影片
港鐵銅鑼灣站 F1/ F2 出口
繼續閱讀
營業時間
星期一至日
12:00 - 15:00
17:30 - 23:15
以上資料只供參考, 請與餐廳確認詳情
最中意就係同朋友仔一齊去行街街，行完又可以大食一餐，好耐都無去食日本野喇，今次一於整個放題嘆下先，朋友仔話之前食過依度好正，今日一於嚟試下先！ 宵夜時段都一樣咁多人，咁其實放題嚟講係好事既，雖然要等，不過一定新鮮嘛 最重點既魚生完全無令我失望，新鮮之餘仲要係厚切，中意食魚生既相信都特別中意食厚身既，口感一流，完全食到佢既鮮味 小食就梗係吾少得八瓜魚啦，個汁整得好好，食落芝麻味好香 海胆手卷勁鮮，不過厭海胆小啲，要食多幾舊先夠 壽司方面保持一貫水準，全部都好新鮮，特別係個花之戀非食不可 熟食方面依個燒牛都一定要試，牛肉味好重，加埋個醬汁香到爆，我自己都食左兩碟啊 仲有依個牛肉窩都係一定要食，重點係隻蛋，加埋入去將啲牛香撞曬出嚟，我依啲牛控就至中意 甜品方面可以食下依個home made雪糕，吾會太甜，味道好香，至啱吾太中意食太甜既我 依餐食得我好滿足啊，最重要係價錢抵食之餘食物又新鮮
繼續閱讀
話說今日同朋友終於完成左個課程同考試，難得黎到銅鑼灣附近就想食下日本野慶祝下而時間當時已經8點幾，又想搵性價比好既地方！終於能夠附合三個條件既就係黃金廣場大喜屋，所以最後決定入去刷一餐勁既。一坐低當然要叫返一大堆刺身去熱下身，三文魚、北寄貝、甜蝦、帶子呢幾個核心既內圍是必須的，最神奇原來有松葉蟹腳可以揀，呢個真係放題比較少見而成個魚生餐單好似食酒店自助餐咁樣。上菜見到完全係要開著左個胃，食到停唔到，兩人叫左2-3 round 魚生。另外仲有叫左特色壽司都好吸引，好似黑松露油甘魚、鵝肝帶子都係必食推介。而熟食方面牛柏葉、豉汁炒蜆同埋一口牛都係符合預期。原本以為清酒梅酒係要另外加錢，點知原來都有可以任叫！
繼續閱讀
同朋友起金鐘考完試就諗住賀賀佢，最後去左銅鑼灣間大喜屋，果日星期二黎，夜晚九點時段居然唔洗停位，勁難得依間啲刺身好新鮮，款式又多，我地兩個人都食左3盤之前我都淨係食刺身，今次試下啲熟食。有驚喜喎！原來大喜屋啲熟食都ok，我地叫左炒蜆，無沙，味道好。另外仲有牛柳粒，9成熟但都唔硬，幾正。本來我地以為無酒，突然發現居然有清酒！即刻點黎飲下，依款酒精無咁高，幾岩飲，太烈反而配野食唔好，我朋友唔飲酒既都破例飲左兩杯2百頭食到好飽，好抵，滿載而歸
繼續閱讀
之前也同朋友去過其他區大喜屋，每次吃完大家也感覺滿意。 今日剛巧同朋友也一齊放假，既然咁啱，就約出來吹吹水吃過美味放題。 今天中午突然下著微雨，好在餐廳位置好，出了地鐡不用開傘就到，真的超方便。有很多不同類型食物，方便朋友相聚，大家柯打自己喜歡食物。大盤厚切刺生，肥美刺生坐著冰凍著，可以慢慢品嚐慢慢傾計，也不怕刺生轉暖。全部也是少飯一口壽司，試多幾款也不會太飽。細細份手卷，飯少海膽多紫菜脆，一啖一口，最愛這口感。天婦羅新鮮炸起，薄薄外層非常鬆脆。啤酒加燒物，美味配撘。 羊架外層焦香，內裏肉質嫩滑。
繼續閱讀
今日經朋友帶路去到銅鑼灣吃放題，好友相聚正是吃吃喝喝好時機。 由銅鑼灣地鐵口一出轉彎就到商埸門口，直搭電梯上7樓超方便。 餐廳長方形設計，一邊全是玻璃窗，顯得好光亮。 我最愛吃日式放題可以少量少量咁柯打，邊吃邊傾為一陣shopping 先叉電。 刺身種類唔多，但就十分肥美。 天婦羅就值得一讚，外層粉漿好薄，炸得超香脆。 羊架及牛仔肉味道調較得好，燒至剛熟，啖啖肉好好味。 甜品方面除了牛奶布甸及糕點之外，更有名牌雪糕供應。 以放題來說食物種類不算多，但食物質素高又精美，真是貴精不貴多。
繼續閱讀