影片
更多
2014-07-25
1521 瀏覽
話哂都係街坊點都要支持吓，見尋日放假冇乜嘢搞，瞓醒都中午就近近哋去附近食吓西餐，其實呢間近排都有幫襯吓，不過多數下午茶，今次早返少少就試吓個set lunch,款式都幾多，一般牛扒，豬扒類嘅餐，各式焗飯焗意，o加喱類甚至中式炒粉麵都有，選擇都唔少！嚟到呢類舊式西餐廳都係食返佢哋較拿手嘅焗飯類穩陣啲，最後就order咗焗豬扒飯set，不過呢價錢就冇包湯，要加十蚊先有，咁當然加啦！結果要咗個紅湯連餐包。餐包先上，都係行貨嘉頓包，整暖先上，ok ge!跟住紅湯就嚟，味道都幾濃郁唔會太酸，蔬菜亦都唔少，係欠缺少少辣味啫！隔左一陣個焗飯都上埋，我叫左waitress個飯多汁，所以望落當然較多啦，熱辣辣，豬扒就一塊多啲啦，煎香先再焗，飯亦都係炒底嘅唔錯啊，個汁亦都好多蕃茄肉，應該有用心較，當然要加埋卡夫嘅芝士粉啦，咁就更perfect。碟頭方面都可以嘅，食完都好飽嘞！跟著抖一抖就上埋杯凍咖啡嘞，一般跟餐嘅o加啡，同茶餐廳嘅有啲分別，我都鍾意飲啡嘅，係唔太有研究啫，總之呢杯都可以啦！再坐一陣就埋單，連加一七十七蚊，其實我成日諗佢喺聯和墟呢個小區定呢啲價一啲都唔街坊，但又keep住都好多人食，不過質量
其實呢間近排都有幫襯吓，不過多數下午茶，今次早返少少就試吓個set lunch,款式都幾多，
一般牛扒，豬扒類嘅餐，各式焗飯焗意，o加喱類甚至中式炒粉麵都有，選擇都唔少！
嚟到呢類舊式西餐廳都係食返佢哋較拿手嘅焗飯類穩陣啲，最後就order咗焗豬扒飯set，
不過呢價錢就冇包湯，要加十蚊先有，咁當然加啦！
結果要咗個紅湯連餐包。餐包先上，都係行貨嘉頓包，整暖先上，ok ge!跟住紅湯就嚟，
味道都幾濃郁唔會太酸，蔬菜亦都唔少，係欠缺少少辣味啫！隔左一陣個焗飯都上埋，
我叫左waitress個飯多汁，所以望落當然較多啦，熱辣辣，豬扒就一塊多啲啦，煎香先再焗，
飯亦都係炒底嘅唔錯啊，個汁亦都好多蕃茄肉，應該有用心較，當然要加埋卡夫嘅芝士粉啦，
咁就更perfect。碟頭方面都可以嘅，食完都好飽嘞！跟著抖一抖就上埋杯凍咖啡嘞，
一般跟餐嘅o加啡，同茶餐廳嘅有啲分別，我都鍾意飲啡嘅，係唔太有研究啫，總之呢杯都可以啦！
再坐一陣就埋單，連加一七十七蚊，其實我成日諗佢喺聯和墟呢個小區定呢啲價一啲都唔街坊，但又keep住都好多人食，不過質量佢有嘅，可能宜家啲人都捨得駛寧願比多少少，
食返啲質量同味道好啲嘅食物有關。晚餐就未試過，不過中午都七八成滿，
假日晚飯時段我估都好大機會會爆或者要等！試過幾次都ok ge水準keep到!
題外話/補充資料：
不過下午茶某啲餐嘅份量的確要改善吓，至少冇用啲麵包碟仔serve嘛，
起碼望落都冇咁迷你la~
(以上食評乃用戶個人意見 , 並不代表OpenRice之觀點。)
張貼
