開心之餘, 亦為”請客者”節省不少! 呵呵呵~~茶位 ($13@), 花生 ($20), XO醬 ($20)在酒店中菜廳用膳, 茗茶當然比一般酒樓的來得講究, 有大紅袍, 馬騮搣, 碧螺春, 龍井等貴價茶可供選擇, 今次選了大紅袍, 茶色殷紅, 味道卻如龍井般甘醇.前菜花生也挺好吃, 香甜的脆糖外層包裹著花生, 既甜且鹹, 令人禁不住一粒接上一粒.五香金錢牛腱 ($88)先來一碟五香金錢牛腱過過口癮. 每一片的牛腱都切得厚適中, 口感很好.而且一件牛腱有齊兩種質感: 瘦肉部份軟腍, 筋腱部份爽口, 味道方面, 富有汾酒的芳香及五香料的濃郁味道.孖寶片皮雞 ($458/ 全隻)是片皮鴨的變奏, 以雞代鴨, 更感滋味, 因為雞肉不會像鴨肉般帶有鴨臊味嘛!片皮雞把雞皮及雞肉”片”出來, 把脂肪及骨頭清除, 再拼回一隻”完整”的雞, 很考功夫呢! 所以片皮雞近乎無骨, 既方便進食之餘亦可保持儀態.雞皮猶如薯片般薄脆, 咬落去會卡滋一聲應聲碎裂, 雞皮下幾乎沒有脂肪, 所以沒有油膩感, 非常不俗, 而雞肉則柔軟嫩滑, 不論是雞脾位或雞胸位也是滑嫩不粗糙. 而調味方面, 則是南乳吊燒雞的味道, 惹味而不會過鹹.片皮雞以廣東傳統小吃- 蝦多士伴碟, 相當新奇!有些餐廳會做得像海綿一樣, 在油炸的過程吸盡了油, 食落油溼溼. 但這個蝦多士則做得頗乾爽, 金黃香脆, 沒有油膩感, 蝦膠的份量不多, 但仍算彈牙可口, 我認為跟鳳城酒家的有一拚!更錦上添花的是以一片蜜餞火腿作鋪墊, 火腿近乎全瘦, 毫無油膩感, 其鹹香, 且略帶蜜糖微甜的味道令蝦多士的味道也有所提升了! 冒著”上火”的風險, 都要多吃兩件啊!山藥鴿崧炒珠參 (配生菜包/ $158)山藥鴿崧炒珠參為大宅門新推出的菜式, 用乳鴿肉, 海參, 山藥, 馬蹄, 甘筍剁成小粒, 材料剁得粒粒均稱, 所以口感很佳, 不會有粒大粒小的突兀感. 乳鴿肉的味道最為濃郁, 啖啖肉香, 配合海參, 山藥, 馬蹄, 甘筍這些爽口多汁的食材, 以醬汁同炒, 惹味及清爽兼備.再以生菜包裹食用, 令我想起泰式生菜包, 有一種東南亞的風情, 是一道很適合炎炎夏日食用的菜式.砂窩大魚頭煲 ($168)不太擅於吐魚骨的我幾乎沒有吃過魚頭, 但酒店出品的魚頭煲, 好歹都要試一試吧!魚頭本身沒有什麼肉可吃, 但經過油泡, 魚頭的軟骨被炸得香脆酥軟, 可以輕易地進食. 魚頭先油泡, 再用上乾蔥頭, 蔥, 冬菇等來煀, 香氣四溢, 用來佐飯最適合不過. 另一個抵讚位就是用煲仔上桌, 可以長時間保持熱度, 以防魚頭冷掉變腥呢!上湯野菌浸時蔬 ($98)菜遠條條”靚仔”, 而且長度相近, 菜梗部份爽口非常, 而菜葉部份則很嬌嫩, 配搭爽口清新的日本本菇, 湯頭味道清爽宜人, 正好中和一下前幾道菜的”重口味”.生拆蟹肉野菌干燒伊麵 ($138)蟹肉下得重手, 差不多鋪滿整個碟面, 啖啖都能夠吃到蟹肉, 味道爽甜, 而伊麵則相當柔韌, 與蟹肉非常搭配, 吃罷, 碟底都沒有殘留過多的油份, 不俗!黑松露帶子炒飯 ($138)可以見到零零星星的黑松露碎, 入口, 黑松露的味道卻不太濃郁, 幾乎嚐不到呢! 如果多加一點黑松露醬會好吃得多.可幸的是有大大粒的帶子肉加持, 使炒飯的口感和味道都提升了不少, 而且炒得乾身, 飯粒煙韌, 有濃郁的蛋香, 成功扳回不少分數.生日禮遇, 當然選最為”回本”的Movenpick雪糕吧!侍應叮囑我們用膳完畢前, 早十分鐘下單, 原來廚師除了要準備伴碟的雜莓之外, 還貼心的將雪糕解解凍, 所以每一口的雪糕都是細滑如絲, 沒有夾雜冰粒, 雖然是免費, 但都誠意可嘉呢!飽吃了一頓晚膳, 大家都非常滿意, 而且七折生日禮遇真是非常非常的超值, 小妹十月生日, 如果十月又有優惠, 我來請客又何妨?
繼續閱讀
又來到我的生日飯，這次到了對我來說相當遙遠的觀塘區晚飯. 為何我會來到九龍東，平時我連九龍城都絕少踏足的，由於好友A將於十二月成為新娘，有份當起姊妹的我就要來到觀塘區的婚紗店度身，好朋友結婚，即使路途多遠，也要去度身吧!既然一場來到，好友C又興致勃勃的想到帝盛酒店內的大宅門用餐，說8月生日之星可享有全單7折優惠，另每位加送Movenpick or餐飲，相當抵食云云. 於婚紗店度身後，跟隨觀塘地膽於九曲十三灣的觀塘工業區遊走，走了大約10mins，終於到了此行的終點站---大宅門. 酒店躲藏於如迷宮般的工業區內，要我獨自再到來，我也不認得路了. 酒店大堂華麗但很狹少，我們乘坐電梯到位於一樓的大宅門. 酒家內部環境寬敞，當時亦只有2圍大枱客人，我們被安排坐他們中間的位置，被2大班人夾着，感覺擺位安排有欠妥當. 其實當時近窗邊的多張4人枱全是空置的，但侍應沒安排我們坐那邊的座位，我想，我們當時應該主動提出換那邊的坐位呢! 要知道，我們也預早了一星期訂座，而且酒家客人也實在不多麻! 到8時多，也只是多來了2, 3枱為數1-2人的客人，其中一位外國男士，在酒家內吃着漢堡包+薯條，感覺有趣! 難道在酒店內住宿的客人可以在中餐館order西餐?酒家供應多款精選晚飯套餐，即使少至2位，多達8位以上，也可選擇合適人數的套餐，2人套餐也只是$498，包括廚師靚湯、三小碟、小菜2款、粉麵1款以及是日甜品，相當化算. 不過由於2人套餐沒有友人最想吃的餸菜，所以我們還是選擇單點.前菜: 甜花生這花生以脆糖片包裹着，內裡是香脆的花生，甜甜的味道令人一吃再吃，即使當時我仍然是咳嗽不斷，仍然阻止不了我要吃花生的欲望.孖寶片皮雞 (半隻) ($238)脆皮炸子雞加上炸蝦多士，賣相實在吸引，怪不得友人推介這款菜式. 先嚐一口炸雞，熱辣辣的炸雞外皮香脆、絕不油膩，雞肉有彈性亦嫩滑，水準令人滿意. 至於蝦多士則較油膩，麵包吸滿油，弄到一口油膩感，底下的蜜餞豬肉片相當香甜，有如豬肉乾般味美. 雖然蝦多士有點美中不足，但也是必點菜式之一.山藥鴿崧炒珠參 (配生菜包) ($158)分碟送上的珠參及生菜，生菜相當翠綠嫩口，香濃惹味的鴿鬆份量實在很多，而且切得相當細碎，鴿肉內有菇粒、菜粒等，相當有咬口，也是好下飯的一道菜式.生拆蟹肉野菌干燒伊麵 ($138)蟹肉份量之多實在慷慨，加上野菌來炒的伊麵，彈性十足，鹹香的麵食與清淡的蟹肉也是如此匹配. Movenpick ($38)生日甜品為Movenpick，我們三人一人一杯Movenpick! 我選的是冧酒提子味雪糕，雪糕幼滑，滲出淡淡的酒香，內裡的冧酒提子也香甜美味，以滋味雪糕為這餐生日晚飯畫上完美句號!想不到觀塘區也有如此精緻、且份量十足兼美味的中菜，令本來不愛吃中菜的我刮目相看，如果我不是住得太遙遠，實在想和家人再來回味出色中菜.觀塘鴻圖道84號觀塘帝盛酒店1樓3989 6663
繼續閱讀
星期六、日晚飯在觀塘不易揾食 ……工厦餐廳有的強差人意；有的味道一般，也有的另人回味。 是晚原想到工厦一私房菜用餐，但前一天去電訂座已滿。媽媽說……去大宅門吧(有coupon)！ 19:00, 4位準時入座……這裡位處較偏僻又是酒店收費，所以食客不多 。但食物質素 +環境+服務=合理價錢了！ 這店出名的菜式也可在套餐內找到， 所以來這兒吃飯，套餐多是我們的選擇！
是晚較差的算是鮑汁野菌炆麵了…吃了几次，這套餐中，粉麵選擇最好的應是黑松露帶子炒飯 ，炒飯粒粒跳， 黑松露野味帶子又多！份量方面也不会不夠，大半份豬手还要打包呢~ 服務方面更是不會投訴，酒店級服務；人手足夠不待慢客人。消費滿500元， 送350元 coupon, 下次消費滿1000 大元便可使用！
繼續閱讀