影片
更多
2022-01-11
239 瀏覽
可能位置太隱蔽，平安夜食都唔係等好耐，6點幾等到7點幾就入得。節日食到飽都只係人均$180，有前菜同甜品，好抵！！唔肯定其他分店點，灣仔全部staff都係外國人，要講英文。食物方面：無叫餐每人都有一塊法包，麵包用紙袋包住，食法好特別，唔係搽果醬/牛油，而係點橄欖油配黑醋，對於我係好新奇嘅食法，但我都係鍾意搽牛油多啲。牛肉他他芝士碎加生牛肉碎條，芝士味好濃，無乜牛肉味，牛肉質感爽口。墨魚汁意粉通常食墨汁意粉係白意粉配墨汁，尼間墨汁已經同意粉結合，唔會食到成嘴黑曬，醬汁微辣，配上少少蝦粒，好開胃味道好鮮甜。牛肉千層面面有一層烤芝士，中間爆多肉醬，味道偏濃。意大利雲吞雲吞皮有啲厚，醬汁同菇菌超好食！雲吞入面餡料係黑松露忌廉醬，好creamy, 好少食黑松露食物有咁多片黑松露片，感覺好豪華🤩甜品Tiramisu 見到好多食評都推薦食，一於試下。口感好滑好soft同creamy，入口即融，果然係必試食物。panettone專登order份聖誕甜品。一開始以為係蛋糕，原來係似蛋糕嘅麵包，配上nutella醬，普普通通無乜特別，榛子醬反而最好食😂
唔肯定其他分店點，灣仔全部staff都係外國人，要講英文。
食物方面：
無叫餐每人都有一塊法包，麵包用紙袋包住，食法好特別，唔係搽果醬/牛油，而係點橄欖油配黑醋，對於我係好新奇嘅食法，但我都係鍾意搽牛油多啲。
牛肉他他
芝士碎加生牛肉碎條，芝士味好濃，無乜牛肉味，牛肉質感爽口。
墨魚汁意粉
通常食墨汁意粉係白意粉配墨汁，尼間墨汁已經同意粉結合，唔會食到成嘴黑曬，醬汁微辣，配上少少蝦粒，好開胃味道好鮮甜。
牛肉千層面
面有一層烤芝士，中間爆多肉醬，味道偏濃。
意大利雲吞
雲吞皮有啲厚，醬汁同菇菌超好食！雲吞入面餡料係黑松露忌廉醬，好creamy, 好少食黑松露食物有咁多片黑松露片，感覺好豪華🤩
甜品
Tiramisu
見到好多食評都推薦食，一於試下。口感好滑好soft同creamy，入口即融，果然係必試食物。
panettone
專登order份聖誕甜品。一開始以為係蛋糕，原來係似蛋糕嘅麵包，配上nutella醬，普普通通無乜特別，榛子醬反而最好食😂
張貼
