斑蘭

營業中

休息中

晚上去左圓方呢間新加坡馬來菜餐廳，餐廳裝潢幾靚，座位寬闊。首先叫左兩份串燒。越式香茅雞肉串同蜜糖烤菠蘿，越式香茅雞肉串烤得有炭香味，雞肉配左啲開胃醬汁，增添辣味。蜜糖烤菠蘿一開切左一件件，烤菠蘿好多汁。小食另外叫左越式香茅烤豬頸肉，豬頸肉夾左啲油脂，肉質有咬口。最後叫左清萊菠蘿海鮮焗意大利飯，海鮮有青口、蜆、海蝦等等，海蝦肉質幾彈牙，焗意大利飯夾住菠蘿汁嘅香味，意大利飯較濕潤。意大利飯都會配左件烤菠蘿。整體食物味道正常。