甜品老媽 (已結業)

行完年宵係天后緊係要食翻個甜品先完滿架啦，嚟到甜品老媽本來諗住食翻個熱辣辣waffle，點知新年換左個新年menu，cut左好多野食，靜低d湯圓啊西米露個d，本身有d失望，但係好彩呢個應該係新年先有嘅風生水起撈都幾好味，佢有5隻口味分別代表金木水火土5個元素，而我今次就試左代表木嘅抹茶口味。 呢個甜品有西米露加啫喱，雪糕（我個款就係綠茶雪糕），水果（綠色嘅代表緊係奇異果啦），同埋人見人愛嘅馬卡龍，一次過滿足你幾個願望，對於選擇困難嘅人嚟講，呢個甜品乜都有，唔使煩惱。味道方面，咁多樣野夾埋整體都唔錯，粒馬卡龍唔會太甜，水果唔酸，加埋冬天食雪糕係常識吧，太滿足啦，期待下次再嚟天后要試埋其他口味。

是日朋友生日,知道清風街一帶有好多糖水鋪,所以,放學之後帶左佢去清風街~睇左好多間,都係覺得依間既野食比多樣化同吸引啲,加上環境唔錯,就揀左依間有選擇困難症既我地揀左好耐,其實,都好想試佢個老媽皇牌拼盤,睇落好吸引,同埋$95都算抵食,下次可以試下~整體環境唔錯,五點幾果陣無乜人,有包場FEEL~ 不過,店員依個時候比較忙於整理咁~最後我地揀左兩人用的比利時窩夫同招牌杏汁蛋白,因為本身鍾意食豆腐花,所以,比多5蚊加左豆腐花~總括黎講,依間餐廳既招牌杏汁蛋白絕對值得一試,有機會我再黎試依到既皇牌拼盤,特別係心太軟!

琴日放學去天后買校服 見到天后有好多糖水鋪就心思思去左食 見到d 餐牌都幾吸引 就入 左去 諗黎諗去 最後揀左士多啤梨世界$31(士多啤梨雪糕+士多啤梨+西米露+椰汁底)本身想靖係叫士多啤梨西米露 但友人話加多個雪糕無咁dry 而朋友嗌左楊枝甘冰$41個雪糕真係好唔掂 陣味好奇怪 影響左整個甜品 而朋友嗌個個就幾好味 但西油偏苦 整體叫唔錯 最後好失望埋單閃人

晚餐完經過就去食下甜品，　見呢間對比上吾洗排甘耐隊就食呢間，叫左個雪糕窩夫，外表裝飾算幾覵，　有香蕉片同朱古力醬做底，側邊一個匙根放左一個方滿朱古力醬既雲尼拿雪糕，　雪糕幾好食，　可惜個窩夫比較林同咪吾夠熱，　所以食落口感一般整體表現平平

又一次証明ig威力嘅一餐~ 朋友係係ig見到張相 比佢地新出果個金木水火土糖水吸引住左 去開果頭就即管過去試下啦~ 朋友揀左藍色果碗糖水 都唔記得個名 不過係藍莓味嘅 根據朋友feedback係幾得意 不過就有少少藥水味 怪怪地… 我本來係陪伴嘅角色就反而搵到好野食! 鍾意綠茶嘅我一見到個綠茶心太軟就梗係即刻叫啦! 來到個雪糕上面有裝飾都幾吸引~ 但未上枱前個心太軟已經穿開左漏左D filling出來 不過都唔緊要 一食落口好香綠茶味 唔似上環間好出名嘅綠茶café咁有陣草青味 哩個係純粹一股綠茶香味 又唔太甜 味道岩岩好! 不過個雪糕就熔得好快 都無乜食過就熔哂…

諗住試下新嘢。。點知一試就出事。。。由於好口渴嘅原因，我地叫咗一杯西瓜汁一杯士多啤梨汁，兩杯嘢難飲程度係極不可接受。。成杯都係糖水，甜到想嘔，藍梅綿綿冰又係好甜，價錢又貴。。。一定無下次。。。😱😱😱😱😱😱

放學等補習就同朋友去左甜品老媽食野今次又係afternoon tea + early dinner三人組不過少左一個今次我食佢地嘅新產品「撈野」芒果味椰汁西米露+芒果雪糕+芒果+星星形黄色椰果+一粒好細嘅芒果macaron我覺得同普通嘅芒果西米露無咩分别，只係多左d gimic佢有4隻味嘅不過都無咩吸引我再食呢個撈野有少少得個樣實質平平無奇

天后清風街18號玉桂蘋果窩夫 $44WAFFLE 外脆內裡結實, 富雞蛋香,但相對很小一塊, 像街頭買到小WAFFLE一樣,以$44元一份來說很貴。蘋果加了玉桂粉, 玉桂沒有太搶同蘋果清香很協調,而果肉外軟而中心保持爽口,沒有煮到全軟爛,是吃過眾多的口感最對我心水。朱古力雪糕由雪櫃不停拿出拿入,表面結了層冰, 吸了雪櫃中的雪種味,對味道異常敏感的我一吃大感不悅。綠茶梳乎里$38綠茶沒與蛋白好好地混和,用綠茶粉溝水而做成的綠茶水,苦而不甘,攪蛋白時也不平均, 吃到是不期意的苦味,味道偏甜, 似吃空氣泡卻沒有彷蛋糕的軟柔,應說是失敗了的作品, 齋焗蛋白泡。 

今天，專程由將軍澳坐車去甜品老媽，因為上次吃完沒寫食評，其實天后一带好多甜品店…不过我最愛就是甜品老媽…因為是下午4點半…去到就有位置。我們叫了幾樣甜品，當中有益力多雪花冰、杏汁蛋白、芒果腸粉……杏汁蛋白好正，味道好香，心太軟賣相非常吸引，唔太甜，朱古力夠香濃，口感很好！芒果腸粉……好正呀....河粉好滑.是我至愛..下次一定再來...

見這間不用等位，儘管一試，但中伏。中式甜品不夠熱，湯圓皮厚及黏在一起(黏住的地方不熟），糖水味道較稀。西式甜品味道比較好，但同行朋友的綠茶心太軟送來時已嚴重爆開，店員竟然跟我們說爆開咪新鮮囉 ，我們笑說另一朋友的朱古力心太軟無爆開咪即係唔新鮮，我們發現有其他店員向我們怒視。而朱古力心太軟的朱古力味亦不濃。天后有這麼多間甜品店，下次都係寧願等都唔好貪快！

同老婆行完花市, 想搵個地方坐下食舊CHEESE CAKE, 就搵左黎呢間.Lemon Cheese Cake - 無純Cheese Cake, 所以唯有點呢個, 賣相唔錯, 食入口個感覺好似放左好耐, 唔係好新鮮啦;腐竹白果豆腐花 - 好淡, 水一樣, 懷疑無落糖囉, 只能夠咬下粒白果先覺得有味.服務方面, 呢間店拉客就好殷勤, 但厄左你入去後就變身一樣, 招呼有D差.

早前跟2個姊妹到天后覓食才5:00時間還早便逛一逛看看哪裏有甜品經過甜品老媽看到有芋圓就毫不猶豫向店裏進發！我們3個都點了芋圓～她們倆點了薑湯而我就點了這個芒果紅豆的芋圓很有嚼口！超愛芋頭香味也頗強紅豆甜甜的，芒果雪糕令整個甜品更香更甜一定會再來(:

同女友食完飯，突登由深井揸車到北角，因為有為食朋友介紹北角新開左甜品老媽，所以就過去試下。睇完menu揀左我至愛既心太軟同埋紅豆沙湯丸，侍應有禮地話2個都要等一等。咁都好合理。點知1分鐘唔夠，紅豆沙湯丸已經到左，我以為佢上錯仲同佢講無叫，點知真係我地叫的。之後過多1分鐘心太軟都黎埋。呢個係史上最快完成心太軟紀錄。一見到心太軟，賣相已經唔得，有2個位穿左。我已經跟女友說: 可能好食呢。點知第1口已經感覺唔夠熱，連心太軟最基本既要求都做唔到，再食第2口係凍的。之後已經嬲到唔想再食，同女友即走。最可惜係太嬲唔記得影相!

本人並非甜品愛好者尤其去到那些門口已有榴槤味的店子,甜品比較為愛中式的,傳統的.見秋天喉嚨有點乾而且很想吃杏仁杏汁之類的所以冒險試一次吧.下午四點左右人不多我喜歡,舒服D.就點了招牌菜杏汁蛋白,老闆Vincent斯斯文文的後生仔親手做,(聽朋友講他不是這行出身的,原本正職是尊業人仕呢)等了五分鐘就有了,很香滑,最緊要是口感好舒服也不會像吃砂糖糊.寫明採用美國蛋也是賣點之一 我想應該會有下次的,念念不忘,必有迴響!!

朋友都覺得我從荃灣跑來天后吃東西，是很傻的行為。不過我覺得，如果因為遠，就錯過滿足味覺，滿足心情的機會，就才更加傻呢！人，要令自己生活得愜意。好，說回正題。其實我在飲食男女的APPS已看過，知道這次要吃的東西，份量都不少。可是，因為同行者覺得直接吃甜品不好，習慣了先吃些鹹點下肚，所以我們在此前已經吃了泰國菜。來到甜品老媽，可能時間太早的關係，內裡只有一對男女，我跟朋友不管了，也就進去了。甫坐下，女侍應便殷切地拿著餐牌向我們介紹甜品。然後我向好表明來意，說是要使用飲食男女的團購劵。她請我出示APPS的電子券後，就立即告知解鎖密碼，著我自己輸入。我覺得這個做法比其他餐廳較合理。之前的餐廳侍應都會把我的手機拿走，有點不安全呀。始終也是私人物件，而且電話更是解鎖的嘛。在這方面，我覺得這裡的處理手法值得加分。到底我來是吃甚麼呢？就是最近很熱門的窩夫。而這裡的是「比利時魯塞爾一口窩夫」（二人用）為何一定是２人用？因為它的特點是每種口味均有２件，有４款口味，共８件，原價約$75吧。一次過吃４個不同口味，窩夫迷一定不能錯過！如圖所見，４款口味分別是士多啤梨、香蕉、藍莓及芒果。水果很新鮮的，因為我們嘗到