新肥泉海鮮大排檔

營業中

休息中

今日朋友話帶我食放題，以為又係果啲大XX食日式刺身壽司果類，點知去到原來係大排檔，真係夠哂驚喜。地方雖然偏僻左啲，但估唔到都有唔少人幫襯，咁應該真係靠得住。黎大排檔食就一定要試小炒，我地叫左椒鹽豬扒、尖椒炒雞雜、回鍋肉、水煮魚。椒鹽豬扒香口惹味，豬扒夠淋身，唔會好鞋口，配椒鹽食簡直無得輸。豬雜牛雜就食得多啦，雞雜真係好小餐廳有，所以忍唔住叫左黎試下。雞雜裏面有雞腎、雞肝、雞腸，雞腸係最特別，有咬口得黎又好香雞味。回鍋肉好夠鑊氣，五花肉充滿油香，椰菜爽口，增強口感同豐富左成道菜既層次。水煮魚夠哂辣，魚肉嫩滑無骨，食得好過癮，份量多到差啲食唔哂。