悅火 (裝修中)

明太子魷魚漬伴三文魚子，香魚甘露煮，水果蕃茄，磯粒貝放埋一碟，係前菜之一，每款少少地，我最中意食明太子魷魚漬伴三文魚子，明太子魷魚唔會太咸，伴住三文魚子，鮮味十足，其他都好好食！另外毛蟹刺身，馬糞海膽配青檸啫喱亦好特別，蟹肉刺身好鮮甜，蟹肉質感好好，同軟綿綿既海膽一齊食，仲有酸酸地既青檸啫喱，成個口感味道都好有層次！而北寄貝，帶子，樽菜亦係一小碟，咸咸地佐亦食到鮮味，幾好！煙熏鰆魚亦係第一次食，真係好濃煙熏味，魚肉亦幾有咬口，都好得意！深海池魚同白身魚薄切都肥美，好鮮嫩，肉質好好，薄薄地都好好食！汁煮八爪魚就酸酸地，八爪魚好有口感，煙煙韌韌，都係幾特別既！壽司八品就有油甘魚，沙錐魚，富山白蝦，拖羅，吞拿魚，金目鯛，赤鯥魚，海膽，最深刻就係沙錐魚刺身，真係第一次食，原來口感咁得意，魚肉好軟綿，另外既白蝦都係好好食，好彈牙，好爽口呀！卷物入面既三文魚都好新鮮，好肥美，好出色既卷物！最後既鯛魚清湯同蜜瓜都係好好食既，最中意係蜜瓜，真係日本直送，好清甜，一流呀！