大山日本料理

營業中

休息中

今日約左舊同事聚舊，佢約我嚟呢間大山日本料理。一入到嚟環境成個日本居酒屋咁，好有feel!火炙薄燒A5和牛壽司，朋友點比我食，和牛大過成隻手掌，真係誇張又吸睛，食落滿滿油脂同和牛肉香，嫩嫩好味！蜂蜜芥末炸雞蜂蜜芥末唔會太辣調味啱啱好，特別開胃，炸雞夠曬脆，入面嘅雞肉又夠嫩。牛肉壽喜鍋：同事好鐘意食壽喜燒，呢到嘅湯底唔太濃或者太甜。牛肉片份量都唔少，配料有菜，雞蛋，腐同粉條，吸引湯汁好滋味!鰻魚炒飯個飯炒到夠晒香， 粒粒飯粒，鰻魚粒夠足料，落足本，加埋惹味鰻魚汁，好食。炸雞軟骨我真係好鐘意食雞軟骨，細細粒又有咬口，外皮炸得夠香，正！明太子雞翼雞翼入面嘅餡料係滿滿嘅明太子，雞翼夠嫩，明太子嘅香味令雞翼味道更加豐富。大阪燒大阪燒底部煎得夠香脆，上面嘅醬汁永遠都係咁令人鍾意，加埋木魚絲，完美組合。