影片
以上資料只供參考, 請與餐廳確認詳情
今日黎到長洲，當然要食返個長洲最正宗既芒果糯米糍。芒果王應該係長洲最出名嘅芒果糯米糍之一多人到有時需要先留定幾個鐘頭後返嚟攞。好好彩今日唔算太多人現場都可以食到叫咗個芒果糯米糍一大塊嘅芒果呈現喺自己眼前😍😍😍芒果肉好飽滿，糯米皮好薄，薄薄嘅糯米皮透出橙黃色嘅芒果，呢啲就係皮薄餡靚食落薄薄既粉皮包住多汁鮮甜嘅芒果肉。令人一試難忘！😋😋😋👍🏻另外叫咗個士多啤梨芒果冰芒果肉同芒果糯米糍嘅芒果相同👏🏻👏🏻不過呢個上邊淋有芒果醬，雖然份量冇咁多不過食味依然士多啤梨沙冰甜度適中熱辣辣食碗沙冰的確令人透心涼☺️👍🏻
繼續閱讀
天氣咁好梗係去離島行下雖然旺角都有長洲芒果糯米滋買但點都係去番本店食好啲呢長洲都有好幾間食芒果糯米滋男朋友話依間好味啲佢真係無講錯個糯米滋掌心咁大皮唔算好厚咬開好大舊芒果係入面好香好甜，好好味
繼續閱讀
今日又同男友去長洲，之前睇過yahoo d食評，話芒果王既芒果糯米滋係最好食。咁我地今日就去試食下拉，結果……真係幾好食，實至名歸!外形方面，好大粒。仲要係糯米滋既皮係好薄，芒果就勁大粒，勁抵食! 味道方面，芒果幾甜，吾酸，不過好似太熟，但都幾好食既，值得一試! 價錢方面，10蚊一粒，吾算太貴，芒果咁大粒，都值得拉^_^另外我地都叫左芒果沙冰，呢個就一般拉，沙冰無咩芒果味，但拎來解渴都ok既，仲要上面有勁大舊芒果，幾甜，都ok la 。整體來講，呢間店d芒果糯米滋真係好好食，值得一試!
繼續閱讀
1點去到諗住有得食,咁佢用d好串架態度同我講4點先有! 到我4點黎到竟然冇人排隊,一問下就話冇曬俾人訂曬唔會有!咁點解我1點問個陣唔講有得訂呢?不過1點個陣都食左個芒果大茶糕,芒果就比較酸左D喇!整體真係失望!
繼續閱讀
星期天專程嚟到店舖，見師傅出晒汗好努力咁整糯米糍，諗住實會有啦，點知老闆娘話冇得賣，全日都冇。。。好失望，我諗佢一定係有大量訂單囉。。。於是叫咗個芒果布丁同芒果沙冰。芒果沙冰好有驚喜，彌補咗我失落嘅心情，芒果好甜好多肉好好味！用料十足！布丁好似自己屋企整果啲，而且多芒果肉，必定好味過一般酒樓。最後仲叫咗個蜜桃冰，始終生果冰中還是菠蘿冰比較夾。
繼續閱讀