影片
更多
2008-12-10
177 瀏覽
自從多年前晌日本食過一碗無敵鰻魚飯之後, 已經好少晌香港再有食鰻魚飯既衝動.....今次一眾 “窮鬼飯局” 會員又晌 “聯記川王” 設辣局, 唔好辣既我又要食自己, 平日去開 “時新” 同呢班辣妹窮鬼 “與時並進”既我, 見近期 “三河屋” 長期高踞開飯榜一時無倆既氣勢, 於是便捨 “時新” 一次, 去”三河屋” 看個究竟..... 十二月八日(一), 晚上七時左右, 門口仲未有人排隊等候, 但入面原來已經差不多坐無虛席, 幸好單人匹馬既我自由度比較大, 隨即就被安排坐左晌最近門口果個位, 都好~ 呢個位可以睇晒成間餐廳既環境, 唔錯唔錯~ 店內環境一般, 典型小型食店的格局, 佈置卻不失日本色彩, 並給人一種家的感覺。首次光臨, 當然諗都唔駛諗, 就梗係要試下該店名物 “鰻魚飯” 啦~ 其實真係好難再有一個叫 “鰻魚飯” 既衝動, 但係事前當 蘋果會長 同 快閃頭目 得知我會到訪 “三河屋”既時候, 便大力推介 “鰻魚飯”, 仲話 “唔叫唔得”, 實在冇任何拒絕既理由...... 根據 蘋果會長 所講, 呢度既 “鰻魚飯” 價錢跟同類食店相若 ($48), 但份量和質素都好好多….
今次一眾 “窮鬼飯局” 會員又晌 “聯記川王” 設辣局, 唔好辣既我又要食自己, 平日去開 “時新” 同呢班辣妹窮鬼 “與時並進”既我, 見近期 “三河屋” 長期高踞開飯榜一時無倆既氣勢, 於是便捨 “時新” 一次, 去”三河屋” 看個究竟.....
十二月八日(一), 晚上七時左右, 門口仲未有人排隊等候, 但入面原來已經差不多坐無虛席, 幸好單人匹馬既我自由度比較大, 隨即就被安排坐左晌最近門口果個位, 都好~ 呢個位可以睇晒成間餐廳既環境, 唔錯唔錯~
店內環境一般, 典型小型食店的格局, 佈置卻不失日本色彩, 並給人一種家的感覺。
首次光臨, 當然諗都唔駛諗, 就梗係要試下該店名物 “鰻魚飯” 啦~ 其實真係好難再有一個叫 “鰻魚飯” 既衝動, 但係事前當 蘋果會長 同 快閃頭目 得知我會到訪 “三河屋”既時候, 便大力推介 “鰻魚飯”, 仲話 “唔叫唔得”, 實在冇任何拒絕既理由......
根據 蘋果會長 所講, 呢度既 “鰻魚飯” 價錢跟同類食店相若 ($48), 但份量和質素都好好多…. 而事實當呢件名物上檯既時候, 已經印證左份量方面既優勝之處, 從相片中就可以見到件鰻魚係覆蓋左成個碗既八成範圍, 長度方面, 仲長過隻碗!!! 件鰻魚係唔可以平放落去個碗到, 真係大得驚人~!!
味道方面, 當我第一口咬落去既時候, 即時腦海中只有兩個字: “肥美!!” 較其他食店厚身既鰻魚, 每一啖咬落去都有汁流出來, 只可以用 “愛不釋手” 來形容~
另一點要讚既係, 坊間應該有九成店鋪做唔到既, 但三河屋做到了, 就係鰻魚飯汁既份量問題~ 我呢個 “汁怪” 向來都要每啖飯都有汁先會食落去, 好多時食到一半, D 飯已經冇晒汁, 甚至個飯一上檯時, 已經見到 D 汁少得可憐, 繼而要再費時間去問店員另外提供, 但事實上, 唔係第一時間同煮好既食物一齊放落去既汁, 無論味道同感覺上已經完全係兩回事… 但三河屋完全冇令我晌呢方面有所顧慮, 汁量極之足夠, 起碼足夠我食晒成碗飯, 洽到好處得來, 又唔會做到 “湯撈飯” 既效果。
身邊既朋友都知我對澱粉質有所顧忌, 但呢度既 “鰻魚飯” 竟然可以令我最後食到一粒飯都冇剩, 絕對冇誇張 (有相為証)
正如 快閃頭目 所講, 如果我地帶條高級或頂級既鰻魚到三河屋, 叫佢地用同一個煮法去整一碗鰻魚飯, 相信效果真係會不得了啊!!!
張貼
