影片
更多
2天前
0 瀏覽
呢一間係意式餐廳，位於灣仔和昌大押，佈置上用咗傳奇女星Sophia Loren作為設計主題，所以牆上面都會掛咗Sophia Loren嘅掛畫，用深藍色嚟做主調，亦都有露台位置可以坐🔸鱈魚椰菜花沙律 $228呢一款係傳統菜式，將鹽漬鱈魚同橄欖、水瓜榴、檸檬去搭配整成一款沙律，第一啖食落去會係橄欖、檸檬等等清新嘅感覺，然後鱈魚本身自帶既鹹味就會滲出嚟，但係其實經過煮咗之後佢嘅鹹味已經低咗，鱈魚本身嘅質感係煙煙韌韌，連埋其他配料食口感豐富，味道幾特別🔸雜錦拿玻里酥炸米球配燉牛肉 $198底下有啲薯蓉墊底，上面放咗一個炸米球，炸得好脆，入邊包住燉牛肉，牛肉味濃郁，配埋炸米球嘅脆身，口感同味道唔錯🔸索倫托薯仔丸子配蕃茄汁及巴馬臣芝士 $188呢一款係意大利經典傳統美食，其實就係用薯蓉做成丸子再配番茄醬，食落去個口感有啲似韓式年糕，但係未到嗰一種煙煙韌韌，呢一款丸子係有小煙韌，食到薯仔味，配咗蕃茄汁同芝士，味道濃郁，食落去好飽肚🔸蒜香鯷魚意大利粉 $208呢一碟意大利粉好Creamy，醬汁係用咗蒜蓉、芫荽、鯷魚加埋牛油，然後將意大利粉放埋落去拌勻，意粉掛晒汁，有好香嘅蒜蓉、牛油、鯷魚味，另外呢一碟
🔸鱈魚椰菜花沙律 $228
呢一款係傳統菜式，將鹽漬鱈魚同橄欖、水瓜榴、檸檬去搭配整成一款沙律，第一啖食落去會係橄欖、檸檬等等清新嘅感覺，然後鱈魚本身自帶既鹹味就會滲出嚟，但係其實經過煮咗之後佢嘅鹹味已經低咗，鱈魚本身嘅質感係煙煙韌韌，連埋其他配料食口感豐富，味道幾特別
🔸雜錦拿玻里酥炸米球配燉牛肉 $198
底下有啲薯蓉墊底，上面放咗一個炸米球，炸得好脆，入邊包住燉牛肉，牛肉味濃郁，配埋炸米球嘅脆身，口感同味道唔錯
🔸索倫托薯仔丸子配蕃茄汁及巴馬臣芝士 $188
呢一款係意大利經典傳統美食，其實就係用薯蓉做成丸子再配番茄醬，食落去個口感有啲似韓式年糕，但係未到嗰一種煙煙韌韌，呢一款丸子係有小煙韌，食到薯仔味，配咗蕃茄汁同芝士，味道濃郁，食落去好飽肚
🔸蒜香鯷魚意大利粉 $208
呢一碟意大利粉好Creamy，醬汁係用咗蒜蓉、芫荽、鯷魚加埋牛油，然後將意大利粉放埋落去拌勻，意粉掛晒汁，有好香嘅蒜蓉、牛油、鯷魚味，另外呢一碟意粉有幾片鯷魚可以直接食，建議拌埋意粉食會好啲，因為就咁食鯷魚嘅鹹味會偏重
🔸烤八爪魚配燈籠椒醬及意大利青瓜 $288
呢一碟味道好有驚喜，首先係烤得好香炭燒味，無論係八爪魚或者意大利青瓜，都食到好香炭燒味，八爪魚好夠大隻，所以佢切一片片切到好厚身，就會更加有口感，意大利青瓜燒得夠晒淋，燈籠椒醬個味道好出，拌落去八爪魚或者意大利青瓜都會食得好開胃
🔸香煎白鱈魚配蘆筍及蕃茄橄欖莎莎醬 $298
白鱈魚面頭煎到金黃色，外皮食到好脆，保留到魚嘅嫩滑同鮮味，蘆筍煮得好夠爽，莎莎醬係酸酸地，食落就會冇咁漏
🔸意大利芝士蛋糕 $98
少有見到依個擺盤嘅Tiramisu，好似一件藝術品咁，咖啡雪糕好濃郁咖啡味，cream做得好幼滑，有一片細細嘅啫喱，另外仲有一個好吸咖啡味嘅海綿蛋糕，好驚喜嘅一個甜品
張貼
