經過見到唔少人等外賣，望入去座位比較少，餐牌都係家常小菜，多數客人都係點蒸魚套餐，今次試左菜芯炒肉片，薑蔥霸王雞，味道唔錯，跟餐嘅例湯都好足料，下次會再嚟試吓其他小菜

我同老公好耐冇去過太興食飯，今晚去左荔枝角太興食飯，等左一陣就有位，宜家做緊堂食滿$100可以加$35指定小菜（二選一）,我地叫左蒸魚套餐跟燉湯加$35咕嚕肉，咕嚕肉份量跟正價一樣，食物水準不錯，所有餸菜都熱辣辣，埋單都係$166…值得推介！

疫情前食過一次招財四寶米線後，基本上個個月都會去食。其他蒸魚套餐也好好吃。 還有滾湯飯等等。疫情時，都會叫外賣回家吃， 還會打包回家給家人吃。 現在疫情過後個個出外不用戴口罩了，我就會到店裡吃， 始終新鮮熱辣辣出爐。 有時個個星期都想至少去吃一次。

跟同事去完歷史博物館就在尖沙咀覓食。行到K11附近見到間冰室，就隨心吧！冰室地方唔算好大，但整齊企理，環境光猛，仲有卡座，坐得舒服。晚巿選擇不少，有蒸飯、撈麵系列、中式炒粉麵飯常餐、精選飯、晚巿小菜套餐、蒸魚套餐和飲品。精選晚巿小菜套餐包頭盤、主菜、主食和飲品（$75），共四道菜，好抵食！頭盤有中西兩款，真夠誠意！蠔油生菜 翠綠清爽，少油少鹽，夠健康！雜果沙律 爽口甜美，也不錯！我點咗豉汁豆卜蒸鯇魚腩 配米粉和咖啡紅豆冰。即點即蒸，雖然要等一陣，但熱辣辣，讚！嘩！份量好足，魚腩雖較多幼骨，但嫩滑入味，底下墊咗豆卜和豆腐，都係鹹香美味，佐白飯或米粉都好適合。咖啡紅豆冰（+$8/特飲）大大杯，咖啡略為甘苦，但跟甜美的紅豆拌勻同喝，味道就岩岩好；紅豆大粒粉綿，食下食下，差唔多食晒，真係夠晒飽肚。同事就要葱花牛肉叉燒炒蛋配米粉和檸檬七喜。即場炒，又香又熱，正！份量好足，雞好滑，炒得岩岩好，加咗唔少鹹香嘅叉燒和嫩滑嘅牛肉，好豐富！檸檬七喜（+$8/特飲）冰涼透心，酸酸甜甜。再叫咗兩款小食，椒鹽牛丸（$24）牛味濃，鹹香美味，咬落去仲有汁，好味！芝士辣肉醬手抓餅（$32）又係即整，熱辣酥脆，中間夾着滿瀉嘅饀料，鹹香帶辣，好惹味，推介！

話說好似冇嚟過聯和墟(つд⊂)ｴｰﾝ 咁啱經過先發現原來勁多嘢食，而且好多都係小店形式 完全選擇困難，最終 unsurprisingly😂就被呢個門口餐牌個蒸魚套餐吸引咗😂 大部分顧客應該都係經常幫襯嘅街坊，見好多個都係，一坐低，餐廳職員已經知佢想食咩🤣 ✿ 王立倉dinner set $76 大大條，魚肉雪白嫩滑 送例湯，可以揀中湯或者西湯，呢日嘅中湯係沙葛豬骨湯，唔油膩，有兩大舊沙葛😋 +$8要埋苦瓜，份量都幾多，質感軟硬適中我鍾意 👍 本身都仲有洋蔥、豆豉同蒜粒，好送飯 不過下次會想揀清蒸，感覺本身條魚新鮮，簡單清蒸應該已經好好味

行完灣仔電腦中心, 就開飯啦! 今日試下呢間冰室, 好多卡位同埋地方闊落, 見佢好多熟客仔, 仲會大家有互動, 坐係位到傾計, 好似係屋企食飯一樣,
哈哈!
餐廳都幾多選擇仲有二/三/四人套餐, 開心見到有蒸魚套餐, 價錢合理, 我地當然要食啦!
乳鴿粉麵飯套餐:
乳鴿一隻加豉油皇肉絲炒麵, 乳鴿惹味 
豉油皇肉絲炒麵肉絲都幾多, 炒得乾身, 呢個炒麵唔錯~ 晚餐精選:
豉汁蒸䱽魚, 套餐送白飯及例湯或熱飲, 例湯大碗多料, 味道都幾好, 豉汁蒸䱽魚加左辣椒一齊蒸更可口~

而家食野口味都比較偏愛簡單嘅食物,好似蒸飯,蒸魚,烚菜等😆🤰所以其實我都幾中意去飲茶食點心嘅店😁 中心點我之前都去過幾次,覺得食物質素同味道都幾好,今次就食籠仔蒸飯,有埋菜同燉湯☺️我揀蟲草花走地雞,雞嘅份量都幾多,6-7件,味道都不錯而且幾滑,飯加埋紅米飯,感覺健康啲而且口感仲好好！配埋兩條菜心,都好鮮甜😁唐生菜也不會烚太淋,啱啱好👍至於燉湯好熱,食完飯再飲仲好,唔會辣親口😝湯料也足,家人的白肺湯都有2大舊白肺🫢如果唔食骨,可以食肉餅蒸飯🤭家人說她煎蛋牛肉蒸飯好似食緊牛肉球味道咁😆 當日見樓面得一位叔叔一脚踢,但佢服務都依然keep到,值得表揚吓 我見蒸魚套餐好似都幾抵食,下次可以試吓😊

值得支持的小店，一間小小地居茶餐廳，能夠做出咁嘅食物質素，真的值得鼓掌👏🏻 犬其欣賞佢嘅晚飯「蒸魚套餐」，通常有3款魚可以選擇，包括盲曹、䱽魚、黃立䱽。只係$98，整條魚上碟，包白飯一碗。 晚市仲有免費糖水，有時係白果腐竹、紅豆沙、咋喳，番薯糖水，不過就數量有限，送完即止。

今晚朋友約咗喺荃灣嘅百好名宴晚飯聚舊，呢間酒樓喺南豐中心五樓，老實講，商場環境真係麻麻，我平時甚少去呢啲地方揾食。 首先酒樓地方頗大，街坊酒樓格局，朋友係呢度熟客，所以由部長親自招待，服務好好 我哋有六個人，点咗個片皮鴨，上湯焗龍蝦，燒雞，蒸魚套餐，蒜蓉炒豆苖，雜菜煲，同送嘅甜品薑汁千層糕，相當豐富 整體而言，食物不過不失，服務因為熟客，待遇亦好，以價錢嚟講，是經濟抵食的街坊酒樓。

來到香港仔的有喜餐廳吃午餐，這間餐廳價格算便宜，我本人比較喜歡吃魚，很多時午市套餐都有魚，但今天沒有蒸馬友，可能是近香港仔魚市場，這裡的魚都幾新鮮。可惜今天只有蒸鯇魚，鯇魚也不錯。可能天氣涼了加了一味腊味炒飯，不過不是用糯米炒的,只是用普通米炒的

餐廳位於港鐵黃大仙站D3出口，交通方便，一出站就係！餐廳設計年輕時尚，提供多款歐亞菜式，價格相宜，十分適合同家人同朋友一齊聚餐。 嚐館嘅菜式款款用料十足，首先一定要試下佢嘅火灸芝士鰻魚配鰻魚汁炒飯。啲鰻魚滑嫩，火灸後更加香口，再搭配埋香氣四溢嘅鰻魚汁炒飯，一口咬落去，絕對令你回味無窮！ 如果你鍾意清淡健康嘅菜式，都可以試下蒸魚套餐，依家可以揀黃花魚或者黃立艙，搭配絲曲白飯同例湯，色香味俱全！我地揀左清蒸黃花魚，鮮嫩多汁，蒸得剛剛好，保留咗魚嘅鮮味同營養價值。 餐廳嘅飲品亦都非常出色！一定要試下佢嘅經典紅豆冰。紅豆冰冰涼爽口，紅豆嘅香甜味道一口咬落去，立即帶嚟一陣陣的幸福感。而佢嘅熱奶茶亦係絕對嘅必試！濃郁香濃嘅奶茶味道，一種濃醇嘅口感頓時充滿全身。

網上見好多人支持呢間銅鑼灣旺區嘅冰室，無論咩時間都係排嘅人龍，入面亦都座無虛席，應該都有返咁上下水準先有呢個效果決定今晚嘅晚餐就食佢。 話就話晚餐，但竟然有all day breakfast，一於試一識。再叫咗個蒸魚套餐，星州炒米，黑椒牛仔過，西蘭花炒魚柳。 蒸魚嘅時間掌握得好好，啱啱好熟，保持住魚嘅鮮味。 星州炒米好香濃嘅咖哩味，少少辣好惹味，米粉炒到乾身，條條分明，蝦又大大隻，加上其他配料，口感十分豐富。 其實小菜都十分出色。 地址銅鑼灣謝斐道500號維安商業大廈地舖 港鐵銅鑼灣站D4出口，步行約2分鐘

🌟餐廳：鋒味廚房
📍地址：元朗宏業南街12-18號新順福中心1樓A-B號舖
💰價位：～$50 - $100
⏰營業時間：星期一至日 07:30 - 22:00
📱電話：28383808

今日同媽媽入元朗逛一逛，黎到朗屏附近，見到有間食點心嘅餐廳好吸引，午市坐滿人，即刻入去歎下點心先~

呢間「鋒味廚房」位於朗屏站附近，地點夠哂方便，而且人流都幾旺場，天氣凍冰冰，食熱辣辣點心就岩哂！
一坐低我地就揀左最鍾意飲既普洱~茶具套裝都幾有特色，普洱茶葉夠香醇。 ———————————————————
🔹鋒味蝦餃皇
蝦餃係餐廳招牌點心，大大粒晶瑩剔透～加入原隻蝦肉包制，用料十足，食落夠哂彈牙～ ———————————————————
🔹蒜香蒸排骨
排骨份量好多，半肥瘦加上軟骨位爽脆，蒜香味十足，底層仲加入芋頭粒，食落更加有層次感～ ———————————————————
🔹原籠馬拉糕
媽媽就最鍾意食馬拉糕～呢度原籠即叫即蒸，夠哂熱辣辣～馬拉糕質地軟熟，微微香甜，好出色！ ———————————————————
🔹家鄉鹹水角
鹹水角外脆內軟，口感香糯煙韌餡料亦夠豐富～ ———————————————————
🔹魚湯鮮竹卷
呢款魚湯鮮竹卷值得推介～材料豐富嘅鮮竹卷加入魚湯蒸制，食落啖啖滿足～魚湯加入芹菜，飲落鮮甜清香～ ———————————————————
🔹鮮蝦長春卷
即叫即炸，大大條卜卜脆！蝦肉彈牙得來鮮味十足，加入喼汁一齊食，微微酸夠惹味～ ———————————————————
🔹瑤柱珍珠雞
珍珠雞用料充足，蒸製火候啱啱好～餡料醬汁濕潤足料，搭配煙煙韌韌韌嘅糯米飯粒，大滿足！ ———————————————————
🔹蜜汁叉燒腸
蜜汁叉燒腸即叫即蒸，餡料豐富，腸粉外皮又夠薄，加埋甜豉油好正！ ———————————————————
🔹流心奶皇包
最後我哋叫埋流心奶皇包，作為甜品就岩哂～流心奶黃餡，鹹鹹甜甜，又夠香滑，完美地為呢一餐畫上句號～ ———————————————————
😋味道：4/5
🏢環境：4/5
💁🏻‍♀️服務：4/5
💵價錢：4/5
🤟🏻性價比：4/5
———————————————————
👅整體小總結
呢間「鋒味廚房」主打即叫即點心，價錢親民之餘，食物種類亦夠晒多元化～
除咗點心之外，更提供多款炒粉麵飯，晚市亦有精選龍蝦及蒸魚套餐，包羅萬有～

. 今晚去左屋企附近嘅人氣茶餐廳 - 賓墟冰室💁🏻‍♀️ 突然有d懷念港式茶餐廳風味 吃港式茶餐廳我一定會來呢度 - 賓墟冰室 賓墟係我經常會去吃的茶餐廳，好推薦✨ 晚餐最推薦!!! 就係脆皮德國咸豬手、蒸魚套餐 兩人餐還送青菜!! 四人餐更免費送雞翅呢 想食蒸魚/脆豬手套餐一定要早d黎食或者打定電話落去留左先😻 脆皮德國咸豬手 餸如其名真係好脆口，餐廳更特製左一款芥末醬，份量足夠2個人食，好抵食😆✨ 餐廳服務好好，一入餐廳店員介紹我食脆皮德國咸豬手🤩，坐隔離嘅食客已經同我講好好食架，咁我一定要試下啦😝 餐廳係正青衣城隔離，位置好方便😻 ………. 地址： 賓墟冰室 (青衣) 青衣牙鷹洲街8號灝景灣購物中心地下1號舖 ……….

有好幾年喺沙田工作，附近嘅食肆都俾我試過。唯獨盛記的蒸 永遠喺個心目中係no.1👍👍👍👍 近幾年已經離開咗沙田 沙田區，就算轉兩次車都會黎 盛記 食佢 又鮮又嫩滑的 蒸魚🐟 逢星期一至五 蒸魚套餐 只係 $50 ，包以下： 蒸魚一尾 🤭 （鯧魚，紅衫魚，盲曹 ⋯⋯ 老闆只會將當天早上新鮮 放入蒸爐 😉） + 圓滾滾一碗白飯+新鮮油菜一碟+湯或飲品。 老闆真係超級良心🥰 我都好懷疑老闆有冇賺錢🤦🏼‍♀️ 當你坐咗喺，就會感受到佢哋嘅人情味，老闆同員工都好勤力。老闆有嗰種親和力的老實人，殷勤工作做好自己嘅麵，用真材實料建造自己嘅品牌👍 就算去到邊度，都好掛住老闆嘅蒸魚