影片
營業時間
今日營業
06:00 - 22:00
星期一至日
06:00 - 22:00
以上資料只供參考, 請與餐廳確認詳情
【葵青區】【賓墟冰室】之前喺啲 post 入面將我上司春哥上司嘅身份講咗出嚟，攪到佢略顯不悅，始終佢係一位唔擺款嘅好上司。咁同得一位咁平易近人嘅上司食飯，梗係去返啲平易近人嘅餐廳食。嚟咗青衣呢間茶餐廳食飯，初初都驚唔知叫咩嘢食好，點知去到又好快揀得掂喎。先試小菜，試咗個 $81 嘅「啫啫雞煲」，熱辣辣，好似樣。而佢裡面唔止啲雞同配菜，仲有豬肚，令到食起上嚟成個感覺好好。加 $12 轉套餐仲有埋「白飯」同飲品，飲品之後再講。因為呢個時候見到 $82 嘅鐵板餐「香煎美國西冷牛扒」，仲咋咋聲咁上。個扒本身幾好味，仲好大塊，配「炸薯條」份量都好多，跟「蒜茸汁」，都好香濃。兩份都有餐飲，我試「凍檸茶走甜少冰」，佢試「凍奶茶」，兩者都係加 $3，充滿茶餐廳風味。大杯嘢飲大塊肉之下，埋單都只係 $181，果然係做街坊生意嘅，係有啲料到。。。（地址：青衣牙鷹洲街8號灝景灣購物中心地下1號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青區 #青衣 #賓墟冰室 #小菜 #啫啫雞煲 #鐵板餐 #香煎美國西冷牛扒 #炸薯條 #蒜茸汁 #凍檸茶 #凍奶茶 #香港茶餐廳 #賓墟餐廳 #1am1381 #1ambackup
繼續閱讀
今日去咗青衣既賓墟冰室，佢既位置好方便，位於青衣城同長安村中間既灝景灣，所以午市既時候都見唔少人幫襯。入到去我地叫咗芝士焗葡汁雞球飯同芝士肉醬焗豬扒意粉。首先黎咗既係凍檸蜜同凍檸茶，杯凍擰茶做得出色，茶底一流，檸檬新鮮。跟住黎左個芝士肉醬焗豬扒意粉，睇得出豬扒個量唔少，啖啖肉，如果肉醬有再多啲比我撈意粉就更好啦。最後黎咗個芝士焗葡汁雞球飯，今次呢個啲汁好多，撈飯一流，而且個雞球啲肉都好嫩滑。呢度除咗焗嘢之外，仲有好多選擇，例如炒粉麵飯、小菜等，下次有機會要再黎嗌其他嘢食。
繼續閱讀
茶餐廳抵食又大份之選👍🏻餐廳有中式、有港式、有套餐、有小食、有午市套餐、又有下午茶，更有鐵板套餐！非常港式的茶餐廳！👍🏻👍🏻👍🏻價錢都很抵吃！食物的種類也很很多，總有一款會是你的心水！👍🏻👍🏻👍🏻《芝士焗豬扒飯》$58芝士焗豬扒飯以鐵的器皿上碟，豬扒軟腍易咬，醬汁加入多種食材，口感豐富好味！芝士亦舖滿了表面，非常香濃！👍🏻👍🏻👍🏻👍🏻《霸皇雞》$93/半隻套餐有跟白飯和例湯，重點是霸皇雞的份量有很多，而且是啖啖肉！霸皇雞的醬汁加上蔥絲炸蒜和霸王汁，令其雞味更加昇華！配飯簡直是一流！無得輸！
繼續閱讀
港式鐵板餐西冷牛扒配炸薯條 89HKD牛扒我選擇配洋葱汁，好大分量同埋完全無雪味，單獨有一碗汁，可以自己將汁淋落去，牛扒我叫左7分熟，唔會乾爭爭，肉質軟嫩，啖啖肉，好食！配左波浪薯條，都好足分量。另外我地嗌左鷄煲，熱辣辣既啫啫煲，鷄肉好嫩滑入味，配料有洋葱青椒，都有小小脆感，唔會太淋，用D汁撈飯好好味。野飲我地叫左紅豆咖啡，好特別係茶餐廳都好少見！咖啡唔會另外落糖，紅豆沙本身甜度已經足夠，飲落口有D似鴛鴦既味道~都OK
繼續閱讀
做完運動已經去到下午茶時間，去咗附近嘅茶餐廳食返個靚靚下午茶茶餐嘅價錢介乎$30至$60左右，份量都幾大，可以當晏晝食脆炸雞髀配薯條$38炸雞髀有手掌心咁大，滿滿嘅蛋白質，食落啖啖啖肉炸完嘅外皮非常之酥脆，入邊嘅肉依然鮮嫩薯條用咗波浪薯條，薯仔肉會多點叫咗一杯熱朱古力亦都相當夠味，唔會淡茂茂鐵板巨人豬扒配薯條$58食個鐵板先50幾蚊，茶餐先做到呢個價錢豬扒都有成兩大塊，本身配咗薯仔同埋雜菜另外再比多一碟波浪薯條，份量比起正餐唔輸蝕
繼續閱讀