唐坊火鍋私房菜

🐻夏日依然熱辣辣，🐻👨🏽打邊爐既癮都停不了。今晚揾左間地點就腳既唐坊食，係正旺角同油麻地交界，好方便食完返歸。上到譽發廣場23樓的唐坊火鍋私房菜，入眼係大玻璃高處欣賞到旺角既景色，真係去左旺角咁多年都係第一次用咁個視野望。🐻👩🏻想食酸少少，點左個蕃茄薯仔牛牛鍋，店員介紹可以先飲一碗湯先開始打邊爐，飲落一股香濃蕃茄味，清香舒服，唔好睇小湯底既牛肉，食落好有肉味又唔柴口，真係深藏不露。口痕痕叫左個椒鹽粟米，一上枱就好香椒鹽味，粟米香甜多汁，椒鹽好入味，打開哂🐻👨🏽既胃口。🐻打邊爐點少得食牛肉，來碟頂級手切肥牛，燙幾下入口牛味濃烈，口感嫩滑。韮菜餃拼蟹肉餃，外皮同餡料比例啱啱好，食到韮菜既甜同蟹肉既甜。🐻之後既手打蝦滑，蝦肉新鮮彈牙，味道鮮甜。食左咁多肉梗係食下素，蜂巢豆腐口感綿滑，台灣豆腐紙好濃豆味，食落係一種嫩滑既感覺，兩種豆製品都好有質素。成餐邊爐都係重質不重量，🐻👨🏽食完都好滿意，開開心心咁返🐻居。