西塘花記 (已結業)

食彩虹嗒彩虹之彩虹餃子🤣 最近響灣仔天樂里發現咗間近開嘅舖頭，無論係門面定內部裝修都好中式園庭feel都幾啱打卡下，而佢地啲餃子就更加IGable✨最eyes catching一定係雨花石水餃，一隻餃有紅黃綠三隻色，當然所有顏色都係用蔬果製成冇加人造色素啦😗內餡就係用馬蹄同豬肉，口感爽脆✨ 另一打卡必點一定係招牌五福水餃，五種顏色五種口味，個人最鐘意黑色海三鮮同紅色蕃茄牛肉，前者勁鮮味，後者茄香清新✨至於店內唯一煎餃選擇嘅韭菜蝦肉都非常惹味，入面仲有隻真蝦肉添😮其他嘢例如前菜海蜇頭口感滑溜酸汁開胃，飲品南瓜露同紫薯露都係鮮榨，好健康但唔係好夠甜😗