影片
營業時間
星期一至四
11:00 - 01:00
星期五至日
11:00 - 01:30
以上資料只供參考, 請與餐廳確認詳情
相關文章
行完大潭水務文物徑，誤打誤撞上了巴士入赤柱，被餐廳門口負責招徠客人的叔叔招了入來，誤打誤撞選了Ocean Bay 作為晚膳的地方。當時五時左右，餐廳竟然還有供應lunch set, 價格一律為$158, 收費合理。夕陽西下，金黃色的陽光影照入餐廳內，氣氛浪漫醉人。行完山的我們點了肉類及澱粉質以補充體力：燒汁肉眼扒牛扒選了七成熟，在不是牛扒專門店食牛扒，實在不想點太生呢！雖然是七成熟，但仍算滑嫩不粗糙，口感帶嚼勁。邊位更帶有少許脂肪，油香四溢。伴菜有炸薯條及蒜蓉雜菜，味道不俗。煙三文魚三文治煙三文魚大大塊，而且每片麵包上有兩三片之多，甚為慷慨。煙三文魚鹹度及煙燻味適中，並沒有遮蓋三文魚本身的鮮甜。法包外層烘得脆脆的，而內裡則煙韌，塗上牛油，簡單而可口。沙律菜以黑醋汁調味，黑醋汁中加了糖以中和酸味。隨餐奉送的橙汁（可選其他飲品）是果汁先生，味道正常。
繼續閱讀
走入赤柱，又再回味以前的日子。每次都好多人好逼，好有氣氛。到了最後，行到累了，我們就找吃的。沿著正街行，有數間主打外國風情的餐廳，行了一round，最終決定吃「Ocean Bay」。因為沒有book 檯，只好walk in 等位，慶幸店員先安排了一張有預約的檯給我們，但限時個半小時。OK啦～誰叫我們沒有訂位。店員都好有效率，即坐下即下單。我們一行四人點了四個set dinner 及炸薯條。餐飲 菠蘿汁用膠杯盛載的飲品，總是覺得沒有了那份感覺…而且又不環保…菠蘿汁夠甜，又有點微酸，OK好飲。三文魚沙律煙三文魚擺成花形上碟，外觀上已很吸引。而沙律菜都新鮮，配上少少黑醋汁，是個開胃前菜。主角來了！燒美國安格斯肉眼牛扒(6 oz) HKD 178.00我點了五成熟，上到檯面時，果然是半熟狀態。切開還有血淋淋的感覺。但可能是我這塊扒有筋吧，好難切開….好難切…但肉質是OK的，只是某些部份難切。底下墊住的是紫薯蓉，我是第一次吃到這樣的配搭，紫薯蓉甜甜的，又有蕃薯的纖維，感覺幾健康。而配菜都有調過味，吃起上來也好吃，不錯。另一個主菜是海鮮意大利粉 hkd 178.00不得不讚這個意粉好好味，意粉的軟硬度適中，而且調味也很出色，就算不加芝空粉或是TOBASCO都好出色。海鮮的份量也適中，沒有過少。我們四人還點了一個炸薯條做小食。炸薯條 HKD 58.00份量是外國人size 嗎？超大份的！一上檯，鄰座的食客見到都不禁嘩了一聲。真的好夠份量。雖然是份量大，但是口感卻是一般呢，這真的令人大失所望。因為是翻炸的！薯條一被翻炸，就會有點兒不脆…這種口能不討好，不脆但又未去到稔…像是吃到了過左期的薯條。另外，有試了A小經的野菌意大利飯，都好好味。個人覺得，「Ocean Bay」的意粉類主食做得比其他出色。
繼續閱讀
今日去左赤柱慶祝anniversary, 開頭都無特定諗食咩，都係搭車入去時先諗。赤柱大街有好幾間餐廳，都係對住個海。最後我地揀左呢間Ocean bay! Set dinner 有10多款main courses 揀，配沙律/湯＋餐飲(除了普通個d drinks, 還可選擇紅/白酒同champagne)Main course 的side dish有d雜菜同紫薯蓉(如果有得揀其他side dish 都好d！)大熱天時，我地揀左係室內食。咁岩可以平排而坐，望住個海，感覺非常不錯!Service可以接受，但叫佢地加水，叫左2 次才記得。價錢尚算合理for weekend dinner $178 +10% per head
繼續閱讀
因為爬龍舟的關係，呢期我不時係赤柱出沒。今晚兩個人黎到赤柱搵食，想避開連鎖店，發現沿住海邊既都係好遊客生意feel，餐牌都好接近，連門口姐姐都話我地知其實間間都差唔多，最多送個甜品俾我地LOL 既然佢咁誠實，我地就入去試下啦！$168有兩個course，仲任揀飲乜，由於做完運動想飲啤酒，有我最愛既Hoegaarden，都幾岩我心意！龍蝦湯同三文魚沙律都算唔錯，唔係好出眾，但試得出唔係求其，而且份量都幾大。燒肉眼扒 Grilled Rib Eye Steak (US Angus, 8oz, medium rare)雖然肉質唔係特別靚，但一定要讚讚佢燒既火喉好好，以呢個質素既肉、咁既價錢黎講，真係好正，鎖得住肉汁，完全係medium rare。炸魚薯條 Fish and Chips我好鍾意食呢D魔鬼食物！咁講好誇張：但呢間可能係我係香港食過最似London街邊個種Fish and Chips！之前有食過三四百蚊一份的高級Fish and Chips，但始終就算魚來貨有幾靚，炸功先係重點。呢度既Fish and Chips係外脆內軟，夠哂熱之餘係煮得岩岩熟，好難得！最後姐姐送的甜品係New York Cheese Cake。由於芝士我真係唔好，加上呢個Cheese Cake真係比普通更普通，而同伴又唔好甜品，所以食唔哂。環境景色都唔錯，加上高質驚喜Fish and Chips同$168實惠價錢，我決定下次番黎赤柱都要再黎！
繼續閱讀
今日，同朋友去赤柱搵番呢間餐廳食飯順便傾心事。餐廳見我地坐左就俾左個餐牌，算係幾細心。望下個餐牌，個餐牌係靚咗；由於我地兩個女仔唔想食紅肉；就叫左炸魚薯條和蒜香海鮮意粉；我就叫左煙三文魚沙律：嘢飲就叫左Champagne。餐廳的桌布用左牛仔布，好獨特。而且有西布牛仔風味。由落單到上香檳大約三分鐘，算係幾快嘅。香檳係house wine:香檳唔夠氣，唔算好噎！無咩酒味。沙律方面，我覺得三文魚變左切條，而且三文魚無咩脂肪：幸好個沙律用黑醋做，食落去酸酸地。之前做用片，見唔到紋理。三文魚睇唔到紋理，又食唔到鮮味。炸魚薯條，薯條係同原隻薯肉切條。食落去好有薯肉，略嫌凍左啲。魚柳食落好滑，食落去好淋。如果再熱番少少，就好啦。魚肉唔太乾身。值得再試蒜香海鮮意大利粉，蒜香味好重。但蝦肉無咩味。意粉唔算太淋，帶子略嫌太簿身左啲，但都算滑口。佢少量青椒、黃椒做點綴。
繼續閱讀