博洛尼亞 (已結業)

用餐前，我拍了食物照。隔了一星期，看著照片，我openrice了很久，也說不出食物的名字。因為沒有深深觸動到我的味暮。不是特別好吃，不是份量很足，只是平平凡凡的一餐。比食物深刻的是環境，沒有太多人，平日午市不必等位，可以靜靜坐著看風景，不怕有人催趕。只是離去時有段小插曲，侍應以為我們沒結帳，實是在用餐前付了錢。溝通不清楚吧，不要緊。

9月27日，今日嚟咗Hysan Place搵食～ 又比呢度嘅麵包吸引住！::: 卡邦尼汁煙肉蘑菇意粉 + 粟米湯 + 凍檸檬茶 ::: $72 + $12 + $45好喜歡呢款日式粟米忌廉湯，香濃甜美！仲有粒粒粟米～ yummy～卡邦尼汁煙肉蘑菇意粉亦係一貫日式風格，忌廉味較重，煙肉好大塊、蘑菇片亦都好大塊，意粉都夠彈牙，唔錯！最讚當然係塊丹麥麵包！輕輕烘過嘅麵包牛油香、麵包脆～ 超惹味！但又食包又食意粉確係有少少飽⋯凍檸茶就正正常常～::: 夏威夷漢堡扒飯 ::: $65呢個飯有半碟都係薯條, 所以就算佢唔俾碗飯, 都已經幾夠下~ 漢堡扒肉地幾嫩, 唔會煎到好實好熟咁, 個汁就好似洋蔥汁, 甜甜地都幾開胃~ 叫得夏威夷, 又點會冇塊菠蘿. 不過就好薄唔多汁, 麻麻地... 配菜除咗薯條之外, 仲有沙律菜同粟米, 呢餐真係澱粉質豐富! 沙律菜幾新鮮同粟米都爽, 薯條唔係炸得好熱氣有少少淋. 整體都十分不錯~每次食完都好想買埋d麵包吐司返屋企再encore～

食物味道一般,拿破崙意粉的醬汁味道跟茶餐廳茄汁豬排的沒兩樣,醬汁很稀,而且份量很少。煎三文魚味道普通,而且份量小得驚人,實物如圖。味道最好的就是伴煎三文魚的焗釀蘑菇。

隊長本身對麵包無乜好感, 老媽子買左部麵包機返黎, 日日都食麵包, 我更加驚左麵包.之前見博洛尼亞排晒長龍, 而且D麵包都幾貴下, 廿幾蚊得幾塊, 我真係零興趣~ 行過希慎, 見到開左間博洛尼亞, 可能時間早啦, 唔駛排隊喎, 同事又想食, 試下啦~ 我叫左個最少麵包既all day breakfast食, 同事叫左個三文治食, 真係第一次食佢既麵包, 真係幾好食, 跟all day breakfast果塊係法包, 但佢做到外脆內軟, 而且麵包都好新鮮, 搽少少牛油已經好香; 同事切左少少佢個三文治比我食, 嘩! 佢果個仲好食, 早知叫三文治, 麵包超級鬆軟, 係可以一絲絲甘撕開, 麵包本身係帶住少少甜, 而呢個三文治既麵包仲要搽好牛油, 微熱既麵包熔左D牛油, 再索埋入麵包, 連我呢個有"麵包驚恐症"既人都覺得好好味~ 怪唔之得佢既麵包賣得甘貴啦~

又給餐廳的照片騙了！想跟兒子吃餐好的，結果給人騙了餐牌上的牛扒看上去有點厚度，點了一份三四成熟的，結果來了一份7成熟的，還有一大塊肥油，投訴了，他居然說他做不到三成熟，那客人下單的時候就應該跟客我說啊，做不到三成熟。結果重新換了一塊牛肉，還不是做到三成熟給我！那塊牛肉多筋多肥油！我那個三文魚也是薄薄的一片，拍照他拿了角度來拍，大家千萬不要去這家。在銅鑼灣希慎廣場的十二樓，所謂的日式西餐廳！東西難吃，是吃不飽！

見朋友介紹呢間話幾好食，抱住吃好西且興奮的心態。去到食，雖則好快有位，但係等野食等左好耐，約20分鐘都有，叫啲侍應追下單好幾次，眼見佢地起到傾計，完全冇諗過要追單，仲見到好多枱客都遲遲未黎，都見到其他客係好唔耐煩。間野係開放式廚房黎， 其實係見到有幾個餐已經煮好，但係啲侍應就起到傾計，好似冇諗住要出餐咁。 約二十分鐘，餐終於黎，不過個意粉係凍嘅....廢事又等勁耐先到，就食左幾啖冇食，唔好話個意粉未熱，熱左都唔好食得去邊，冇乜味道，好似食緊岩岩煲熟左嘅意粉咁，只係賣相係見得人。叫左個咖啡又遲遲未理，之後就叫上得甜品，今次出得快喇，點知個侍應落錯單。唉...算喇。拿拿聲退左即刻埋單走人。。。話唔要個時，個侍應態度差到呢。。。呢間野真係負皮都比多佢。總結：等得耐，出得耐，賣單耐，服務差，得個睇

團購左兩張一百蚊現金券星期五晚上去到不用等位，大約只坐了一半客人set dinner 價錢由百多元至二百，散點大部分一百元以下。我地散點左雜菌漢堡扒，拿破倫意粉同蛋糕配movenpick ice cream set雜菌少得可憐，漢堡扒煎得幾香，都幾Juicy,幼薯條香脆，點蒜溶汁好正拿破倫意粉唔掂快餐店水平，伴碟麵包也退步了cake set揀左士多啤梨tart 配chocolate movenpick 雪糕細球左d,兩人share完全不滿足，士多啤梨tart 唔錯，中間有吉士忌廉，呢個set $52價錢ok,可encore

今晩跟朋友來到希慎廣場食博洛尼亞，每次來到都是被他們的丹麥麵包吸引著。博洛尼亞係意大利一個古老城市的名字，而此店的故事是要將日本的"奇蹟之麵包"帶來香港。要將意大利傳統美食加上日本的高品質的食材，帶比香港食客。今晚小的與朋友叫了三文魚意粉及豬排三文治。意粉沒有太大驚喜，而且份量及味道有些下降。豬扒三文治，因為丹麥麵包關係，還能保持水準，丹麥麵包鬆軟可口，一層一層的丹麥麵包令小的及朋友覺得是本餐精點所在，非常滿足。

好似大排檔招乎無下次，又其是侍應太串咀，唔想做就同老板講唔好發洩在客身上，好少未食已咁大反應，食物價錢又貴唔算平且，加上服務差，之前在中環食過感覺唔錯，但今凂非常可惜，如果服務好就會有下次，差就無下次，無人幫襯佢咪無糧出，極之差太失望

今日一家大小諗住開開心心食餐飯,去到餐廳基本上已經好多人,眼見樓面只有4個人,人手不足,但亦都沒有什麼太大問題,侍應亦都很快幫我地落單, 但廚房就極之極之耐!!!!!!我地一直催單,當我滿心歡喜享受我既卡邦尼意粉 發現意粉份量極少!!!!!!少到我都不敢再相信 可以話2啖就食晒!!跟以前不一樣 !!!另外有一個甜品 焦糖香蕉 等了有40分鐘以上 我們一家人都不想為難侍應 佢地亦都有幫手催促廚房,害我們成家人食餐飯都不如意 一定冇下次!!!全晚只有等等等等等

今晚跟朋友在銅鑼灣逛街，逛到差不多晚飯時間，大家也肚子餓啦～ 剛好逛到希慎廣場，就去看看有什麼好吃啦～ 雖說是平日，但晚上的銅鑼灣，依然是很多人呀！幾經辛苦，終於在博洛尼亞搵到位啦～ 不過，這未必是一件好事呀...餐點的選擇也不少，有Set dinner，也有散點的菜式～ 散點主菜只要加四十大洋就可以轉餐，餐包括前菜、湯或飲料，主食一份，也頗化算的～ 所以我們就各點了一些來分食啦～周打蜆忌廉湯，是跟餐的湯，忌廉湯很厚身，只有兩、三粒蜆肉，所以湯也沒有很鮮味，而且忌廉味也不重，雖加了幾顆麵包粒，但麵包粒談不上鬆脆，反有點像隔夜麵包粒，沒有為忌廉湯加分之餘，反倒扣分了呀！吉列蝦沙律，也是跟餐的，蝦子炸得香脆，可惜蝦子的質素不佳，不爽口也不彈牙，軟趴趴的，不吃也罷～刁草忌廉汁煎三文魚，三文魚煎得香脆，可是也煎得過火了，不夠嫩滑～ 忌廉汁也沒有什麼味道，反倒是伴碟的芝士烤大啡菇較為吸引可取～亮點是伴碟的包包，是博洛尼亞最有名的丹麥包，外層香脆，內裡鬆軟，稍稍涂抹一點牛油果醬就已經很好味了～卡邦尼意粉，水汪汪的醬汁，一看已經知道不合格！雖然意粉是煙韌有嚼勁的，可是作為靈魂的醬汁竟是如此而已，又怎

見呢間lunch time唔算多人，唔使排隊，加上慕「丹麥包」之名，所以嚟試下set lunch。其實set lunch款式不算多，只得三款，勝在夠大路，我揀咗「丹麥包、沙律、肉醬意粉套餐」。丹麵包同預期一樣，厚厚的半片麵包經微微烘過，令牛油香氣更四散撲鼻，外脆內軟，食到一層層的層次感。雜菜沙律就普通咗D，酸酸地，尚算醒胃。肉醬意粉幾好味，軟硬適中，醬料味道恰到好處，酸酸甜甜，但份量少咗D，男人應該唔夠食喎！服務方面就差咗D，可能我坐喺吧枱，唔係好睇到我，好難叫到侍應。﹝但當時只有幾張枱客人，不算忙！﹞

見完客，有點餓，又有點累，便找個地方坐坐，吃個下午茶補充一下。坐在窗邊位置，以為自己身處電影《單身男女》中。翻著餐牌，其實沒一樣吸引眼球，沒一樣讓人有「一定要試」的念頭。就隨意點了個Melon Bread的tea set。等了大約10分鐘（或許更短的時間），先送上熱咖啡。illy出品，其實我不愛意式咖啡機製作的咖啡，這杯咖啡除了甘味（說白一點是苦味），就沒有咖啡應有的香氣、酸味與回甘。簡直想倒了它。隨後職員端上一個仍有點微熱的煎pan，就是Melon Bread配Movenpick的士多啤梨味雪糕。賣相怎看也像個雪山菠蘿包，內裡夾著的雪糕球，竟然比外邊的忌廉還少。落單的時候，也問過職員麵包的味道，他說是melon（蜜瓜）味，但吃著實物，除了包面糖粒的甜味，連人工蜜瓜味也沒有。雖然不願意浪費食物，但更不願意難為自己，我吃了一半就放棄了。嚐新，有時真的需要付代價。

一向鍾情於博洛尼亞的丹麥麵包，以前經過尖沙咀Lcx一定會買來吃。不過自從尖沙咀店結業後便吃不到了。剛巧看到銅鑼灣店推出了團購優惠，而最近也常到銅鑼灣，所以給自己多一個選擇。我們點了粟米湯($25)，和風雜菌漢堡($70)和拿破倫意粉($74)。先來粟米湯，日式外表，精美吸引。粟米湯非常濃郁，不是加了大量水的稀湯成品。它還加上已烘的麵包粒，濃濃的粟米湯和香脆的麵包粒是世上絕配，麵包粒的牛油香沒有被湯所蓋過，反而更使其突出，但一定要在麵包粒還未浸林前食，否則便會大打折扣。和風雜菌漢堡，令人失望旳一道菜。沒有牛肉味，沒有肉汁，也沒有洋蔥等配料香味，只覺得加了不少麵粉，口感粉身，超市的漢堡扒比它還要好吃。薯條同樣失敗，大概是沒有回鑊的原故，薯條表面明顯有一層油，幼身的薯條不香脆又沒有薯仔味。之前已試過她的意粉，早知道是中規中舉之作。不過意粉會跟一塊丹麥麵包，為了那塊麵包，還是要點意粉。充滿牛油香的麵包，不用多說，4口便把它消滅。拿破倫意粉就是普通茶餐廳的茄汁意粉，幸好意粉還算硬身，可以給它合格分數。

今天經過見無乜人,便入去試食一下! 叫了個漢堡,等了二十分鐘有多,結果來到,薯條是凍的, 叫個侍應哥哥換,他好似聽唔明咁。。。 最後第二個侍應來,先幫我換返。。。 後來叫他們酌水, 又以為我埋單。。。 總之, 那 10% 服務費是白比的!!